[302] Tayo khome poṭṭhapāda attapaṭilābhā oḷāriko attapaṭilābho
manomayo attapaṭilābho arūpo attapaṭilābho. Katamo
ca poṭṭhapāda oḷāriko attapaṭilābho. Rūpī cātummahābhūtiko
kavalīkārabhakkho ayaṁ oḷāriko attapaṭilābho. Katamo manomayo
attapaṭilābho. Rūpī manomayo sabbaṅgapaccaṅgī ahīnindriyo ayaṁ
manomayo attapaṭilābho. Katamo arūpo attapaṭilābho. Arūpī
saññāmayo ayaṁ arūpo attapaṭilābho.