[๗๒๔] กามาวจรํ ธมฺมํ ปฏิจฺจ กามาวจโร ธมฺโม
อุปฺปชฺชติ นเหตุปจฺจยา: อเหตุกํ กามาวจรํ เอกํ ขนฺธํ ปฏิจฺจ ตโย
ขนฺธา จิตฺตสมุฏฺฐานญฺจ รูปํ เทฺว ขนฺเธ … อเหตุกปฏิสนฺธิ
ยาว อสญฺญสตฺตา วิจิกิจฺฉาสหคเต อุทฺธจฺจสหคเต ขนฺเธ
ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ … นอารมฺมณปจฺจยา:
ตีณิ ฯ

[๗๒๕] กามาวจรํ ธมฺมํ ปฏิจฺจ กามาวจโร ธมฺโม อุปฺปชฺชติ
นอธิปติปจฺจยา: ตีณิ ฯ นกามาวจรํ ธมฺมํ ปฏิจฺจ นกามาวจโร
ธมฺโม อุปฺปชฺชติ นอธิปติปจฺจยา: นกามาวจเร ขนฺเธ ปฏิจฺจ
นกามาวจรา อธิปติ วิปากํ นกามาวจรํ เอกํ ขนฺธํ ปฏิจฺจ
ตโย ขนฺธา เทฺว ขนฺเธ … ปฏิสนฺธิ ฯ นกามาวจรํ ธมฺมํ
ปฏิจฺจ กามาวจโร ธมฺโม อุปฺปชฺชติ นอธิปติปจฺจยา: วิปาเก
นกามาวจเร ขนฺเธ ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ ฯเปฯ
นกามาวจรํ ธมฺมํ ปฏิจฺจ กามาวจโร จ นกามาวจโร จ ธมฺมา
อุปฺปชฺชนฺติ นอธิปติปจฺจยา: วิปากํ นกามาวจรํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ … ปฏิสนฺธิ ฯ
กามาวจรญฺจ นกามาวจรญฺจ ธมฺมํ ปฏิจฺจ กามาวจโร ธมฺโม
อุปฺปชฺชติ นอธิปติปจฺจยา: วิปาเก นกามาวจเร ขนฺเธ จ
มหาภูเต จ ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ ฯเปฯ อิตเร
เทฺว ปากฏิกา ฯ … นอนนฺตรปจฺจยา: ฯเปฯ นปุเรชาตปจฺจยา:
นปจฺฉาชาตปจฺจยา: ฯ

[๗๒๖] กามาวจรํ ธมฺมํ ปฏิจฺจ กามาวจโร ธมฺโม อุปฺปชฺชติ
นอาเสวนปจฺจยา: ตีณิ ฯ นกามาวจรํ ธมฺมํ ปฏิจฺจ นกามาวจโร
ธมฺโม อุปฺปชฺชติ นอาเสวนปจฺจยา: วิปากํ นกามาวจรํ เอกํ
ขนฺธํ ปฏิจฺจ ตโย ขนฺธา เทฺว ขนฺเธ … ปฏิสนฺธิ ฯ นกามาวจรํ
ธมฺมํ ปฏิจฺจ กามาวจโร ธมฺโม อุปฺปชฺชติ นอาเสวนปจฺจยา:
นกามาวจเร ขนฺเธ ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ
ฯเปฯ มูลํ วิปากํ นกามาวจรํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ … ปฏิสนฺธิกฺขเณ ฯเปฯ
อวเสสา ตีณิ ปากฏิกา ฯ สงฺขิตฺตํ ฯ

[๗๒๗] นเหตุยา เอกํ นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอุปนิสฺสเย ตีณิ นปุเรชาเต
นว นปจฺฉาชาเต นว นอาเสวเน นว นกมฺเม เทฺว นวิปาเก
ปญฺจ นอาหาเร เอกํ นอินฺทฺริเย เอกํ นฌาเน เอกํ นมคฺเค
เอกํ นสมฺปยุตฺเต ตีณิ นวิปฺปยุตฺเต เทฺว โนนตฺถิยา ตีณิ
โนวิคเต ตีณิ ฯ
อวเสสา คณนาปิ สหชาตวาโรปิ กาตพฺพา ฯ
ปจฺจยวาโร

