[๘๔๔] นิยโต ธมฺโม อนิยตสฺส ธมฺมสฺส อนนฺตรปจฺจเยน
ปจฺจโย: มคฺโค ผลสฺส อนนฺตรปจฺจเยน ปจฺจโย นิยตา ขนฺธา
วุฏฺฐานสฺส อนนฺตรปจฺจเยน ปจฺจโย ฯ อนิยโต ธมฺโม อนิยตสฺส
ธมฺมสฺส อนนฺตรปจฺจเยน ปจฺจโย: ปุริมา ปุริมา อนิยตา ขนฺธา
ปจฺฉิมานํ ปจฺฉิมานํ อนิยตานํ ขนฺธานํ อนนฺตรปจฺจเยน ปจฺจโย
อนุโลมํ โคตฺรภุสฺส อนุโลมํ โวทานสฺส ผลํ ผลสฺส อนุโลมํ
ผลสมาปตฺติยา นิโรธา วุฏฺฐหนฺตสฺส เนวสญฺญานาสญฺญายตนํ
ผลสมาปตฺติยา อนนฺตรปจฺจเยน ปจฺจโย ฯ อนิยโต ธมฺโม นิยตสฺส
ธมฺมสฺส อนนฺตรปจฺจเยน ปจฺจโย: อนิยตํ โทมนสฺสํ นิยตสฺส
โทมนสฺสสฺส อนิยตา มิจฺฉาทิฏฺฐิ นิยตมิจฺฉาทิฏฺฐิยา อนนฺตรปจฺจเยน
ปจฺจโย โคตฺรภุ มคฺคสฺส โวทานํ มคฺคสฺส อนนฺตรปจฺจเยน
ปจฺจโย ฯ … สมนฺตรปจฺจเยน ปจฺจโย: สหชาตปจฺจเยน
ปจฺจโย: ปญฺจ อญฺญมญฺญปจฺจเยน ปจฺจโย: เทฺว นิสฺสยปจฺจเยน
ปจฺจโย: สตฺต ฯ

[๘๔๕] นิยโต ธมฺโม นิยตสฺส ธมฺมสฺส อุปนิสฺสยปจฺจเยน
ปจฺจโย: ปกตูปนิสฺสโย: มาตุฆาตกมฺมํ มาตุฆาตกมฺมสฺส ปิตุฆาตกมฺมสฺส
อรหนฺตฆาตกมฺมสฺส รุหิรุปฺปาทกมฺมสฺส สงฺฆเภทกมฺมสฺส
นิยตมิจฺฉาทิฏฺฐิยา อุปนิสฺสยปจฺจเยน ปจฺจโย ฯ จกฺกํ ฯ ปฐโม
มคฺโค ทุติยสฺส มคฺคสฺส ทุติโย มคฺโค ตติยสฺส มคฺคสฺส ตติโย
มคฺโค จตุตฺถสฺส มคฺคสฺส อุปนิสฺสยปจฺจเยน ปจฺจโย ฯ นิยโต
ธมฺโม อนิยตสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
มาตรํ ชีวิตา โวโรเปตฺวา ฯเปฯ สงฺฆํ ภินฺทิตฺวา ตสฺส ปฏิฆาตตฺถาย
ทานํ … สีลํ … อุโปสถกมฺมํ … อริยา มคฺคํ อุปนิสฺสาย
อนุปฺปนฺนํ สมาปตฺตึ อุปฺปาเทนฺติ อุปฺปนฺนํ ฯเปฯ ฐานาฐานโกสลฺลสฺส
อุปนิสฺสยปจฺจเยน ปจฺจโย มคฺโค ผลสมาปตฺติยา
อุปนิสฺสยปจฺจเยน ปจฺจโย ฯ อนิยโต ธมฺโม อนิยตสฺส ธมฺมสฺส
อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯเปฯ ปกตูปนิสฺสโย: อนิยตํ สทฺธํ อุปนิสฺสาย
ทานํ … สีลํ อุโปสถกมฺมํ ฌานํ วิปสฺสนํ อภิญฺญํ … สมาปตฺตึ
อุปฺปาเทติ มานํ ชปฺเปติ ทิฏฺฐึ คณฺหาติ อนิยตํ สีลํ ฯเปฯ ปญฺญํ
ราคํ ปตฺถนํ กายิกํ สุขํ กายิกํ ทุกฺขํ ฯเปฯ เสนาสนํ อุปนิสฺสาย
ทานํ ฯเปฯ สมาปตฺตึ อุปฺปาเทติ ปาณํ หนติ ฯเปฯ นิคมฆาตํ …
อนิยตา สทฺธา ฯเปฯ เสนาสนํ อนิยตาย สทฺธาย ฯเปฯ ปตฺถนาย
กายิกสฺส สุขสฺส กายิกสฺส ทุกฺขสฺส ผลสมาปตฺติยา อุปนิสฺสยปจฺจเยน
ปจฺจโย ฯ อนิยโต ธมฺโม นิยตสฺส ธมฺมสฺส อุปนิสฺสยปจฺจเยน
ปจฺจโย: อารมฺมณูปนิสฺสโย อนนฺตรูปนิสฺสโย ปกตูปนิสฺสโย
ฯเปฯ ปกตูปนิสฺสโย: อนิยตํ ราคํ อุปนิสฺสาย มาตรํ ชีวิตา
โวโรเปติ ฯเปฯ สงฺฆํ ภินฺทติ อนิยตํ โทมนสฺสํ ฯเปฯ เสนาสนํ
อุปนิสฺสาย มาตรํ ชีวิตา โวโรเปติ ฯเปฯ สงฺฆํ ภินฺทติ อนิยโต
ราโค โทมนสฺสํ ฯเปฯ เสนาสนํ มาตุฆาตกมฺมสฺส ฯเปฯ สงฺฆเภทกมฺมสฺส
อุปนิสฺสยปจฺจเยน ปจฺจโย ปฐมสฺส มคฺคสฺส ปริกมฺมํ
ปฐมสฺส มคฺคสฺส ฯเปฯ จตุตฺถสฺส มคฺคสฺส ปริกมฺมํ จตุตฺถสฺส
มคฺคสฺส อุปนิสฺสยปจฺจเยน ปจฺจโย ฯ

