[๑๔๗] เหตุํ วิปากธมฺมธมฺมํ ปฏิจฺจ เหตุ วิปากธมฺมธมฺโม
อุปฺปชฺชติ นปุเรชาตปจฺจยา: นว นปจฺฉาชาตปจฺจยา: นว
นอาเสวนปจฺจยา: นว ฯ

[๑๔๘] เหตุํ วิปากธมฺมธมฺมํ ปฏิจฺจ นเหตุ วิปากธมฺมธมฺโม
อุปฺปชฺชติ นกมฺมปจฺจยา: ฯ นเหตุํ วิปากธมฺมธมฺมํ ปฏิจฺจ นเหตุ
วิปากธมฺมธมฺโม อุปฺปชฺชติ นกมฺมปจฺจยา: ฯ เหตุํ วิปากธมฺมธมฺมญฺจ
นเหตุํ วิปากธมฺมธมฺมญฺจ ปฏิจฺจ นเหตุ วิปากธมฺมธมฺโม
อุปฺปชฺชติ นกมฺมปจฺจยา: ฯ

[๑๔๙] นเหตุยา เอกํ นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นวิปฺปยุตฺเต นว ฯ

[๑๕๐] เหตุปจฺจยา นอธิปติยา นว ฯ

[๑๕๑] นเหตุปจฺจยา อารมฺมเณ เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๑๕๒] เหตุ วิปากธมฺมธมฺโม เหตุสฺส วิปากธมฺมธมฺมสฺส
เหตุปจฺจเยน ปจฺจโย: ตีณิ ฯ

[๑๕๓] เหตุ วิปากธมฺมธมฺโม เหตุสฺส วิปากธมฺมธมฺมสฺส
อารมฺมณปจฺจเยน ปจฺจโย: นว ฯ

[๑๕๔] เหตุ วิปากธมฺมธมฺโม เหตุสฺส วิปากธมฺมธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ นว ฯ

[๑๕๕] เหตุ วิปากธมฺมธมฺโม เหตุสฺส วิปากธมฺมธมฺมสฺส
อนนฺตรปจฺจเยน ปจฺจโย: ฯ … อุปนิสฺสยปจฺจเยน ปจฺจโย:
อารมฺมณูปนิสฺสโย อนนฺตรูปนิสฺสโย ปกตูปนิสฺสโย นว ฯ
… อาเสวนปจฺจเยน ปจฺจโย: นว ฯ

[๑๕๖] นเหตุ วิปากธมฺมธมฺโม นเหตุสฺส วิปากธมฺมธมฺมสฺส
กมฺมปจฺจเยน ปจฺจโย: ตีณิ ฯ