[๖๐๗] เหตุ มหคฺคตารมฺมโณ ธมฺโม เหตุสฺส มหคฺคตารมฺมณสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ฯ

[๖๐๘] นเหตุยา นว นอารมฺมเณ นว ฯ

[๖๐๙] เหตุปจฺจยา นอารมฺมเณ ตีณิ ฯ

[๖๑๐] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
_________
ปฏิจฺจวาโร

[๖๑๑] เหตุํ อปฺปมาณารมฺมณํ ธมฺมํ ปฏิจฺจ เหตุ
อปฺปมาณารมฺมโณ ธมฺโม อุปฺปชฺชติ เหตุปจฺจยา: ตีณิ ฯ นเหตุํ
อปฺปมาณารมฺมณํ ธมฺมํ ปฏิจฺจ นเหตุ อปฺปมาณารมฺมโณ ธมฺโม
อุปฺปชฺชติ เหตุปจฺจยา: ตีณิ ฯ เหตุํ อปฺปมาณารมฺมณญฺจ นเหตุํ
อปฺปมาณารมฺมณญฺจ ธมฺมํ ปฏิจฺจ เหตุ อปฺปมาณารมฺมโณ
ธมฺโม อุปฺปชฺชติ เหตุปจฺจยา: ตีณิ ฯ

[๖๑๒] เหตุยา นว อารมฺมเณ นว อธิปติยา นว
อนนฺตเร นว สมนนฺตเร นว สหชาเต นว อญฺญมญฺเญ
นว นิสฺสเย นว อุปนิสฺสเย นว ปุเรชาเต นว อาเสวเน นว
กมฺเม นว วิปาเก นว อวิคเต นว ฯ

[๖๑๓] นเหตุํ อปฺปมาณารมฺมณํ ธมฺมํ ปฏิจฺจ นเหตุ
อปฺปมาณารมฺมโณ ธมฺโม อุปฺปชฺชติ นเหตุปจฺจยา: ฯ

[๖๑๔] นเหตุยา เอกํ นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นมคฺเค เอกํ นวิปฺปยุตฺเต นว ฯ

[๖๑๕] เหตุปจฺจยา นอธิปติยา นว ฯ

[๖๑๖] นเหตุปจฺจยา อารมฺมเณ เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร