[๕๗๗] เหตุ อปฺปมาโณ ธมฺโม เหตุสฺส อปฺปมาณสฺส
ธมฺมสฺส สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ

[๕๗๘] นเหตุยา นว นอารมฺมเณ นว ฯ

[๕๗๙] เหตุปจฺจยา นอารมฺมเณ ตีณิ ฯ

[๕๘๐] นเหตุปจฺจยา อารมฺมเณ ตีณิ ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
เหตุทุกปริตฺตตฺติกํ นิฏฺฐิตํ ฯ
______________
เหตุทุกปริตฺตารมฺมณตฺติกํ
ปฏิจฺจวาโร

[๕๘๑] เหตุํ ปริตฺตารมฺมณํ ธมฺมํ ปฏิจฺจ เหตุ ปริตฺตารมฺมโณ
ธมฺโม อุปฺปชฺชติ เหตุปจฺจยา: ตีณิ ฯ นเหตุํ ปริตฺตารมฺมณํ
ธมฺมํ ปฏิจฺจ นเหตุ ปริตฺตารมฺมโณ ธมฺโม อุปฺปชฺชติ เหตุปจฺจยา:
ตีณิ ฯ เหตุํ ปริตฺตารมฺมณญฺจ นเหตุํ ปริตฺตารมฺมณญฺจ ธมฺมํ
ปฏิจฺจ เหตุ ปริตฺตารมฺมโณ ธมฺโม อุปฺปชฺชติ เหตุปจฺจยา:
ตีณิ ฯ

[๕๘๒] เหตุยา นว อารมฺมเณ นว อธิปติยา นว อนนฺตเร
นว สมนนฺตเร นว สหชาเต นว อญฺญมญฺเญ นว นิสฺสเย
นว อุปนิสฺสเย นว ปุเรชาเต นว อาเสวเน นว กมฺเม
นว วิปาเก นว อวิคเต นว ฯ

[๕๘๓] นเหตุํ ปริตฺตารมฺมณํ ธมฺมํ ปฏิจฺจ นเหตุ ปริตฺตารมฺมโณ
ธมฺโม อุปฺปชฺชติ นเหตุปจฺจยา: ฯ นเหตุํ ปริตฺตารมฺมณํ
ธมฺมํ ปฏิจฺจ เหตุ ปริตฺตารมฺมโณ ธมฺโม อุปฺปชฺชติ นเหตุปจฺจยา: ฯ

[๕๘๔] เหตุํ ปริตฺตารมฺมณํ ธมฺมํ ปฏิจฺจ เหตุ
ปริตฺตารมฺมโณ ธมฺโม อุปฺปชฺชติ นอธิปติปจฺจยา: ฯ

[๕๘๕] นเหตุยา เทฺว นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นฌาเน เอกํ นมคฺเค เอกํ นวิปฺปยุตฺเต นว ฯ

[๕๘๖] เหตุปจฺจยา นอธิปติยา นว ฯ