[๗] เหตุํ กุสลํ ธมฺมํ ปฏิจฺจ เหตุ กุสโล ธมฺโม อุปฺปชฺชติ
นวิปากปจฺจยา: นว นวิปฺปยุตฺตปจฺจยา: นว ฯ

[๘] นอธิปติยา นว นปุเรชาเต นว นปจฺฉาชาเต นว
นอาเสวเน นว นกมฺเม ตีณิ นวิปาเก นว นวิปฺปยุตฺเต
นว ฯ

[๙] เหตุปจฺจยา นอธิปติยา นว ฯ

[๑๐] นอธิปติปจฺจยา เหตุยา นว … อารมฺมเณ นว ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร

[๑๑] เหตุ กุสโล ธมฺโม เหตุสฺส กุสลสฺส ธมฺมสฺส
เหตุปจฺจเยน ปจฺจโย: เหตุ กุสโล ธมฺโม นเหตุสฺส กุสลสฺส ธมฺมสฺส
เหตุปจฺจเยน ปจฺจโย: เหตุ กุสโล ธมฺโม เหตุสฺส กุสลสฺส จ
นเหตุสฺส กุสลสฺส จ ธมฺมสฺส เหตุปจฺจเยน ปจฺจโย ฯ

[๑๒] เหตุ กุสโล ธมฺโม เหตุสฺส กุสลสฺส ธมฺมสฺส
อารมฺมณปจฺจเยน ปจฺจโย: ตีณิ ฯ นเหตุ กุสโล ธมฺโม นเหตุสฺส
กุสลสฺส ธมฺมสฺส อารมฺมณปจฺจเยน ปจฺจโย: ตีณิ ฯ เหตุ
กุสโล จ นเหตุ กุสโล จ ธมฺมา เหตุสฺส กุสลสฺส ธมฺมสฺส
อารมฺมณปจฺจเยน ปจฺจโย: ตีณิ ฯ

[๑๓] เหตุ กุสโล ธมฺโม เหตุสฺส กุสลสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ตีณิ ฯ
นเหตุ กุสโล ธมฺโม นเหตุสฺส กุสลสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ตีณิ ฯ เหตุ กุสโล จ
นเหตุ กุสโล จ ธมฺมา เหตุสฺส กุสลสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ ตีณิ ฯ

[๑๔] เหตุ กุสโล ธมฺโม เหตุสฺส กุสลสฺส ธมฺมสฺส อนนฺตรปจฺจเยน
ปจฺจโย: สมนนฺตรปจฺจเยน ปจฺจโย: สหชาตปจฺจเยน
ปจฺจโย: อญฺญมญฺญปจฺจเยน ปจฺจโย: นิสฺสยปจฺจเยน
ปจฺจโย: ฯ

[๑๕] เหตุ กุสโล ธมฺโม เหตุสฺส กุสลสฺส ธมฺมสฺส
อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ตีณิ ฯ นเหตุ กุสโล ธมฺโม นเหตุสฺส กุสลสฺส
ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ตีณิ ฯ เหตุ กุสโล จ นเหตุ กุสโล จ
ธมฺมา เหตุสฺส กุสลสฺส ธมฺมสฺส อุปนิสฺสยปจฺจเยน ปจฺจโย:
อารมฺมณูปนิสฺสโย อนนฺตรูปนิสฺสโย ปกตูปนิสฺสโย ตีณิ ฯ

[๑๖] … อาเสวนปจฺจเยน ปจฺจโย: นว ฯ