[๙๔๗] เหตุสมฺปยุตฺตํ อกุสลํ ธมฺมํ ปฏิจฺจ เหตุสมฺปยุตฺโต
อกุสโล ธมฺโม อุปฺปชฺชติ อารมฺมณปจฺจยา: ตีณิ ฯ เหตุวิปฺปยุตฺตํ
อกุสลํ ธมฺมํ ปฏิจฺจ เหตุสมฺปยุตฺโต อกุสโล ธมฺโม
อุปฺปชฺชติ อารมฺมณปจฺจยา: ฯ เหตุสมฺปยุตฺตํ อกุสลญฺจ เหตุวิปฺปยุตฺตํ
อกุสลญฺจ ธมฺมํ ปฏิจฺจ เหตุสมฺปยุตฺโต อกุสโล ธมฺโม
อุปฺปชฺชติ อารมฺมณปจฺจยา: ฯ

[๙๔๘] เหตุสมฺปยุตฺตํ อกุสลํ ธมฺมํ ปฏิจฺจ เหตุสมฺปยุตฺโต
อกุสโล ธมฺโม อุปฺปชฺชติ อธิปติปจฺจยา: ฯ

[๙๔๙] เหตุยา ตีณิ อารมฺมเณ ปญฺจ อธิปติยา เอกํ
อนนฺตเร ปญฺจ สมนนฺตเร ปญฺจ สหชาเต ปญฺจ อญฺญมญฺเญ
ปญฺจ นิสฺสเย ปญฺจ อุปนิสฺสเย ปญฺจ ปุเรชาเต
ปญฺจ อาเสวเน ปญฺจ กมฺเม ปญฺจ อาหาเร ปญฺจ
อินฺทฺริเย ปญฺจ ฌาเน ปญฺจ มคฺเค ปญฺจ สมฺปยุตฺเต
ปญฺจ วิปฺปยุตฺเต ปญฺจ อตฺถิยา ปญฺจ อวิคเต ปญฺจ ฯ

[๙๕๐] เหตุสมฺปยุตฺตํ อกุสลํ ธมฺมํ ปฏิจฺจ เหตุวิปฺปยุตฺโต
อกุสโล ธมฺโม อุปฺปชฺชติ นเหตุปจฺจยา: ฯ

[๙๕๑] เหตุสมฺปยุตฺตํ อกุสลํ ธมฺมํ ปฏิจฺจ เหตุสมฺปยุตฺโต
อกุสโล ธมฺโม อุปฺปชฺชติ นอธิปติปจฺจยา: ฯ

[๙๕๒] นเหตุยา เอกํ นอธิปติยา ปญฺจ นปุเรชาเต ปญฺจ
นปจฺฉาชาเต ปญฺจ นอาเสวเน ปญฺจ นกมฺเม ตีณิ นวิปาเก
ปญฺจ นวิปฺปยุตฺเต ปญฺจ ฯ

[๙๕๓] เหตุปจฺจยา นอธิปติยา ตีณิ ฯ

[๙๕๔] นเหตุปจฺจยา อารมฺมเณ เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๙๕๕] เหตุสมฺปยุตฺโต อกุสโล ธมฺโม เหตุสมฺปยุตฺตสฺส
อกุสลสฺส ธมฺมสฺส เหตุปจฺจเยน ปจฺจโย: เทฺว ฯ

[๙๕๖] เหตุสมฺปยุตฺโต อกุสโล ธมฺโม เหตุสมฺปยุตฺตสฺส
อกุสลสฺส ธมฺมสฺส อารมฺมณปจฺจเยน ปจฺจโย: ตีณิ ฯ เหตุวิปฺปยุตฺโต
อกุสโล ธมฺโม เหตุวิปฺปยุตฺตสฺส อกุสลสฺส ธมฺมสฺส
อารมฺมณปจฺจเยน ปจฺจโย: ตีณิ ฯ เหตุสมฺปยุตฺโต อกุสโล จ
เหตุวิปฺปยุตฺโต อกุสโล จ ธมฺมา เหตุสมฺปยุตฺตสฺส อกุสลสฺส
ธมฺมสฺส อารมฺมณปจฺจเยน ปจฺจโย: ตีณิ ฯ