[๘๔๖] อนิยโต ธมฺโม อนิยตสฺส ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ สงฺขิตฺตํ ฯ อนิยโต
ธมฺโม นิยตสฺส ธมฺมสฺส ปุเรชาตปจฺจเยน ปจฺจโย: อารมฺมณปุเรชาตํ
วตฺถุปุเรชาตํ ฯ อารมฺมณปุเรชาตํ: รูปชีวิตินฺทฺริยํ มาตุฆาตกมฺมสฺส
ปิตุฆาตกมฺมสฺส อรหนฺตฆาตกมฺมสฺส รุหิรุปฺปาทกมฺมสฺส
ปุเรชาตปจฺจเยน ปจฺจโย ฯ วตฺถุปุเรชาตํ: วตฺถุ นิยตานํ ขนฺธานํ
ปุเรชาตปจฺจเยน ปจฺจโย เทฺว ฯ … ปจฺฉาชาตปจฺจเยน ปจฺจโย:
เทฺว อาเสวนปจฺจเยน ปจฺจโย: เทฺว ฯ

[๘๔๗] นิยโต ธมฺโม นิยตสฺส ธมฺมสฺส กมฺมปจฺจเยน ปจฺจโย:
นิยตา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย ฯ
นิยโต ธมฺโม อนิยตสฺส ธมฺมสฺส กมฺมปจฺจเยน ปจฺจโย: สหชาตา
นานาขณิกา ฯ สหชาตา: นิยตา เจตนา จิตฺตสมุฏฺฐานานํ รูปานํ
กมฺมปจฺจเยน ปจฺจโย ฯ นานาขณิกา: นิยตา เจตนา วิปากานํ
ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ มูลํ นิยตา
เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน
ปจฺจโย ฯ อนิยโต ธมฺโม อนิยตสฺส ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สงฺขิตฺตํ ฯ … วิปากปจฺจเยน
ปจฺจโย: เอกํ อาหารปจฺจเยน ปจฺจโย: จตฺตาริ อินฺทฺริยปจฺจเยน
ปจฺจโย: จตฺตาริ ฌานปจฺจเยน ปจฺจโย: จตฺตาริ
มคฺคปจฺจเยน ปจฺจโย: จตฺตาริ สมฺปยุตฺตปจฺจเยน ปจฺจโย: เทฺว
วิปฺปยุตฺตปจฺจเยน ปจฺจโย: ตีณิ อรูปทุกสทิสํ ฯ … อตฺถิปจฺจเยน
ปจฺจโย: สตฺต อรูปาวจรทุกสทิสํ ฯ … นตฺถิปจฺจเยน ปจฺจโย:
วิคตปจฺจเยน ปจฺจโย: อวิคตปจฺจเยน ปจฺจโย: สตฺต ฯ

