[564] Yadapi bhikkhave kāyappassaddhi tadapi passaddhisambojjhaṅgo
yadapi cittappassaddhi tadapi passaddhisambojjhaṅgo passaddhisambojjhaṅgoti
Iti hidaṁ uddesaṁ āgacchati. Tadamināpetaṁ
pariyāyena dvayaṁ hoti.

[565] Yadapi bhikkhave savitakko savicāro samādhi tadapi
samādhisambojjhaṅgo yadapi avitakko avicāro samādhi tadapi
samādhisambojjhaṅgo samādhisambojjhaṅgoti iti hidaṁ uddesaṁ
āgacchati. Tadamināpetaṁ pariyāyena dvayaṁ hoti.

[566] Yadapi bhikkhave ajjhattaṁ dhammesu upekkhā tadapi
upekkhāsambojjhaṅgo yadapi bahiddhā dhammesu upekkhā tadapi
upekkhāsambojjhaṅgo upekkhāsambojjhaṅgoti iti hidaṁ uddesaṁ
āgacchati. Tadamināpetaṁ pariyāyena dvayaṁ hoti.

[567] Ayaṁ kho bhikkhave pariyāyo yaṁ pariyāyaṁ āgamma
satta bojjhaṅgā catuddasāti.

[568] Atha kho sambahulā bhikkhū pubbaṇhasamayaṁ nivāsetvā
pattacīvaramādāya sāvatthiṁ piṇḍāya pāvisiṁsu 1 . (pariyāyasuttasadisaṁ).
Evaṁvādino bhikkhave aññatitthiyā paribbājakā evamassu
vacanīyā yasmiṁ āvuso samaye līnaṁ cittaṁ hoti katamesaṁ tasmiṁ
samaye bojjhaṅgānaṁ akālo bhāvanāya. Katamesaṁ tasmiṁ samaye
bojjhaṅgānaṁ kālo bhāvanāya. Yasmiṁ panāvuso samaye uddhataṁ
cittaṁ hoti katamesaṁ tasmiṁ samaye bojjhaṅgānaṁ akālo bhāvanāya.
Katamesaṁ tasmiṁ samaye bojjhaṅgānaṁ kālo bhāvanāyāti. Evaṁ
1 Ma. Yu. sabbattha pavisiṁsu.
Puṭṭhā bhikkhave aññatitthiyā paribbājakā na ceva sampāyissanti
uttariñca vighātaṁ āpajjissanti. Taṁ kissa hetu. Yathā taṁ
bhikkhave avisayasmiṁ. Nāhantaṁ bhikkhave passāmi sadevake loke
samārake sabrahmake sassamaṇabrāhmaṇiyā pajāya sadevamanussāya
yo imesaṁ pañhānaṁ veyyākaraṇena cittaṁ ārādheyya aññatra
tathāgatena vā tathāgatasāvakena vā ito vā pana sutvā.

[569] Yasmiṁ pana 1 bhikkhave samaye līnaṁ cittaṁ hoti akālo tasmiṁ
samaye passaddhisambojjhaṅgassa bhāvanāya akālo samādhisambojjhaṅgassa
bhāvanāya akālo upekkhāsambojjhaṅgassa bhāvanāya.
Taṁ kissa hetu. Līnaṁ bhikkhave cittaṁ taṁ etehi dhammehi dussamuṭṭhāpayaṁ
hoti. Seyyathāpi bhikkhave puriso parittaṁ aggiṁ ujjāletukāmo
assa so tattha allāni ceva tiṇāni pakkhipeyya allāni [2]-
gomayāni pakkhipeyya allāni kaṭṭhāni pakkhipeyya udakavātañca
dadeyya paṁsukāni 3 ca okireyya bhabbo nu kho so puriso
parittaṁ aggiṁ ujjāletunti. No hetaṁ bhante. Evameva kho
bhikkhave yasmiṁ samaye līnaṁ cittaṁ hoti akālo tasmiṁ samaye
passaddhisambojjhaṅgassa bhāvanāya akālo samādhisambojjhaṅgassa
bhāvanāya akālo upekkhāsambojjhaṅgassa bhāvanāya. Taṁ kissa
hetu. Līnaṁ bhikkhave cittaṁ taṁ etehi dhammehi dussamuṭṭhāpayaṁ hoti.

