[๑๕๓๗] โนอุปาทา อพฺยากโต ธมฺโม โนอุปาทา อพฺยากตสฺส
ธมฺมสฺส อธิปติปจฺจเยน ปจฺจโย: ตีณิ ปฐเม เทฺวปิ อธิปตี
ทฺวีสุ สหชาตาธิปติ ฯ

[๑๕๓๘] อนนฺตเร เอกํ สหชาเต ปญฺจ อญฺญมญฺเญ
ปญฺจ นิสฺสเย ปญฺจ ฯ

[๑๕๓๙] อุปาทา อพฺยากโต ธมฺโม โนอุปาทา อพฺยากตสฺส
ธมฺมสฺส อุปนิสฺสยปจฺจเยน ปจฺจโย: ฯ โนอุปาทา อพฺยากโต
ธมฺโม โนอุปาทา อพฺยากตสฺส ธมฺมสฺส อุปนิสฺสยปจฺจเยน
ปจฺจโย: เทฺว ฯ

[๑๕๔๐] ปุเรชาเต ตีณิ ปจฺฉาชาเต ตีณิ อาเสวเน เอกํ กมฺเม
ตีณิ วิปาเก ตีณิ อาหาเร ฉ อินฺทฺริเย สตฺต ฌาเน ตีณิ
มคฺเค ตีณิ สมฺปยุตฺเต เอกํ วิปฺปยุตฺเต จตฺตาริ อตฺถิยา นว ฯ
อุปาทาทุกกุสลตฺติกํ นิฏฺฐิตํ ฯ
______________
อุปาทินฺนทุกกุสลตฺติกํ
ปฏิจฺจวาโร

[๑๕๔๑] อนุปาทินฺนํ กุสลํ ธมฺมํ ปฏิจฺจ อนุปาทินฺโน กุสโล
ธมฺโม อุปฺปชฺชติ เหตุปจฺจยา: ฯ

[๑๕๔๒] เหตุยา เอกํ อารมฺมเณ เอกํ อวิคเต เอกํ ฯ
สพฺพตฺถ เอกํ ฯ
สหชาตวาเรปิ ปญฺหาวาเรปิ เอกํ ฯ
สปฺปจฺจยทุกกุสลสทิสํ ฯ
______________
ปฏิจฺจวาโร

[๑๕๔๓] อนุปาทินฺนํ อกุสลํ ธมฺมํ ปฏิจฺจ อนุปาทินฺโน อกุสโล
ธมฺโม อุปฺปชฺชติ เหตุปจฺจยา: ฯ

[๑๕๔๔] เหตุยา เอกํ อวิคเต เอกํ ฯ
สหชาตวาเรปิ ปญฺหาวาเรปิ สพฺพตฺถ เอกํ ฯ
______________
ปฏิจฺจวาโร

[๑๕๔๕] อุปาทินฺนํ อพฺยากตํ ธมฺมํ ปฏิจฺจ อุปาทินฺโน
อพฺยากโต ธมฺโม อุปฺปชฺชติ เหตุปจฺจยา: ตีณิ ฯ อนุปาทินฺนํ อพฺยากตํ
ธมฺมํ ปฏิจฺจ อนุปาทินฺโน อพฺยากโต ธมฺโม อุปฺปชฺชติ
เหตุปจฺจยา: ฯ อุปาทินฺนํ อพฺยากตญฺจ อนุปาทินฺนํ อพฺยากตญฺจ
ธมฺมํ ปฏิจฺจ อนุปาทินฺโน อพฺยากโต ธมฺโม อุปฺปชฺชติ เหตุปจฺจยา:
อุปาทินฺเน ขนฺเธ จ มหาภูเต จ ปฏิจฺจ จิตฺตสมุฏฺฐานํ
รูปํ ฯ

[๑๕๔๖] เหตุยา ปญฺจ อารมฺมเณ เทฺว อธิปติยา
เอกํ ฯเปฯ ปุเรชาเต เทฺว อาเสวเน เอกํ กมฺเม ปญฺจ วิปาเก
ปญฺจ อวิคเต ปญฺจ ฯ