[๙๖๗] เหตุปจฺจยา นอารมฺมเณ ตีณิ ฯ

[๙๖๘] นเหตุปจฺจยา อารมฺมเณ เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๙๖๙] เหตุสมฺปยุตฺโต อพฺยากโต ธมฺโม เหตุสมฺปยุตฺตสฺส
อพฺยากตสฺส ธมฺมสฺส เหตุปจฺจเยน ปจฺจโย: ตีณิ ฯ

[๙๗๐] เหตุสมฺปยุตฺโต อพฺยากโต ธมฺโม เหตุสมฺปยุตฺตสฺส
อพฺยากตสฺส ธมฺมสฺส อารมฺมณปจฺจเยน ปจฺจโย: ฯ

[๙๗๑] เหตุยา ตีณิ อารมฺมเณ จตฺตาริ อธิปติยา จตฺตาริ
อนนฺตเร จตฺตาริ กมฺเม จตฺตาริ วิปาเก จตฺตาริ อวิคเต
สตฺต ฯ

[๙๗๒] เหตุสมฺปยุตฺโต อพฺยากโต ธมฺโม เหตุสมฺปยุตฺตสฺส
อพฺยากตสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ฯ

[๙๗๓] นเหตุยา สตฺต นอารมฺมเณ สตฺต ฯ

[๙๗๔] เหตุปจฺจยา นอารมฺมเณ ตีณิ ฯ

[๙๗๕] นเหตุปจฺจยา อารมฺมเณ จตฺตาริ ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
เหตุสมฺปยุตฺตทุกกุสลตฺติกํ นิฏฺฐิตํ ฯ
_________
เหตุสเหตุกทุกกุสลตฺติกํ
ปฏิจฺจวาโร

[๙๗๖] เหตุญฺเจวสเหตุกญฺจ กุสลํ ธมฺมํ ปฏิจฺจ
เหตุเจวสเหตุโกจ กุสโล ธมฺโม อุปฺปชฺชติ เหตุปจฺจยา: ตีณิ ฯ
สเหตุกญฺเจวนจเหตุํ กุสลํ ธมฺมํ ปฏิจฺจ สเหตุโกเจวนจเหตุ กุสโล
ธมฺโม อุปฺปชฺชติ เหตุปจฺจยา: ตีณิ ฯ เหตุญฺเจวสเหตุกญฺจ กุสลญฺจ
สเหตุกญฺเจวนจเหตุํ กุสลญฺจ ธมฺมํ ปฏิจฺจ เหตุเจวสเหตุโกจ
กุสโล ธมฺโม อุปฺปชฺชติ เหตุปจฺจยา: ตีณิ ฯ