[580] Sāvatthī. Atha kho vacchagotto paribbājako yena bhagavā
tenupasaṅkami upasaṅkamitvā bhagavatā saddhiṁ sammodi sammodanīyaṁ
kathaṁ sārāṇīyaṁ vītisāretvā ekamantaṁ nisīdi. Ekamantaṁ nisinno
kho vacchagotto paribbājako bhagavantaṁ etadavoca ko nu kho
bho gotama hetu ko paccayo yānīmāni anekavihitāni diṭṭhigatāni
loke uppajjanti sassato lokoti vā asassato
lokoti vā .pe. Neva hoti na na hoti tathāgato paraṁ
maraṇāti vāti. Rūpe kho vaccha appaccakkhakammā rūpasamudaye
Appaccakkhakammā rūpanirodhe appaccakkhakammā rūpanirodhagāminiyā
paṭipadāya appaccakkhakammā .pe.

[581] Sāvatthī. Vedanāya kho vaccha appaccakkhakammā .pe.
Vedanānirodhagāminiyā paṭipadāya appaccakkhakammā .pe.

[582] Sāvatthī. Saññāya kho vaccha appaccakkhakammā .pe.
Saññānirodhagāminiyā paṭipadāya appaccakkhakammā .pe.

[583] Sāvatthī. Saṅkhāresu kho vaccha appaccakkhakammā .pe.
Saṅkhāranirodhagāminiyā paṭipadāya appaccakkhakammā .pe.

[584] Sāvatthī. Viññāṇe kho vaccha appaccakkhakammā
viññāṇasamudaye appaccakkhakammā viññāṇanirodhe appaccakkhakammā
viññāṇanirodhagāminiyā paṭipadāya appaccakkhakammā
evamimāni anekavihitāni diṭṭhigatāni loke uppajjanti sassato
lokoti vā .pe. Neva hoti na na hoti tathāgato paraṁ maraṇāti
vāti. Ayaṁ kho vaccha hetu ayaṁ paccayo yānīmāni anekavihitāni
diṭṭhigatāni loke uppajjanti sassato lokoti vā asassato
lokoti vā antavā lokoti vā anantavā lokoti vā
taṁ jīvaṁ taṁ sarīranti vā aññaṁ jīvaṁ aññaṁ sarīranti vā hoti
tathāgato paraṁ maraṇāti vā na hoti tathāgato paraṁ maraṇāti vā
hoti ca na ca hoti tathāgato paraṁ maraṇāti vā neva hoti na
na hoti tathāgato paraṁ maraṇāti vāti. Ayaṁ kho vaccha hetu ayaṁ
Paccayo yānīmāni anekavihitāni diṭṭhigatāni loke uppajjanti
sassato lokoti vā asassato lokoti vā .pe. Neva hoti
na na hoti tathāgato paraṁ maraṇāti vāti. (ekapiṇḍena pañcapaññāsaṁ
suttantā bhavanti).
Vacchagottasaṁyuttaṁ niṭṭhitaṁ.
Idaṁ saṁyuttassa uddānaṁ
aññāṇā adassanañceva anabhisamayā ananubodhā
appaṭivedhā asallakkhaṇā anupalakkhaṇena asamapekkhaṇā
appaccavekkhaṇā appaccupalakkhaṇā appaccakkhakammanti.
------------
Samādhisaṁyuttaṁ 1

[585] Sāvatthī. Tatra kho .pe. Cattārome bhikkhave
jhāyī. Katame cattāro. Idha bhikkhave ekacco jhāyī samādhismiṁ
samādhikusalo hoti na samādhismiṁ samāpattikusalo. Idha pana bhikkhave
ekacco jhāyī samādhismiṁ samāpattikusalo hoti na samādhismiṁ samādhikusalo.
Idha pana bhikkhave ekacco jhāyī neva samādhismiṁ samādhikusalo
hoti na samādhismiṁ samāpattikusalo. Idha pana bhikkhave
ekacco jhāyī samādhismiṁ samādhikusalo ca hoti samādhismiṁ samāpattikusalo
ca. Tatra bhikkhave yvāyaṁ jhāyī samādhismiṁ samādhikusalo
ca [2]- samādhismiṁ samāpattikusalo ca. Ayaṁ imesaṁ catunnaṁ jhāyīnaṁ aggo
ca seṭṭho ca pāmokkho 3 ca uttamo ca pavaro ca. Seyyathāpi
bhikkhave gavā khīraṁ khīramhā dadhi dadhimhā navanītaṁ navanītamhā sappi
sappimhā sappimaṇḍo tatra aggamakkhāyati evameva kho bhikkhave
yvāyaṁ jhāyī samādhismiṁ samādhikusalo ca samādhismiṁ samāpattikusalo
ca. Ayaṁ imesaṁ catunnaṁ jhāyīnaṁ aggo ca seṭṭho ca pāmokkho 4
ca uttamo ca pavaro cāti.

