[๖๕๗] นอธิปติปจฺจยา เหตุยา ฉ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๖๕๘] เหตุ ปณีโต ธมฺโม เหตุสฺส ปณีตสฺส ธมฺมสฺส
เหตุปจฺจเยน ปจฺจโย: ตีณิ ฯ

[๖๕๙] นเหตุ ปณีโต ธมฺโม นเหตุสฺส ปณีตสฺส ธมฺมสฺส
อารมฺมณปจฺจเยน ปจฺจโย: ตีณิ ฯ

[๖๖๐] เหตุ ปณีโต ธมฺโม เหตุสฺส ปณีตสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ตีณิ ฯ

[๖๖๑] เหตุยา ตีณิ อารมฺมเณ ตีณิ อธิปติยา ฉ
อนนฺตเร นว สมนนฺตเร นว สหชาเต นว อญฺญมญฺเญ
นว นิสฺสเย นว อุปนิสฺสเย นว กมฺเม ตีณิ วิปาเก นว
อาหาเร ตีณิ อินฺทฺริเย นว ฌาเน ตีณิ มคฺเค นว สมฺปยุตฺเต
นว อตฺถิยา นว อวิคเต นว ฯ

[๖๖๒] เหตุ ปณีโต ธมฺโม เหตุสฺส ปณีตสฺส ธมฺมสฺส
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ

[๖๖๓] นเหตุยา นว นอารมฺมเณ นว ฯ

[๖๖๔] เหตุปจฺจยา นอารมฺมเณ ตีณิ ฯ

[๖๖๕] นเหตุปจฺจยา อารมฺมเณ ตีณิ ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
เหตุทุกหีนตฺติกํ นิฏฺฐิตํ ฯ
__________
เหตุทุกมิจฺฉตฺตตฺติกํ
ปฏิจฺจวาโร

[๖๖๖] เหตุํ มิจฺฉตฺตนิยตํ ธมฺมํ ปฏิจฺจ เหตุ มิจฺฉตฺตนิยโต
ธมฺโม อุปฺปชฺชติ เหตุปจฺจยา: ตีณิ ฯ นเหตุํ มิจฺฉตฺตนิยตํ ธมฺมํ
ปฏิจฺจ นเหตุ มิจฺฉตฺตนิยโต ธมฺโม อุปฺปชฺชติ เหตุปจฺจยา: ตีณิ ฯ
เหตุํ มิจฺฉตฺตนิยตญฺจ นเหตุํ มิจฺฉตฺตนิยตญฺจ ธมฺมํ ปฏิจฺจ เหตุ
มิจฺฉตฺตนิยโต ธมฺโม อุปฺปชฺชติ เหตุปจฺจยา: ตีณิ ฯ