[๗๐๗] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
เหตุทุกมิจฺฉตฺตตฺติกํ นิฏฺฐิตํ ฯ
______________
เหตุทุกมคฺคารมฺมณตฺติกํ
ปฏิจฺจวาโร

[๗๐๘] เหตุํ มคฺคารมฺมณํ ธมฺมํ ปฏิจฺจ เหตุ มคฺคารมฺมโณ
ธมฺโม อุปฺปชฺชติ เหตุปจฺจยา: ตีณิ ฯ นเหตุํ มคฺคารมฺมณํ ธมฺมํ
ปฏิจฺจ นเหตุ มคฺคารมฺมโณ ธมฺโม อุปฺปชฺชติ เหตุปจฺจยา: ตีณิ ฯ
เหตุํ มคฺคารมฺมณญฺจ นเหตุํ มคฺคารมฺมณญฺจ ธมฺมํ ปฏิจฺจ เหตุ
มคฺคารมฺมโณ ธมฺโม อุปฺปชฺชติ เหตุปจฺจยา: ตีณิ ฯ

[๗๐๙] เหตุยา นว อารมฺมเณ นว อธิปติยา นว กมฺเม
นว อวิคเต นว ฯ

[๗๑๐] นเหตุํ มคฺคารมฺมณํ ธมฺมํ ปฏิจฺจ นเหตุ มคฺคารมฺมโณ
ธมฺโม อุปฺปชฺชติ นเหตุปจฺจยา: ฯ

[๗๑๑] นเหตุยา เอกํ นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นมคฺเค เอกํ นวิปฺปยุตฺเต นว ฯ

[๗๑๒] เหตุปจฺจยา นอธิปติยา นว ฯ

[๗๑๓] นเหตุปจฺจยา อารมฺมเณ เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๗๑๔] เหตุ มคฺคารมฺมโณ ธมฺโม เหตุสฺส มคฺคารมฺมณสฺส
ธมฺมสฺส เหตุปจฺจเยน ปจฺจโย: ตีณิ ฯ

[๗๑๕] เหตุ มคฺคารมฺมโณ ธมฺโม เหตุสฺส มคฺคารมฺมณสฺส
ธมฺมสฺส อธิปติปจฺจเยน ปจฺจโย: สหชาตาธิปติ ตีณิ ฯ นเหตุ
มคฺคารมฺมโณ ธมฺโม นเหตุสฺส มคฺคารมฺมณสฺส ธมฺมสฺส อธิปติปจฺจเยน
ปจฺจโย: สหชาตาธิปติ ตีณิ ฯ

[๗๑๖] เหตุ มคฺคารมฺมโณ ธมฺโม เหตุสฺส มคฺคารมฺมณสฺส
ธมฺมสฺส อนนฺตรปจฺจเยน ปจฺจโย: ฯ