[๘๔๘] เหตุยา จตฺตาริ อารมฺมเณ ตีณิ อธิปติยา ปญฺจ
อนนฺตเร ตีณิ สมนนฺตเร ตีณิ สหชาเต ปญฺจ อญฺญมญฺเญ
เทฺว นิสฺสเย สตฺต อุปนิสฺสเย จตฺตาริ ปุเรชาเต เทฺว
ปจฺฉาชาเต เทฺว อาเสวเน เทฺว กมฺเม จตฺตาริ วิปาเก
เอกํ อาหาเร จตฺตาริ อินฺทฺริเย จตฺตาริ ฌาเน จตฺตาริ
มคฺเค จตฺตาริ สมฺปยุตฺเต เทฺว วิปฺปยุตฺเต ตีณิ อตฺถิยา
สตฺต นตฺถิยา ตีณิ วิคเต ตีณิ อวิคเต สตฺต ฯ

[๘๔๙] นิยโต ธมฺโม นิยตสฺส ธมฺมสฺส สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ฯ นิยโต ธมฺโม อนิยตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ปจฺฉาชาตปจฺจเยน ปจฺจโย:
กมฺมปจฺจเยน ปจฺจโย: ฯ นิยโต ธมฺโม นิยตสฺส จ อนิยตสฺส จ
ธมฺมสฺส สหชาตปจฺจเยน ปจฺจโย: ฯ อนิยโต ธมฺโม อนิยตสฺส
ธมฺมสฺส อารมมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ปุเรชาตปจฺจเยน ปจฺจโย:
ปจฺฉาชาตปจฺจเยน ปจฺจโย: กมฺมปจฺจเยน ปจฺจโย: อาหารปจฺจเยน
ปจฺจโย: อินฺทฺริยปจฺจเยน ปจฺจโย: ฯ อนิยโต ธมฺโม นิยตสฺส
ธมฺมสฺส อารมฺมณปจฺจเยน ปจฺจโย: อุปนิสฺสยปจฺจเยน ปจฺจโย:
ปุเรชาตปจฺจเยน ปจฺจโย: ฯ นิยโต จ อนิยโต จ ธมฺมา นิยตสฺส
ธมฺมสฺส สหชาตปจฺจเยน ปจฺจโย: ปุเรชาตปจฺจเยน ปจฺจโย: ฯ
นิยโต จ อนิยโต จ ธมฺมา อนิยตสฺส ธมฺมสฺส สหชาตปจฺจเยน
ปจฺจโย: ปจฺฉาชาตปจฺจเยน ปจฺจโย: อาหารปจฺจเยน ปจฺจโย:
อินฺทฺริยปจฺจเยน ปจฺจโย: ฯ

[๘๕๐] นเหตุยา สตฺต นอารมฺมเณ สตฺต นอธิปติยา สตฺต
นอนนฺตเร นสมนนฺตเร สตฺต นสหชาเต ปญฺจ นอญฺญมญฺเญ
ปญฺจ นนิสฺสเย ปญฺจ นอุปนิสฺสเย สตฺต นปุเรชาเต
ฉ นปจฺฉาชาเต สตฺต นสมฺปยุตฺเต ปญฺจ นวิปฺปยุตฺเต
จตฺตาริ โนอตฺถิยา จตฺตาริ โนนตฺถิยา สตฺต โนวิคเต
สตฺต โนอวิคเต จตฺตาริ ฯ

[๘๕๑] เหตุปจฺจยา นอารมฺมเณ จตฺตาริ … นอธิปติยา จตฺตาริ
นอนนฺตเร นสมนนฺตเร จตฺตาริ นอญฺญมญฺเญ เทฺว นอุปนิสฺสเย
จตฺตาริ นสมฺปยุตฺเต เทฺว นวิปฺปยุตฺเต เทฺว โนนตฺถิยา จตฺตาริ
โนวิคเต จตฺตาริ ฯ

[๘๕๒] นเหตุปจฺจยา อารมฺมเณ ตีณิ … อธิปติยา ปญฺจ ฯ
อนุโลมมาติกา วิตฺถาเรตพฺพา ฯ … อวิคเต สตฺต ฯ
นิยตทุกํ นิฏฺฐิตํ ฯ
_______________
สอุตฺตรทุกํ
ปฏิจฺจวาโร

[๘๕๓] สอุตฺตรํ ธมฺมํ ปฏิจฺจ สอุตฺตโร ธมฺโม อุปฺปชฺชติh
เหตุปจฺจยา: สอุตฺตรํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ … ปฏิสนฺธิ ยาว อชฺฌตฺติกา
มหาภูตา ฯ
ยถา จูฬนฺตรทุเก โลกิยทุกสทิสํ นินฺนานากรณํ ฯ
สอุตฺตรทุกํ นิฏฺฐิตํ ฯ
___________________
สรณทุกํ
ปฏิจฺจวาโร