[๒๕๗] เอกมนฺตํ ฐิโต โข ทีฆลฏฺฐิ เทวปุตฺโต ภควโต
สนฺติเก อิมํ คาถํ อภาสิ ๒
ภิกฺขุ สิยา ฌายิ วิมุตฺตจิตฺโต
อากงฺเข เว ๓ หทยสฺสานุปตฺตึ
โลกสฺส ญตฺวา อุทยพฺพยญฺจ
สุเจตโส อนิสฺสิโต ตทานิสํโสติ ฯ
จตุตฺถํ นนฺทนสุตฺตํ

[๒๕๘] เอกมนฺตํ ฐิโต โข นนฺทโน เทวปุตฺโต ภควนฺตํ คาถาย
อชฺฌภาสิ
ปุจฺฉามิ ตํ โคตม ภูริปญฺญ
อนาวฏํ ภควโต ญาณทสฺสนํ
#๑ โป. ยุ. มจฺจุวสงฺคา ฯ ๒ สี. ภควนฺตํ คาถาย อชฺฌภาสิ ฯ ๓ ม. เจ. ฯ ยุ. จ. ฯ
กถํวิธํ สีลวนฺตํ วทนฺติ
กถํวิธํ ปญฺญวนฺตํ วทนฺติ
กถํวิโธ ๑ ทุกฺขมติจฺจ อิริยติ
กถํวิธํ เทวตา ปูชยนฺตีติ ฯ

[๒๕๙] โย สีลวา ปญฺญวา ภาวิตตฺโต
สมาหิโต ฌานรโต ๒ สตีมา้
สพฺพสฺส โสกา วิคตา ปหีนา
ขีณาสโว อนฺติมเทหธารี
ตถาวิธํ สีลวนฺตํ วทนฺติ
ตถาวิธํ ปญฺญวนฺตํ วทนฺติ
ตถาวิโธ ทุกฺขมติจฺจ อิริยติ
ตถาวิธํ เทวตา ปูชยนฺตีติ ฯ
ปญฺจมํ จนฺทนสุตฺตํ

[๒๖๐] เอกมนฺตํ ฐิโต โข จนฺทโน เทวปุตฺโต ภควนฺตํ คาถายฝ
อชฺฌภาสิ
กถํสุ ๓ ตรติ โอฆํ รตฺตินฺทิวมตนฺทิโต
อปฺปติฏฺเฐ อนาลมฺเพ โก คมฺภีเร น สีทตีติ ฯ

[๒๖๑] สพฺพทา สีลสมฺปนฺโน ปญฺญวา สุสมาหิโต
อารทฺธวิริโย ปหิตตฺโต โอฆํ ตรติ ทุตฺตรํ
#๑ ยุ. กถํวิธํ ฯ ๒ สี. ฌานปติ ฯ ๓ สี. โกสูธ ฯ
วิรโต กามสญฺญาย รูปสญฺโญชนาติโต ๑
นนฺทิภวปริกฺขีโณ ๒ โส คมฺภีเร น สีทตีติ ฯ
ฉฏฺฐํ วาสุทตฺตสุตฺตํ

[๒๖๒] เอกมนฺตํ ฐิโต โข วาสุทตฺโต เทวปุตฺโต ภควโต
สนฺติเก อิมํ คาถํ อภาสิ
สตฺติยา วิย โอมฏฺโฐ ฑยฺหมาเนว ๓ มตฺถเก
กามราคปฺปหานาย สโต ภิกฺขุ ปริพฺพเชติ ฯ

[๒๖๓] สตฺติยา วิย โอมฏฺโฐ ฑยฺหมาเนว มตฺถเก
สกฺกายทิฏฺฐิปฺปหานาย สโต ภิกฺขุ ปริพฺพเชติ ฯ
สตฺตมํ สุพฺรหฺมสุตฺตํ

[๒๖๔] เอกมนฺตํ ฐิโต โข สุพฺรหฺมา เทวปุตฺโต ภควนฺตํ
คาถาย อชฺฌภาสิ
นิจฺจมุตฺรสฺตมิทํ จิตฺตํ นิจฺจมุพฺพิคฺคมิทํ มโน
อนุปฺปนฺเนสุ กิจฺเจสุ อโถ อุปฺปตฺติเตสุ จ
สเจ อตฺถิ อนุตฺรสฺตํ ตํ เม อกฺขาหิ ปุจฺฉิโตติ ฯ

[๒๖๕] นาญฺญตฺร โพชฺฌงฺค ตปสา ๔ นาญฺญตฺร อินฺทฺริยสํวรา
นาญฺญตฺร สพฺพนิสฺสคฺคา โสตฺถึ ปสฺสามิ ปาณินนฺติ ฯ
อิทมโวจ ฯเปฯ ตตฺเถวนฺตรธายีติ ฯ
#๑ รูปสญฺโญชนาติโคติ วา ปาโฐ ฯ ๒ โป. ม. นนฺทิราคปริกฺขีโณ ฯ
#๓ ม. ฑยฺหมาโนว ฯ ๔ ม. โพชฺฌาตปสา ฯ
อฏฺฐมํ กกุธสุตฺตํ

[๒๖๖] เอวมฺเม สุตํ เอกํ สมยํ ภควา สาเกเต วิหรติ
อญฺชนวเน มิคทาเย ฯ อถ โข กกุโธ เทวปุตฺโต อภิกฺกนฺตาย
รตฺติยา อภิกฺกนฺตวณฺโณ เกวลกปฺปํ อญฺชนวนํ โอภาเสตฺวา เยน
ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา
เอกมนฺตํ อฏฺฐาสิ ฯ