[718] Katamo ca bhikkhave asaṅkhatagāmimaggo. Idha bhikkhave
bhikkhu sammāsaṅkappaṁ bhāveti. Sammāvācaṁ bhāveti. Sammākammantaṁ
bhāveti. Sammāājīvaṁ bhāveti. Sammāvāyāmaṁ bhāveti.
Sammāsatiṁ bhāveti.

[719] Katamo ca bhikkhave asaṅkhatagāmimaggo. Idha bhikkhave
bhikkhu sammāsamādhiṁ bhāveti vivekanissitaṁ virāganissitaṁ nirodhanissitaṁ
vossaggapariṇāmiṁ. Ayaṁ vuccati bhikkhave asaṅkhatagāmimaggo. Iti
kho bhikkhave desitaṁ vo mayā asaṅkhataṁ desito asaṅkhatagāmimaggo.
Yaṁ bhikkhave satthārā karaṇīyaṁ sāvakānaṁ hitesinā anukampakena
anukampaṁ upādāya kataṁ vo taṁ mayā. Etāni bhikkhave rukkhamūlāni
etāni suññāgārāni. Jhāyatha bhikkhave mā pamādattha mā
Pacchā vippaṭisārino ahuvattha. Ayaṁ vo amhākaṁ anusāsanīti.

[720] Anatañca vo bhikkhave desissāmi anatagāmiñca maggaṁ
taṁ suṇātha. Katamañca bhikkhave anataṁ .pe. (yathā asaṅkhataṁ
vitthāritaṁ tathā vitthāretabbaṁ).

[721] Anāsavañca vo bhikkhave desissāmi anāsavagāmiñca
maggaṁ taṁ suṇātha. Katamañca bhikkhave anāsavaṁ .pe.

[722] Saccañca vo bhikkhave desissāmi saccagāmiñca maggaṁ
taṁ suṇātha. Katamañca bhikkhave saccaṁ .pe.

[723] Pārañca vo bhikkhave desissāmi pāragāmiñca maggaṁ
taṁ suṇātha. Katamañca bhikkhave pāraṁ .pe.

[724] Nipuṇañca vo bhikkhave desissāmi nipuṇagāmiñca maggaṁ
taṁ suṇātha. Katamañca bhikkhave nipuṇaṁ .pe.

[725] Sududdasañca vo bhikkhave desissāmi sududdasagāmiñca
maggaṁ taṁ suṇātha. Katamañca bhikkhave sududdasaṁ .pe.

[726] Ajajjarañca vo bhikkhave desissāmi ajajjaragāmiñca
maggaṁ taṁ suṇātha. Katamañca bhikkhave ajajjaraṁ .pe.

[727] Dhuvañca vo bhikkhave desissāmi dhuvagāmiñca maggaṁ
taṁ suṇātha. Katamañca bhikkhave dhuvaṁ .pe.