[๑๔๒๗] จิตฺตํ กุสลํ ธมฺมํ ปฏิจฺจ โนจิตฺโต กุสโล ธมฺโม
อุปฺปชฺชติ เหตุปจฺจยา: ฯ โนจิตฺตํ กุสลํ ธมฺมํ ปฏิจฺจ โนจิตฺโต
กุสโล ธมฺโม อุปฺปชฺชติ เหตุปจฺจยา: โนจิตฺตํ กุสลํ ธมฺมํ
ปฏิจฺจ จิตฺโต กุสโล ธมฺโม อุปฺปชฺชติ เหตุปจฺจยา: โนจิตฺตํ
กุสลํ ธมฺมํ ปฏิจฺจ จิตฺโต กุสโล จ โนจิตฺโต กุสโล จ ธมฺมา
อุปฺปชฺชนฺติ เหตุปจฺจยา: ฯ จิตฺตํ กุสลญฺจ โนจิตฺตํ กุสลญฺจ
ธมฺมํ ปฏิจฺจ โนจิตฺโต กุสโล ธมฺโม อุปฺปชฺชติ เหตุปจฺจยา: ฯ

[๑๔๒๘] เหตุยา ปญฺจ อารมฺมเณ ปญฺจ สพฺพตฺถ ปญฺจ
อวิคเต ปญฺจ ฯ

[๑๔๒๙] นอธิปติยา ปญฺจ นปุเรชาเต ปญฺจ นปจฺฉาชาเต
ปญฺจ นอาเสวเน ปญฺจ นกมฺเม ตีณิ นวิปาเก ปญฺจ นวิปฺปยุตฺเต
ปญฺจ ฯ
สหชาตวาโรปิ สมฺปยุตฺตวาโรปิ วิตฺถาเรตพฺพา ฯ
ปญฺหาวาโร

[๑๔๓๐] โนจิตฺโต กุสโล ธมฺโม โนจิตฺตสฺส กุสลสฺส ธมฺมสฺส
เหตุปจฺจเยน ปจฺจโย: โนจิตฺโต กุสโล ธมฺโม จิตฺตสฺส กุสลสฺส
ธมฺมสฺส เหตุปจฺจเยน ปจฺจโย: โนจิตฺโต กุสโล ธมฺโม จิตฺตสฺส
กุสลสฺส จ โนจิตฺตสฺส กุสลสฺส จ ธมฺมสฺส เหตุปจฺจเยน ปจฺจโย: ฯ

[๑๔๓๑] เหตุยา ตีณิ อารมฺมเณ นว อธิปติยา นว
อวิคเต ปญฺจ ฯ

[๑๔๓๒] นเหตุยา นว นอารมฺมเณ นว ฯ

[๑๔๓๓] เหตุปจฺจยา นอารมฺมเณ ตีณิ ฯ

[๑๔๓๔] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
______________
ปฏิจฺจวาโร

[๑๔๓๕] จิตฺตํ อกุสลํ ธมฺมํ ปฏิจฺจ โนจิตฺโต อกุสโล ธมฺโม
อุปฺปชฺชติ เหตุปจฺจยา: ฯ โนจิตฺตํ อกุสลํ ธมฺมํ ปฏิจฺจ โนจิตฺโต
อกุสโล ธมฺโม อุปฺปชฺชติ เหตุปจฺจยา: โนจิตฺตํ อกุสลํ ธมฺมํ
ปฏิจฺจ จิตฺโต อกุสโล ธมฺโม อุปฺปชฺชติ เหตุปจฺจยา: โนจิตฺตํ
อกุสลํ ธมฺมํ ปฏิจฺจ จิตฺโต อกุสโล จ โนจิตฺโต อกุสโล จ
ธมฺมา อุปฺปชฺชนฺติ เหตุปจฺจยา: ฯ จิตฺตํ อกุสลญฺจ โนจิตฺตํ
อกุสลญฺจ ธมฺมํ ปฏิจฺจ โนจิตฺโต อกุสโล ธมฺโม อุปฺปชฺชติ
เหตุปจฺจยา: ฯ

[๑๔๓๖] เหตุยา ปญฺจ อารมฺมเณ ปญฺจ อวิคเต ปญฺจ ฯ
จิตฺตทุกกุสลสทิสํ นเหตุยาปิ กาตพฺพํ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ
_______________
ปฏิจฺจวาโร