[๕๘๗] นเหตุปจฺจยา อารมฺมเณ เทฺว ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๕๘๘] เหตุ ปริตฺตารมฺมโณ ธมฺโม เหตุสฺส ปริตฺตารมฺมณสฺส
ธมฺมสฺส เหตุปจฺจเยน ปจฺจโย: ตีณิ ฯ

[๕๘๙] เหตุ ปริตฺตารมฺมโณ ธมฺโม เหตุสฺส ปริตฺตารมฺมณสฺส
ธมฺมสฺส อารมฺมณปจฺจเยน ปจฺจโย: นว ฯ

[๕๙๐] เหตุ ปริตฺตารมฺมโณ ธมฺโม เหตุสฺส ปริตฺตารมฺมณสฺส
ธมฺมสฺส อธิปติปจฺจเยน ปจฺจโย: ฯ

[๕๙๑] เหตุยา ตีณิ อารมฺมเณ นว อธิปติยา นว อนนฺตเร
นว สมนนฺตเร นว สหชาเต นว อญฺญมญฺเญ นว นิสฺสเย
นว อุปนิสฺสเย นว อาเสวเน นว กมฺเม ตีณิ วิปาเก นว
อาหาเร ตีณิ อินฺทฺริเย นว ฌาเน ตีณิ มคฺเค นว สมฺปยุตฺเต
นว อตฺถิยา นว นตฺถิยา นว วิคเต นว อวิคเต
นว ฯ

[๕๙๒] เหตุ ปริตฺตารมฺมโณ ธมฺโม เหตุสฺส ปริตฺตารมฺมณสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ฯ

[๕๙๓] นเหตุยา นว นอารมฺมเณ นว ฯ

[๕๙๔] เหตุปจฺจยา นอารมฺมเณ ตีณิ ฯ

[๕๙๕] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
______________
ปฏิจฺจวาโร

[๕๙๖] เหตุํ มหคฺคตารมฺมณํ ธมฺมํ ปฏิจฺจ เหตุ
มหคฺคตารมฺมโณ ธมฺโม อุปฺปชฺชติ เหตุปจฺจยา: ตีณิ ฯ นเหตุํ
มหคฺคตารมฺมณํ ธมฺมํ ปฏิจฺจ นเหตุ มหคฺคตารมฺมโณ ธมฺโม
อุปฺปชฺชติ เหตุปจฺจยา: ตีณิ ฯ เหตุํ มหคฺคตารมฺมณญฺจ นเหตุํ
มหคฺคตารมฺมณญฺจ ธมฺมํ ปฏิจฺจ เหตุ มหคฺคตารมฺมโณ ธมฺโม
อุปฺปชฺชติ เหตุปจฺจยา: ตีณิ ฯ