[๒๒๗] นเหตุยา นว นอารมฺมเณ นว ฯ

[๒๒๘] เหตุปจฺจยา นอารมฺมเณ ตีณิ ฯ

[๒๒๙] นเหตุปจฺจยา อารมฺมเณ ตีณิ ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
เหตุทุกอุปาทินฺนตฺติกํ นิฏฺฐิตํ ฯ
______________
เหตุทุกสงฺกิลิฏฺฐตฺติกํ
ปฏิจฺจวาโร

[๒๓๐] เหตุํ สงฺกิลิฏฺฐสงฺกิเลสิกํ ธมฺมํ ปฏิจฺจ เหตุ สงฺกิลิฏฺฐสงฺกิเลสิโก
ธมฺโม อุปฺปชฺชติ เหตุปจฺจยา: ตีณิ ฯ นเหตุํ สงฺกิลิฏฺฐสงฺกิเลสิกํ
ธมฺมํ ปฏิจฺจ นเหตุ สงฺกิลิฏฺฐสงฺกิเลสิโก ธมฺโม อุปฺปชฺชติ
เหตุปจฺจยา: ตีณิ ฯ เหตุํ สงฺกิลิฏฺฐสงฺกิเลสิกญฺจ นเหตุํ
สงฺกิลิฏฺฐสงฺกิเลสิกญฺจ ธมฺมํ ปฏิจฺจ เหตุํ สงฺกิลิฏฺฐสงฺกิเลสิโก ธมฺโม
อุปฺปชฺชติ เหตุปจฺจยา: ตีณิ ฯ

[๒๓๑] เหตุยา นว อารมฺมเณ นว อธิปติยา นว ฯเปฯ
กมฺเม นว อาหาเร นว ฯเปฯ อวิคเต นว ฯ

[๒๓๒] นเหตุํ สงฺกิลิฏฺฐสงฺกิเลสิกํ ธมฺมํ ปฏิจฺจ นเหตุ
สงฺกิลิฏฺฐสงฺกิเลสิโก ธมฺโม อุปฺปชฺชติ นเหตุปจฺจยา: ฯ

[๒๓๓] เหตุํ สงฺกิลิฏฺฐสงฺกิเลสิกํ ธมฺมํ ปฏิจฺจ เหตุ
สงฺกิลิฏฺฐสงฺกิเลสิโก ธมฺโม อุปฺปชฺชติ นอธิปติปจฺจยา: ฯ

[๒๓๔] นเหตุยา เอกํ นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นวิปฺปยุตฺเต นว ฯ

[๒๓๕] เหตุปจฺจยา นอธิปติยา นว ฯ

[๒๓๖] นเหตุปจฺจยา อารมฺมเณ เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร