[๑๖๘๗] สวิตกฺโก อพฺยากโต ธมฺโม สวิตกฺกสฺส อพฺยากตสฺส
ธมฺมสฺส อารมฺมณปจฺจเยน ปจฺจโย: ฯ

[๑๖๘๘] เหตุยา จตฺตาริ อารมฺมเณ นว อธิปติยา นว
สพฺพตฺถ นว อุปนิสฺสเย นว ปุเรชาเต ตีณิ ปจฺฉาชาเต ตีณิ
อาเสวเน นว กมฺเม จตฺตาริ วิปาเก นว อาหาเร
จตฺตาริ ฯเปฯ ฌาเน นว มคฺเค นว สมฺปยุตฺเต ฉ วิปฺปยุตฺเต ปญฺจ
อตฺถิยา นว นตฺถิยา นว วิคเต นว อวิคเต นว ฯ

[๑๖๘๙] นเหตุยา นว นอารมฺมเณ นว ฯ

[๑๖๙๐] เหตุปจฺจยา นอารมฺมเณ จตฺตาริ ฯ

[๑๖๙๑] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ
สวิตกฺกทุกกุสลตฺติกํ นิฏฺฐิตํ ฯ
______________
สวิจารทุกกุสลตฺติกํ

[๑๖๙๒] สวิจารํ กุสลํ ธมฺมํ ปฏิจฺจ สวิจาโร กุสโล ธมฺโม
อุปฺปชฺชติ เหตุปจฺจยา: ตีณิ ฯ อวิจารํ กุสลํ ธมฺมํ ปฏิจฺจ
อวิจาโร กุสโล ธมฺโม อุปฺปชฺชติ เหตุปจฺจยา: เทฺว ฯ สวิจารํ
กุสลญฺจ อวิจารํ กุสลญฺจ ธมฺมํ ปฏิจฺจ สวิจาโร กุสโล ธมฺโม
อุปฺปชฺชติ เหตุปจฺจยา: ฯ

[๑๖๙๓] เหตุยา ฉ อารมฺมเณ ฉ อวิคเต ฉ ฯ
สวิตกฺกทุกกุสลสทิสํ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ

[๑๖๙๔] สวิจารํ อกุสลํ ธมฺมํ ปฏิจฺจ สวิจาโร อกุสโล
ธมฺโม อุปฺปชฺชติ เหตุปจฺจยา: ตีณิ ฯ อวิจารํ อกุสลํ ธมฺมํ
ปฏิจฺจ สวิจาโร อกุสโล ธมฺโม อุปฺปชฺชติ เหตุปจฺจยา: ฯ สวิจารํ
อกุสลญฺจ อวิจารํ อกุสลญฺจ ธมฺมํ ปฏิจฺจ สวิจาโร อกุสโล
ธมฺโม อุปฺปชฺชติ เหตุปจฺจยา: ฯ

[๑๖๙๕] เหตุยา ปญฺจ อารมฺมเณ ปญฺจ อวิคเต ปญฺจ ฯ
สวิตกฺกทุกกุสลสทิสํ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ

[๑๖๙๖] สวิจารํ อพฺยากตํ ธมฺมํ ปฏิจฺจ สวิจาโร อพฺยากโต
ธมฺโม อุปฺปชฺชติ เหตุปจฺจยา: ตีณิ ฯ อวิจารํ อพฺยากตํ ธมฺมํ
ปฏิจฺจ อวิจาโร อพฺยากโต ธมฺโม อุปฺปชฺชติ เหตุปจฺจยา: ตีณิ ฯ
สวิจารํ อพฺยากตญฺจ อวิจารํ อพฺยากตญฺจ ธมฺมํ ปฏิจฺจ สวิจาโร
อพฺยากโต ธมฺโม อุปฺปชฺชติ เหตุปจฺจยา: ตีณิ ฯ