[๘๒๗] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
______________
ปฏิจฺจวาโร

[๘๒๘] เหตุํ พหิทฺธา ธมฺมํ ปฏิจฺจ เหตุ พหิทฺธา ธมฺโม
อุปฺปชฺชติ เหตุปจฺจยา: ฯ

[๘๒๙] เหตุยา นว อารมฺมเณ นว กมฺเม นว วิปาเก
นว อวิคเต นว ฯ

[๘๓๐] นเหตุํ พหิทฺธา ธมฺมํ ปฏิจฺจ นเหตุ พหิทฺธา ธมฺโม
อุปฺปชฺชติ นเหตุปจฺจยา: นเหตุํ พหิทฺธา ธมฺมํ ปฏิจฺจ เหตุ
พหิทฺธา ธมฺโม อุปฺปชฺชติ นเหตุปจฺจยา: ฯ

[๘๓๑] นเหตุยา เทฺว นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ
นอุปนิสฺสเย ตีณิ นปุเรชาเต นว นปจฺฉาชาเต นว นอาเสวเน
นว นกมฺเม ตีณิ นวิปาเก นว นอาหาเร เอกํ นอินฺทฺริเย็
เอกํ นฌาเน เอกํ นมคฺเค เอกํ นสมฺปยุตฺเต ตีณิ นวิปฺปยุตฺเต
นว โนนตฺถิยา ตีณิ โนวิคเต ตีณิ ฯ

[๘๓๒] เหตุปจฺจยา นอารมฺมเณ ตีณิ ฯ

[๘๓๓] นเหตุปจฺจยา อารมฺมเณ เทฺว ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๘๓๔] เหตุ พหิทฺธา ธมฺโม เหตุสฺส พหิทฺธา ธมฺมสฺส
เหตุปจฺจเยน ปจฺจโย: ตีณิ ฯ

[๘๓๕] เหตุ พหิทฺธา ธมฺโม เหตุสฺส พหิทฺธา ธมฺมสฺส
อารมฺมณปจฺจเยน ปจฺจโย: นว ฯ

[๘๓๖] เหตุ พหิทฺธา ธมฺโม เหตุสฺส พหิทฺธา ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ตีณิ ฯ
นเหตุ พหิทฺธา ธมฺโม นเหตุสฺส พหิทฺธา ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ตีณิ ฯ เหตุ พหิทฺธา จ นเหตุ
พหิทฺธา จ ธมฺมา เหตุสฺส พหิทฺธา ธมฺมสฺส อธิปติปจฺจเยน
ปจฺจโย: อารมฺมณาธิปติ ตีณิ ฯ