[๒๕๕]-2 เหตุํ อตีตารมฺมณํ ธมฺมํ ปฏิจฺจ นเหตุนอตีตารมฺมโณ
ธมฺโม อุปฺปชฺชติ เหตุปจฺจยา: ตีณิ ฯ เหตุํ อนาคตารมฺมณํ
ธมฺมํ ปฏิจฺจ นเหตุ นอนาคตารมฺมโณ ธมฺโม อุปฺปชฺชติ
เหตุปจฺจยา: ตีณิ ฯ เหตุํ ปจฺจุปฺปนฺนารมฺมณํ ธมฺมํ ปฏิจฺจ นเหตุ
นปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา: ตีณิ ฯ
เหตุทุกอชฺฌตฺตารมฺมณตฺติเก
นเหตุทุกนอชฺฌตฺตารมฺมณตฺติกํ

[๒๕๖]-2 เหตุํ อชฺฌตฺตารมฺมณํ ธมฺมํ ปฏิจฺจ นเหตุ
นอชฺฌตฺตารมฺมาโณ ธมฺโม อุปฺปชฺชติ เหตุปจฺจยา: ตีณิ ฯ
เหตุํ พหิทฺธารมฺมณํ ธมฺมํ ปฏิจฺจ นเหตุ นพหิทฺธารมฺมโณ
ธมฺโม อุปฺปชฺชติ เหตุปจฺจยา: ตีณิ ฯ
เหตุทุกสนิทสฺสนตฺติเก
นเหตุทุกนสนิทสฺสนตฺติกํ

[๒๕๗]-2 นเหตุ สนิทสฺสนสปฺปฏิโฆ ธมฺโม นนเหตุสฺส
นสนิทสฺสนสปฺปฏิฆสฺส ธมฺมสฺส อารมฺมณปจฺจเยน ปจฺจโย: ฯเปฯ
นเหตุ สนิทสฺสนสปฺปฏิโฆ ธมฺโม นเหตุสฺส นสนิทสฺสนสปฺปฏิฆสฺส
จ นนเหตุสฺส นสนิทสฺสนสปฺปฏิฆสฺส จ ธมฺมสฺส อารมฺมณปจฺจเยน
ปจฺจโย: ตีณิ ฯ

[๒๕๘]-2 นเหตุํ อนิทสฺสนสปฺปฏิฆํ ธมฺมํ ปฏิจฺจ นเหตุ
นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา: เอกํ ฯ

[๒๕๙]-2 เหตุํ อนิทสฺสนอปฺปฏิฆํ ธมฺมํ ปฏิจฺจ นเหตุ
นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา: นเหตุํ
อนิทสฺสนอปฺปฏิฆํ ธมฺมํ ปฏิจฺจ นเหตุ นอนิทสฺสนอปฺปฏิโฆ
ธมฺโม อุปฺปชฺชติ เหตุปจฺจยา: เหตุํ อนิทสฺสนอปฺปฏิฆญฺจ
นเหตุํ อนิทสฺสนอปฺปฏิฆญฺจ ธมฺมํ ปฏิจฺจ นเหตุ นอนิทสฺสนอปฺปฏิโฆ
ธมฺโม อุปฺปชฺชติ เหตุปจฺจยา: ฯ

[๒๖๐]-2 เหตุยา ตีณิ ฯ
__________________
สเหตุกทุกกุสลตฺติเก
นสเหตุกทุกนกุสลตฺติกํ

[๒๖๑]-2 สเหตุกํ กุสลํ ธมฺมํ ปฏิจฺจ นสเหตุโก นกุสโล ธมฺโม
อุปฺปชฺชติ เหตุปจฺจยา: เอกํ ฯ สเหตุกํ อกุสลํ ธมฺมํ ปฏิจฺจ
นสเหตุโก นอกุสโล ธมฺโม อุปฺปชฺชติ เหตุปจฺจยา: ตีณิ ฯ
อเหตุกํ อพฺยากตํ ธมฺมํ ปจฺจยา นอเหตุโก นอพฺยากโต ธมฺโม
อุปฺปชฺชติ เหตุปจฺจยา: เอกํ ฯ
เหตุสมฺปยุตฺตทุกกุสลตฺติเก
นเหตุสมฺปยุตฺตทุกนกุสลตฺติกํ

[๒๖๒]-2 เหตุสมฺปยุตฺตํ กุสลํ ธมฺมํ ปฏิจฺจ นเหตุสมฺปยุตฺโตนกุสโล ธมฺโม อุปฺปชฺชติ เหตุปจฺจยา: เอกํ ฯ เหตุสมฺปยุตฺตํ
อกุสลํ ธมฺมํ ปฏิจฺจ นเหตุสมฺปยุตฺโต นอกุสโล ธมฺโม อุปฺปชฺชติ
เหตุปจฺจยา: ตีณิ ฯ เหตุวิปฺปยุตฺตํ อพฺยากตํ ธมฺมํ ปจฺจยา
นเหตุวิปฺปยุตฺโต นอพฺยากโต ธมฺโม อุปฺปชฺชติ เหตุปจฺจยา: เอกํ ฯ
เหตุสเหตุกทุกกุสลตฺติเก
นเหตุสเหตุกทุกนกุสลตฺติกํ

[๒๖๓]-2 เหตุเจวสเหตุโกจ กุสโล ธมฺโม นเหตุสฺสเจวนอเหตุกสฺสจ
นกุสลสฺส ธมฺมสฺส อารมฺมณปจฺจเยน ปจฺจโย:
เอกํ ฯ เหตุเจวสเหตุโกจ กุสโล ธมฺโม นอเหตุกสฺสเจวนนจเหตุสฺส
นกุสลสฺส ธมฺมสฺส อารมฺมณปจฺจเยน ปจฺจโย: เทฺว ฯ
เหตุเจวสเหตุโกจ กุสโล ธมฺโม นเหตุสฺสเจวนอเหตุกสฺสจ
นกุสลสฺส จ นอเหตุกสฺสเจวนนจเหตุสฺส นกุสลสฺส จ ธมฺมสฺส
อารมฺมณปจฺจเยน ปจฺจโย: ตีณิ ฯ

[๒๖๔]-2 สเหตุโกเจวนจเหตุ กุสโล ธมฺโม
นอเหตุกสฺสเจวนนจเหตุสฺส นกุสลสฺส ธมฺมสฺส อารมฺมณปจฺจเยน ปจฺจโย:
จตฺตาริ ฯ … นเหตุสฺสเจวนอเหตุกสฺสจ นกุสลสฺส ธมฺมสฺส
อารมฺมณปจฺจเยน ปจฺจโย: ปญฺจ ฯ … นเหตุสฺสเจวนอเหตุกสฺสจ
นกุสลสฺส จ นอเหตุกสฺสเจวนนจเหตุสฺส
นกุสลสฺส จ ธมฺมสฺส อารมฺมณปจฺจเยน ปจฺจโย: ฉ ฯ