[๑๑๖๗] นเหตุยา เอกํ นอารมฺมเณ ตีณิ นอธิปติยา เทฺว ฯ
สหชาตวาโรปิ ฯเปฯ สมฺปยุตฺตวาโรปิ สพฺพตฺถ วิตฺถาเรตพฺพา ฯ
ปญฺหาวาโร

[๑๑๖๘] สาสโว อพฺยากโต ธมฺโม สาสวสฺส อพฺยากตสฺส
ธมฺมสฺส เหตุปจฺจเยน ปจฺจโย: ฯ อนาสโว อพฺยากโต ธมฺโม
อนาสวสฺส อพฺยากตสฺส ธมฺมสฺส เหตุปจฺจเยน ปจฺจโย: ฯ

[๑๑๖๙] เหตุยา จตฺตาริ อารมฺมเณ ตีณิ อวิคเต
สตฺต ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
สาสวทุกกุสลตฺติกํ นิฏฺฐิตํ ฯ
______________
อาสวสมฺปยุตฺตทุกกุสลตฺติกํ
ปฏิจฺจวาโร

[๑๑๗๐] อาสววิปฺปยุตฺตํ กุสลํ ธมฺมํ ปฏิจฺจ อาสววิปฺปยุตฺโต
กุสโล ธมฺโม อุปฺปชฺชติ เหตุปจฺจยา: ฯ

[๑๑๗๑] เหตุยา เอกํ อารมฺมเณ เอกํ อวิคเต เอกํ ฯ
สหชาตวาเรปิ ปญฺหาวาเรปิ สพฺพตฺถ เอกํ ฯ
กุสลทุกจฺเฉโท อกุสลทุกํ ปน กึ ฯ

[๑๑๗๒] อาสวสมฺปยุตฺตํ อกุสลํ ธมฺมํ ปฏิจฺจ อาสวสมฺปยุตฺโต
อกุสโล ธมฺโม อุปฺปชฺชติ เหตุปจฺจยา: ตีณิ ฯ อาสววิปฺปยุตฺตํ
อกุสลํ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ
เหตุปจฺจยา: ฯ

[๑๑๗๓] เหตุยา ปญฺจ อารมฺมเณ ปญฺจ อวิคเต ปญฺจ ฯ
สหชาตวาเรปิ สมฺปยุตฺตวาเรปิ สพฺพตฺถ ปญฺจ ฯ

[๑๑๗๔] นเหตุยา เอกํ นอธิปติยา ปญฺจ นปุเรชาเต
ปญฺจ ฯเปฯ นกมฺเม ตีณิ นวิปาเก ปญฺจ นวิปฺปยุตฺเต
ปญฺจ ฯเปฯ
ปญฺหาวาโร

[๑๑๗๕] อาสวสมฺปยุตฺโต อกุสโล ธมฺโม อาสวสมฺปยุตฺตสฺส
อกุสลสฺส ธมฺมสฺส เหตุปจฺจเยน ปจฺจโย: ตีณิ ฯ อาสววิปฺปยุตฺโต
อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส
เหตุปจฺจเยน ปจฺจโย: ฯ

[๑๑๗๖] เหตุยา ปญฺจ อารมฺมเณ นว อวิคเต ปญฺจ ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
______________
ปฏิจฺจวาโร