[๗๗๗] เหตุยา ตีณิ อารมฺมเณ นว อธิปติยา นว
อนนฺตเร นว สมนนฺตเร นว สหชาเต นว อญฺญมญฺเญ
นว นิสฺสเย นว อุปนิสฺสเย นว อาเสวเน นว กมฺเม
ตีณิ วิปาเก นว อาหาเร ตีณิ อินฺทฺริเย นว ฌาเน
ตีณิ มคฺเค นว สมฺปยุตฺเต นว อตฺถิยา นว อวิคเต นว ฯ

[๗๗๘] เหตุ อตีตารมฺมโณ ธมฺโม เหตุสฺส อตีตารมฺมณสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ฯ

[๗๗๙] นเหตุยา นว นอารมฺมเณ นว ฯ

[๗๘๐] เหตุปจฺจยา นอารมฺมเณ ตีณิ ฯ

[๗๘๑] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
______________
ปฏิจฺจวาโร

[๗๘๒] เหตุํ อนาคตารมฺมณํ ธมฺมํ ปฏิจฺจ เหตุ อนาคตารมฺมโณ
ธมฺโม อุปฺปชฺชติ เหตุปจฺจยา: ตีณิ ฯ นเหตุํ อนาคตารมฺมณํ
ธมฺมํ ปฏิจฺจ นเหตุ อนาคตารมฺมโณ ธมฺโม อุปฺปชฺชติ
เหตุปจฺจยา: ตีณิ ฯ เหตุํ อนาคตารมฺมณญฺจ นเหตุํ อนาคตารมฺมณญฺจ
ธมฺมํ ปฏิจฺจ เหตุ อนาคตารมฺมโณ ธมฺโม อุปฺปชฺชติ
เหตุปจฺจยา: ตีณิ ฯ

[๗๘๓] เหตุยา นว อารมฺมเณ นว กมฺเม นว อวิคเต
นว ฯ

[๗๘๔] นเหตุํ อนาคตารมฺมณํ ธมฺมํ ปฏิจฺจ นเหตุ
อนาคตารมฺมโณ ธมฺโม อุปฺปชฺชติ นเหตุปจฺจยา: นเหตุํ
อนาคตารมฺมณํ ธมฺมํ ปฏิจฺจ เหตุ อนาคตารมฺมโณ ธมฺโม อุปฺปชฺชติ
นเหตุปจฺจยา: ฯ

[๗๘๕] เหตุํ อนาคตารมฺมณํ ธมฺมํ ปฏิจฺจ เหตุ อนาคตารมฺมโณ
ธมฺโม อุปฺปชฺชติ นอธิปติปจฺจยา: ฯ

[๗๘๖] นเหตุยา เทฺว นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นมคฺเค เอกํ นวิปฺปยุตฺเต นว ฯ