[๑๖๓๗] ทสฺสเนนปหาตพฺพํ อกุสลํ ธมฺมํ ปฏิจฺจ ทสฺสเนนปหาตพฺโพ
อกุสโล ธมฺโม อุปฺปชฺชติ เหตุปจฺจยา: ฯ นทสฺสเนนปหาตพฺพํ
อกุสลํ ธมฺมํ ปฏิจฺจ นทสฺสเนนปหาตพฺโพ อกุสโล
ธมฺโม อุปฺปชฺชติ เหตุปจฺจยา: ฯ

[๑๖๓๘] เหตุยา เทฺว อารมฺมเณ เทฺว อธิปติยา เทฺว
อวิคเต เทฺว ฯ

[๑๖๓๙] ทสฺสเนนปหาตพฺพํ อกุสลํ ธมฺมํ ปฏิจฺจ ทสฺสเนนปหาตพฺโพ
อกุสโล ธมฺโม อุปฺปชฺชติ นเหตุปจฺจยา: วิจิกิจฺฉาสหคเต
ขนฺเธ ปฏิจฺจ วิจิกิจฺฉาสหคโต โมโห ฯ นทสฺสเนนปหาตพฺพํ
อกุสลํ ธมฺมํ ปฏิจฺจ นทสฺสเนนปหาตพฺโพ อกุสโล
ธมฺโม อุปฺปชฺชติ นเหตุปจฺจยา: ฯ

[๑๖๔๐] นเหตุยา เทฺว นอธิปติยา เทฺว นปุเรชาเต เทฺว
นกมฺเม เทฺว นวิปาเก เทฺว นวิปฺปยุตฺเต เทฺว ฯ
สหชาตวาเรปิ ปญฺหาวาเรปิ สพฺพตฺถ วิตฺถาเรตพฺพํ ฯ

[๑๖๔๑] ทสฺสเนนปหาตพฺโพ อกุสโล ธมฺโม ทสฺสเนนปหาตพฺพสฺส
อกุสลสฺส ธมฺมสฺส เหตุปจฺจเยน ปจฺจโย: ฯ นทสฺสเนนปหาตพฺโพ
อกุสโล ธมฺโม นทสฺสเนนปหาตพฺพสฺส อกุสลสฺส
ธมฺมสฺส เหตุปจฺจเยน ปจฺจโย: ฯ

[๑๖๔๒] เหตุยา เทฺว ฯ อารมฺมเณ ตีณิ: ทสฺสเน เอกํ
น ทสฺสเน เทฺว ฯ อธิปติยา ตีณิ: ทสฺสนมูลกํ เอกํ น ทสฺสเน
เทฺว: อารมฺมณาธิปติ สหชาตาธิปติ เอการมฺมณาธิปติ ฯ
อนนฺตเร เทฺว: ทสฺสนมูลกํ เอกํ น ทสฺสเน เอกํ ฯ สมนนฺตเร
เทฺว สหชาเต เทฺว ฯเปฯ อุปนิสฺสเย ตีณิ อาเสวเน เทฺว
กมฺเม เทฺว อาหาเร เทฺว ฯเปฯ สมฺปยุตฺเต เทฺว อตฺถิยา
เทฺว นตฺถิยา เทฺว ฯเปฯ

[๑๖๔๓] นทสฺสเนนปหาตพฺพํ อพฺยากตํ ธมฺมํ ปฏิจฺจ นทสฺสเนน-
ปหาตพฺโพ อพฺยากโต ธมฺโม อุปฺปชฺชติ เหตุปจฺจยา: ฯ

[๑๖๔๔] เหตุยา เอกํ อารมฺมเณ เอกํ อวิคเต เอกํ ฯ
สหชาตวาเรปิ ปญฺหาวาเรปิ สพฺพตฺถ เอกํ ฯ
ทสฺสเนนปหาตพฺพทุกกุสลตฺติกํ นิฏฺฐิตํ ฯ
______________
ภาวนายปหาตพฺพทุกกุสลตฺติกํ

[๑๖๔๕] นภาวนายปหาตพฺพํ กุสลํ ธมฺมํ ปฏิจฺจ นภาวนายปหาตพฺโพ
กุสโล ธมฺโม อุปฺปชฺชติ เหตุปจฺจยา: ฯ

[๑๖๔๖] เหตุยา เอกํ อารมฺมเณ เอกํ อวิคเต เอกํ ฯ
สหชาตวาเรปิ ปญฺหาวาเรปิ สพฺพตฺถ เอกํ ฯ