[๑๙๗] นเหตุยา นว นอารมฺมเณ นว นอธิปติยา นว ฯ

[๑๙๘] เหตุปจฺจยา นอารมฺมเณ ตีณิ ฯ

[๑๙๙] นเหตุปจฺจยา อารมฺมเณ นว ฯ
ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
______________
ปฏิจฺจวาโร

[๒๐๐] เหตุํ อนุปาทินฺนุปาทานิยํ ธมฺมํ ปฏิจฺจ เหตุ
อนุปาทินฺนุปาทานิโย ธมฺโม อุปฺปชฺชติ เหตุปจฺจยา: ตีณิ ฯ นเหตุํ
อนุปาทินฺนุปาทานิยํ ธมฺมํ ปฏิจฺจ นเหตุ อนุปาทินฺนุปาทานิโย ธมฺโม
อุปฺปชฺชติ เหตุปจฺจยา: ตีณิ ฯ เหตุํ อนุปาทินฺนุปาทานิยญฺจ นเหตุํ
อนุปาทินฺนุปาทานิยญฺจ ธมฺมํ ปฏิจฺจ เหตุ อนุปาทินฺนุปาทานิโย
ธมฺโม อุปฺปชฺชติ เหตุปจฺจยา: ตีณิ ฯ

[๒๐๑] เหตุยา นว อารมฺมเณ นว อธิปติยา นว
อนนฺตเร นว สมนนฺตเร นว สหชาเต นว อญฺญมญฺเญ
นว นิสฺสเย นว อุปนิสฺสเย นว ปุเรชาเต นว อาเสวเน
นว กมฺเม นว วิปาเก เอกํ อาหาเร นว อินฺทฺริเย นว
ฌาเน นว สมฺปยุตฺเต นว วิปฺปยุตฺเต นว อตฺถิยา นว
นตฺถิยา นว วิคเต นว อวิคเต นว ฯ

[๒๐๒] นเหตุํ อนุปาทินฺนุปาทานิยํ ธมฺมํ ปฏิจฺจ นเหตุ
อนุปาทินฺนุปาทานิโย ธมฺโม อุปฺปชฺชติ นเหตุปจฺจยา: เทฺว ฯ

[๒๐๓] เหตุํ อนุปาทินฺนุปาทานิยํ ธมฺมํ ปฏิจฺจ นเหตุ
อนุปาทินฺนุปาทานิโย ธมฺโม อุปฺปชฺชติ นอารมฺมณปจฺจยา: ฯ นเหตุํ
อนุปาทินฺนุปาทานิยํ ธมฺมํ ปฏิจฺจ นเหตุ อนุปาทินฺนุปาทานิโย ธมฺโม
อุปฺปชฺชติ นอารมฺมณปจฺจยา: ฯ เหตุํ อนุปาทินฺนุปาทานิยญฺจ นเหตุํ
อนุปาทินฺนุปาทานิยญฺจ ธมฺมํ ปฏิจฺจ นเหตุ อนุปาทินฺนุปาทานิโย
ธมฺโม อุปฺปชฺชติ นอารมฺมณปจฺจยา: ฯ

[๒๐๔] นเหตุยา เทฺว นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ
นอุปนิสฺสเย ตีณิ นปุเรชาเต นว นปจฺฉาชาเต นว นอาเสวเน
นว นกมฺเม ตีณิ นวิปาเก นว นอาหาเร เอกํ นอินฺทฺริเย
เอกํ นฌาเน เอกํ นมคฺเค เอกํ นสมฺปยุตฺเต ตีณิ
นวิปฺปยุตฺเต นว โนนตฺถิยา ตีณิ โนวิคเต ตีณิ ฯ

[๒๐๕] เหตุปจฺจยา นอารมฺมเณ ตีณิ ฯ

[๒๐๖] นเหตุปจฺจยา อารมฺมเณ เทฺว ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร