[๑๔๑๗] เหตุยา ปญฺจ อารมฺมเณ เทฺว อวิคเต ปญฺจ ฯ
โลกิยโลกุตฺตรทุกติกสทิสํ ฯ
สหชาตวาโรปิ ปญฺหาวาโรปิ วิตฺถาเรตพฺพา ฯ
ปรามาสวิปฺปยุตฺตปรามฏฺฐทุกกุสลตฺติกํ นิฏฺฐิตํ ฯ
ปรามาสโคจฺฉกทุกกุสลตฺติกํ นิฏฺฐิตํ ฯ
__________
สารมฺมณทุกกุสลตฺติกํ
ปฏิจฺจวาโร

[๑๔๑๘] สารมฺมณํ กุสลํ ธมฺมํ ปฏิจฺจ สารมฺมโณ กุสโล
ธมฺโม อุปฺปชฺชติ เหตุปจฺจยา: ฯ
ยถา สปฺปจฺจยํ กุสลํ ธมฺมํ ปฏิจฺจ เอวํ วิตฺถาเรตพฺพํ ฯ
__________๔
ปฏิจฺจวาโร

[๑๔๑๙] สารมฺมณํ อกุสลํ ธมฺมํ ปฏิจฺจ สารมฺมโณ อกุสโล
ธมฺโม อุปฺปชฺชติ เหตุปจฺจยา: ฯ
ยถา สปฺปจฺจยํ อกุสลํ เอวํ กาตพฺพํ ฯ
______________
ปฏิจฺจวาโร

[๑๔๒๐] สารมฺมณํ อพฺยากตํ ธมฺมํ ปฏิจฺจ สารมฺมโณ
อพฺยากโต ธมฺโม อุปฺปชฺชติ เหตุปจฺจยา: ตีณิ ฯ อนารมฺมณํ
อพฺยากตํ ธมฺมํ ปฏิจฺจ อนารมฺมโณ อพฺยากโต ธมฺโม อุปฺปชฺชติ
เหตุปจฺจยา: ตีณิ ฯ สารมฺมณํ อพฺยากตญฺจ อนารมฺมณํ
อพฺยากตญฺจ ธมฺมํ ปฏิจฺจ สารมฺมโณ อพฺยากโต ธมฺโม อุปฺปชฺชติ
เหตุปจฺจยา: ตีณิ ฯ

[๑๔๒๑] เหตุยา นว อารมฺมเณ ตีณิ อธิปติยา ปญฺจ
ฯเปฯ อญฺญมญฺเญ ฉ ปุเรชาเต เอกํ อาเสวเน เอกํ ฯเปฯ

[๑๔๒๒] นเหตุยา นว นอารมฺมเณ ตีณิ นอธิปติยา
นว ฯเปฯ นกมฺเม เทฺว นวิปาเก ปญฺจ นอาหาเร เอกํ
นอินฺทฺริเย เอกํ นฌาเน เทฺว นมคฺเค นว นสมฺปยุตฺเต ตีณิ
นวิปฺปยุตฺเต เทฺว โนนตฺถิยา เทฺว โนวิคเต เทฺว ฯ
__________
ปญฺหาวาโร

[๑๔๒๓] สารมฺมโณ อพฺยากโต ธมฺโม สารมฺมณสฺส
อพฺยากตสฺส ธมฺมสฺส เหตุปจฺจเยน ปจฺจโย: ตีณิ ฯ

[๑๔๒๔] สารมฺมโณ อพฺยากโต ธมฺโม สารมฺมณสฺส
อพฺยากตสฺส ธมฺมสฺส อารมฺมณปจฺจเยน ปจฺจโย: ฯ อนารมฺมโณ
อพฺยากโต ธมฺโม สารมฺมณสฺส อพฺยากตสฺส ธมฺมสฺส อารมฺมณปจฺจเยน
ปจฺจโย: เทฺว ฯ

[๑๔๒๕] สารมฺมโณ อพฺยากโต ธมฺโม สารมฺมณสฺส
อพฺยากตสฺส ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ
ตีณิ ฯ อนารมฺมโณ อพฺยากโต ธมฺโม สารมฺมณสฺส
อพฺยากตสฺส ธมฺมสฺส อธิปติปจฺจเยน ปจฺจโย: อารมฺมณาธิปติ ฯ

[๑๔๒๖] เหตุยา ตีณิ อารมฺมเณ เทฺว อธิปติยา จตฺตาริ
อนนฺตเร เอกํ ฯเปฯ สหชาเต สตฺต อญฺญมญฺเญ ฉ นิสฺสเย
สตฺต อุปนิสฺสเย เทฺว ปุเรชาเต เอกํ ปจฺฉาชาเต เอกํ
อาเสวเน เอกํ กมฺเม ตีณิ วิปาเก ตีณิ ฯเปฯ สมฺปยุตฺเต
เอกํ วิปฺปยุตฺเต เทฺว ฯเปฯ
สารมฺมณทุกกุสลตฺติกํ นิฏฺฐิตํ ฯ
______________
จิตฺตทุกกุสลตฺติกํ
ปฏิจฺจวาโร