[570] Yasmiñca kho bhikkhave samaye līnaṁ cittaṁ hoti kālo
1 Ma. Yu. panasaddo natthi. 2 Ma. ca. evamupari. 3 Ma. paṁsukena. evamupari.
Tasmiṁ samaye dhammavicayasambojjhaṅgassa bhāvanāya kālo viriyasambojjhaṅgassa
bhāvanāya kālo pītisambojjhaṅgassa bhāvanāya.
Taṁ kissa hetu. Līnaṁ bhikkhave cittaṁ taṁ etehi dhammehi
susamuṭṭhāpayaṁ hoti. Seyyathāpi bhikkhave puriso parittaṁ aggiṁ
ujjāletukāmo assa so tattha sukkhāni ceva tiṇāni pakkhipeyya
sukkhāni gomayāni pakkhipeyya sukkhāni kaṭṭhāni pakkhipeyya mukhavātañca
dadeyya na ca paṁsukena okireyya bhabbo nu kho so
puriso parittaṁ aggiṁ ujjāletunti 1 . Evaṁ bhante. Evameva
kho bhikkhave yasmiṁ samaye līnaṁ cittaṁ hoti kālo tasmiṁ samaye
dhammavicayasambojjhaṅgassa bhāvanāya kālo viriyasambojjhaṅgassa
bhāvanāya kālo pītisambojjhaṅgassa bhāvanāya. Taṁ kissa hetu.
Līnaṁ bhikkhave cittaṁ taṁ etehi dhammehi susamuṭṭhāpayaṁ hoti.

[571] Yasmiṁ bhikkhave samaye uddhataṁ cittaṁ hoti akālo
tasmiṁ samaye dhammavicayasambojjhaṅgassa bhāvanāya akālo viriyasambojjhaṅgassa
bhāvanāya akālo pītisambojjhaṅgassa bhāvanāya.
Taṁ kissa hetu. Uddhataṁ bhikkhave cittaṁ taṁ etehi dhammehi
duvūpasamayaṁ hoti. Seyyathāpi bhikkhave puriso mahantaṁ aggikkhandhaṁ
nibbāpetukāmo assa so tattha sukkhāni ceva tiṇāni pakkhipeyya
sukkhāni gomayāni pakkhipeyya sukkhāni kaṭṭhāni pakkhipeyya mukhavātañca
dadeyya na ca paṁsukena okireyya bhabbo nu kho so
1 Ma. ujjālitunti.
Puriso mahantaṁ aggikkhandhaṁ nibbāpetunti. No hetaṁ bhante.
Evameva kho bhikkhave yasmiṁ samaye uddhataṁ cittaṁ hoti akālo
tasmiṁ samaye dhammavicayasambojjhaṅgassa bhāvanāya akālo viriyasambojjhaṅgassa
bhāvanāya akālo pītisambojjhaṅgassa bhāvanāya.
Taṁ kissa hetu. Uddhataṁ bhikkhave cittaṁ taṁ etehi dhammehi
duvūpasamayaṁ hoti.

[572] Yasmiñca kho bhikkhave samaye uddhataṁ cittaṁ hoti
kālo tasmiṁ samaye passaddhisambojjhaṅgassa bhāvanāya kālo
samādhisambojjhaṅgassa bhāvanāya kālo upekkhāsambojjhaṅgassa
bhāvanāya. Taṁ kissa hetu. Uddhataṁ bhikkhave cittaṁ taṁ etehi
dhammehi suvūpasamayaṁ hoti. Seyyathāpi bhikkhave puriso mahantaṁ
aggikkhandhaṁ nibbāpetukāmo assa so tattha allāni ceva
tiṇāni pakkhipeyya allāni gomayāni pakkhipeyya allāni kaṭṭhāni
pakkhipayya udakavātañca dadeyya paṁsukāni ca okireyya bhabbo
nu kho so puriso mahantaṁ aggikkhandhaṁ nibbāpetunti. Evaṁ bhante.
Evameva kho bhikkhave yasmiṁ samaye uddhataṁ cittaṁ hoti kālo
tasmiṁ samaye passaddhisambojjhaṅgassa bhāvanāya kālo samādhisambojjhaṅgassa
bhāvanāya kālo upekkhāsambojjhaṅgassa bhāvanāya.
Taṁ kissa hetu. Uddhataṁ bhikkhave cittaṁ taṁ etehi dhammehi suvūpasamayaṁ
hoti. Satiñca khvāhaṁ bhikkhave sabbatthikaṁ vadāmīti.

[573] Ekaṁ samayaṁ bhagavā koliyesu viharati haliddavasanannāma
koliyānaṁ nigamo. Atha kho sambahulā bhikkhū pubbaṇhasamayaṁ
nivāsetvā pattacīvaramādāya haliddavasanaṁ piṇḍāya pāvisiṁsu.
Atha kho tesaṁ bhikkhūnaṁ etadahosi atippago kho tāva haliddavasanaṁ
piṇḍāya carituṁ yannūna mayaṁ yena aññatitthiyānaṁ paribbājakānaṁ
ārāmo tenupasaṅkameyyāmāti.