[586] Sāvatthī. Tatra kho .pe. Cattārome bhikkhave
jhāyī. Katame cattāro. Idha bhikkhave ekacco jhāyī samādhismiṁ
samādhikusalo hoti na samādhismiṁ ṭhitikusalo. Idha pana bhikkhave
1 Ma. jhānasaṁyuttaṁ. [2] Ma. hoti. sabbattha evaṁ ñātabbaṁ. 3-4 Ma. Yu.
mokkho iti dissati sabbattha īdisameva.
Ekacco jhāyī samādhismiṁ ṭhitikusalo hoti na samādhismiṁ samādhikusalo.
Idha pana bhikkhave ekacco jhāyī neva samādhismiṁ samādhikusalo
hoti na samādhismiṁ ṭhitikusalo. Idha pana bhikkhave ekacco
jhāyī samādhismiṁ samādhikusalo ca hoti samādhismiṁ ṭhitikusalo ca.
Tatra bhikkhave yvāyaṁ jhāyī samādhismiṁ samādhikusalo ca samādhismiṁ
ṭhitikusalo ca. Ayaṁ imesaṁ catunnaṁ jhāyīnaṁ aggo ca seṭṭho ca
pāmokkho ca uttamo ca pavaro ca. Seyyathāpi bhikkhave gavā
khīraṁ khīramhā dadhi dadhimhā navanītaṁ navanītamhā sappi sappimhā
sappimaṇḍo tatra aggamakkhāyati evameva kho bhikkhave yvāyaṁ
jhāyī samādhismiṁ samādhikusalo ca samādhismiṁ ṭhitikusalo ca. Ayaṁ
imesaṁ catunnaṁ jhāyīnaṁ aggo ca seṭṭho ca pāmokkho ca uttamo
ca pavaro cāti.

[587] Sāvatthī. Cattārome bhikkhave jhāyī. Katame cattāro.
Idha bhikkhave ekacco jhāyī samādhismiṁ samādhikusalo hoti na [1]- samādhismiṁ
vuṭṭhānakusalo. Idha pana bhikkhave ekacco jhāyī samādhismiṁ vuṭṭhānakusalo
hoti na samādhismiṁ samādhikusalo. Idha pana bhikkhave ekacco
jhāyī neva samādhismiṁ samādhikusalo hoti na samādhismiṁ vuṭṭhānakusalo.
Idha pana bhikkhave ekacco jhāyī samādhismiṁ samādhikusalo
ca hoti samādhismiṁ vuṭṭhānakusalo ca. Tatra bhikkhave yvāyaṁ jhāyī
samādhismiṁ samādhikusalo ca samādhismiṁ vuṭṭhānakusalo ca. Ayaṁ imesaṁ
[1] Ma. casaddo dissati. sabbattha īdisameva.
Catunnaṁ jhāyīnaṁ aggo ca seṭṭho ca pāmokkho ca uttamo ca
pavaro ca. Seyyathāpi bhikkhave gavā khīraṁ khīramhā dadhi dadhimhā
navanītaṁ navanītamhā sappi sappimhā .pe. Pavaro cāti.

[588] Sāvatthī. Cattārome bhikkhave jhāyī. Katame cattāro.
Idha bhikkhave ekacco jhāyī samādhismiṁ samādhikusalo hoti na samādhismiṁ
kallitakusalo 1 . Idha pana bhikkhave ekacco jhāyī samādhismiṁ kallitakusalo
hoti na samādhismiṁ samādhikusalo. Idha pana bhikkhave ekacco
jhāyī neva samādhismiṁ samādhikusalo hoti na samādhismiṁ kallitakusalo.
Idha pana bhikkhave ekacco jhāyī samādhismiṁ samādhikusalo ca hoti
samādhismiṁ kallitakusalo ca. Tatra bhikkhave yvāyaṁ jhāyī samādhismiṁ
samādhikusalo ca samādhismiṁ kallitakusalo ca. Ayaṁ imesaṁ catunnaṁ
jhāyīnaṁ aggo ca seṭṭho ca pāmokkho ca uttamo ca pavaro
ca. Seyyathāpi bhikkhave gavā khīraṁ khīramhā dadhi dadhimhā navanītaṁ
navanītamhā sappi sappimhā .pe. Pavaro cāti.

[589] Sāvatthī. Cattārome bhikkhave jhāyī. Katame cattāro.
Idha bhikkhave ekacco jhāyī samādhismiṁ samādhikusalo hoti na samādhismiṁ
ārammaṇakusalo. Idha pana bhikkhave ekacco jhāyī samādhismiṁ
ārammaṇakusalo hoti na samādhismiṁ samādhikusalo. Idha pana bhikkhave
ekacco jhāyī neva samādhismiṁ samādhikusalo hoti na samādhismiṁ
ārammaṇakusalo. Idha pana bhikkhave ekacco jhāyī samādhismiṁ
1 Yu. kallakusalo.
Samādhikusalo ca hoti samādhismiṁ ārammaṇakusalo ca. Tatra bhikkhave
yvāyaṁ jhāyī samādhismiṁ samādhikusalo ca samādhismiṁ ārammaṇakusalo
ca. Ayaṁ imesaṁ catunnaṁ jhāyīnaṁ aggo ca seṭṭho ca pāmokkho
ca uttamo ca pavaro ca. Seyyathāpi bhikkhave gavā khīraṁ .pe.
Pavaro cāti.