[๘๕๔] สรณํ ธมฺมํ ปฏิจฺจ สรโณ ธมฺโม อุปฺปชฺชติ
เหตุปจฺจยา: สรณํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ … ฯ ปญฺจ ปญฺหา อรูปาวจรทุกสทิสา อนุโลมปฏิจฺจสทิสา ฯ

[๘๕๕] เหตุยา ปญฺจ อารมฺมเณ เทฺว อธิปติยา ปญฺจ
อวิคเต ปญฺจ ฯ

[๘๕๖] สรณํ ธมฺมํ ปฏิจฺจ สรโณ ธมฺโม อุปฺปชฺชติ นเหตุปจฺจยา:
วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต
อุทฺธจฺจสหคโต โมโห ฯ อรณํ ธมฺมํ ปฏิจฺจ อรโณ
ธมฺโม อุปฺปชฺชติ นเหตุปจฺจยา: อเหตุกํ อรณํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ อเหตุกปฏิสนฺธิ ยาว
อสญฺญสตฺตา ฯ

[๘๕๗] นเหตุยา เทฺว นอารมฺมเณ ตีณิ นอธิปติยา ปญฺจ
นอนนฺตเร ตีณิ นอุปนิสฺสเย ตีณิ นปุเรชาเต จตฺตาริ นปจฺฉาชาเต
ปญฺจ นอาเสวเน ปญฺจ นกมฺเม เทฺว นวิปาเก
ปญฺจ นอาหาเร เอกํ นอินฺทฺริเย เอกํ นฌาเน เอกํ นมคฺเค
เอกํ นสมฺปยุตฺเต ตีณิ นวิปฺปยุตฺเต เทฺว โนนตฺถิยา ตีณิ
โนวิคเต ตีณิ ฯ
อิตเร เทฺว คณนาปิ สหชาตวาโรปิ กาตพฺพา ฯ
ปจฺจยวาโร

[๘๕๘] สรณํ ธมฺมํ ปจฺจยา สรโณ ธมฺโม อุปฺปชฺชติ เหตุปจฺจยา:
สรณํ เอกํ ขนฺธํ ปจฺจยา ตโย ขนฺธา เทฺว ขนฺเธ … ฯ
ยถา อรูปาวจรทุกสฺส ปจฺจยวาโรปิ เอวํ กาตพฺโพ ฯ

[๘๕๙] เหตุยา นว อารมฺมเณ จตฺตาริ อธิปติยา นว
อวิคเต นว ฯ

[๘๖๐] สรณํ ธมฺมํ ปจฺจยา สรโณ ธมฺโม อุปฺปชฺชติ นเหตุปจฺจยา:
วิจิกิจฺฉาสหคเต อุทฺธจฺจสหคเต ขนฺเธ ปจฺจยา วิจิกิจฺฉาสหคโต
อุทฺธจฺจสหคโต โมโห ฯ อรณํ ธมฺมํ ปจฺจยา อรโณ
ธมฺโม อุปฺปชฺชติ นเหตุปจฺจยา: อเหตุกํ อรณํ เอกํ ขนฺธํ ปจฺจยา
ตโย ขนฺธา จิตฺตสมุฏฺฐานญฺจ รูปํ อเหตุกปฏิสนฺธิ ยาว อสญฺญสตฺตา
จกฺขายตนํ ปจฺจยา จกฺขุวิญฺญาณํ กายายตนํ ปจฺจยา … ฯ
อรณํ ธมฺมํ ปจฺจยา สรโณ ธมฺโม อุปฺปชฺชติ นเหตุปจฺจยา: วตฺถุํ
ปจฺจยา วิจิกิจฺฉาสหคโต อุทฺธจฺจสหคโต โมโห ฯ สรณญฺจ
อรณญฺจ ธมฺมํ ปจฺจยา สรโณ ธมฺโม อุปฺปชฺชติ นเหตุปจฺจยา:
วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต
อุทฺธจฺจสหคโต โมโห ฯ

[๘๖๑] นเหตุยา จตฺตาริ นอารมฺมเณ ตีณิ นอธิปติยา
นว นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ
นอุปนิสฺสเย ตีณิ นปุเรชาเต จตฺตาริ นปจฺฉาชาเต นว
นอาเสวเน นว นกมฺเม จตฺตาริ นวิปาเก นว นอาหาเร
เอกํ นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต
ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
อิตเร เทฺว คณนาปิ นิสฺสยวาโรปิ สํสฏฺฐวาโรปิ กาตพฺพา
เทฺว ปญฺหา กาตพฺพา สพฺพตฺถ ฯ

[๘๖๒] เหตุยา เทฺว อารมฺมเณ เทฺว สพฺพตฺถ เทฺว
วิปาเก เอกํ อวิคเต เทฺว ฯ

[๘๖๓] นเหตุยา เทฺว นอธิปติยา เทฺว ปุเรชาเต เทฺว
นปจฺฉาชาเต เทฺว นอาเสวเน เทฺว นกมฺเม เทฺว นวิปาเก
เทฺว นฌาเน เอกํ นมคฺเค เอกํ นวิปฺปยุตฺเต เทฺว ฯ
อิตเร เทฺว คณนาปิ สมฺปยุตฺตวาโรปิ กาตพฺพา ฯ
ปญฺหาวาโร