[๗๒๘] กามาวจรํ ธมฺมํ ปจฺจยา กามาวจโร ธมฺโม อุปฺปชฺชติ
เหตุปจฺจยา: กามาวจรํ เอกํ ขนฺธํ ปจฺจยา ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ … ปฏิสนฺธิ ยาว อชฺฌตฺติกา
มหาภูตา วตฺถุํ ปจฺจยา กามาวจรา ขนฺธา ฯ กามาวจรํ ธมฺมํ
ปจฺจยา นกามาวจโร ธมฺโม อุปฺปชฺชติ เหตุปจฺจยา: วตฺถุํ ปจฺจยา
นกามาวจรา ขนฺธา ปฏิสนฺธิ ฯ กามาวจรํ ธมฺมํ ปจฺจยา
กามาวจโร จ นกามาวจโร จ ธมฺมา อุปฺปชฺชนฺติ เหตุปจฺจยา:
วตฺถุํ ปจฺจยา นกามาวจรา ขนฺธา มหาภูเต ปจฺจยา
จิตฺตสมุฏฺฐานํ รูปํ ปฏิสนฺธิ ฯ นกามาวจรํ ธมฺมํ ปจฺจยา
นกามาวจโร ธมฺโม อุปฺปชฺชติ เหตุปจฺจยา: ตีณิ ปฏิจฺจสทิสา ฯ
กามาวจรญฺจ นกามาวจรญฺจ ธมฺมํ ปจฺจยา กามาวจโร ธมฺโม
อุปฺปชฺชติ เหตุปจฺจยา: ปฏิจฺจสทิสา ฯ กามาวจรญฺจ นกามาวจรญฺจ
ธมฺมํ ปจฺจยา นกามาวจโร ธมฺโม อุปฺปชฺชติ เหตุปจฺจยา:
นกามาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ …
ปฏิสนฺธิ ฯ กามาวจรญฺจ นกามาวจรญฺจ ธมฺมํ ปจฺจยา
กามาวจโร จ นกามาวจโร จ ธมฺมา อุปฺปชฺชนฺติ เหตุปจฺจยา:
นกามาวจรํ เอกํ ขนฺธญฺจ วตฺถุญฺจ ปจฺจยา ตโย ขนฺธา เทฺว
ขนฺเธ … นกามาวจเร ขนฺเธ จ มหาภูเต จ ปจฺจยา จิตฺตสมุฏฺฐานํ
รูปํ ปฏิสนฺธิ ฯ สงฺขิตฺตํ ฯ

[๗๒๙] เหตุยา นว อารมฺมเณ จตฺตาริ อธิปติยา นว
อนนฺตเร จตฺตาริ สมนนฺตเร จตฺตาริ สหชาเต นว อญฺญมญฺเญ
นว นิสฺสเย นว อุปนิสฺสเย จตฺตาริ ปุเรชาเต จตฺตาริ
อาเสวเน จตฺตาริ กมฺเม นว อวิคเต นว ฯ

[๗๓๐] กามาวจรํ ธมฺมํ ปจฺจยา กามาวจโร ธมฺโม อุปฺปชฺชติ
นเหตุปจฺจยา: อเหตุกํ กามาวจรํ เอกํ ขนฺธํ ปจฺจยา …
อเหตุกปฏิสนฺธิ ยาว อสญฺญสตฺตา จกฺขายตนํ ปจฺจยา จกฺขุวิญฺญาณํ
กายายตนํ … วตฺถุํ ปจฺจยา อเหตุกา กามาวจรา ขนฺธา
วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา
วิจิกิจฺฉาสหคโต อุทฺธจฺจสหคโต โมโห ฯ … นอารมฺมณปจฺจยา: ฯ

[๗๓๑] กามาวจรํ ธมฺมํ ปจฺจยา กามาวจโร ธมฺโม อุปฺปชฺชติ
นอธิปติปจฺจยา: เอกํ ยาว อสญฺญสตฺตา ฯ กามาวจรํ ธมฺมํ
ปจฺจยา นกามาวจโร ธมฺโม อุปฺปชฺชติ นอธิปติปจฺจยา: วตฺถุํ
ปจฺจยา นกามาวจรา อธิปติ วตฺถุํ ปจฺจยา วิปากา นกามาวจรา
ขนฺธา ปฏิสนฺธิ ฯ กามาวจรํ ธมฺมํ ปจฺจยา กามาวจโร จ
นกามาวจโร จ ธมฺมา อุปฺปชฺชนฺติ นอธิปติปจฺจยา: วตฺถุํ ปจฺจยา
วิปากา นกามาวจรา ขนฺธา มหาภูเต ปจฺจยา จิตฺตสมุฏฺฐานํ
รูปํ ปฏิสนฺธิ ฯ นกามาวจรํ ธมฺมํ ปจฺจยา นกามาวจโร ธมฺโม
อุปฺปชฺชติ นอธิปติปจฺจยา: ตีณิ ปฏิจฺจสทิสา ฯ กามาวจรญฺจ
นกามาวจรญฺจ ธมฺมํ ปจฺจยา กามาวจโร ธมฺโม อุปฺปชฺชติ
นอธิปติปจฺจยา: ปฏิจฺจสทิสา ฯ มูลํ นกามาวจเร ขนฺเธ จ
วตฺถุญฺจ ปจฺจยา นกามาวจรา อธิปติ วิปากํ นกามาวจรํ เอกํ
ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ … ปฏิสนฺธิกฺขเณ
ฯเปฯ มูลํ วิปากํ กามาวจรํ เอกํ ขนฺธญฺจ วตฺถุญฺจ
ปจฺจยา ตโย ขนฺธา เทฺว ขนฺเธ … วิปาเก นกามาวจเร ขนฺเธ
จ มหาภูเต จ ปจฺจยา จิตฺตสมุฏฺฐานํ รูปํ ปฏิสนฺธิ ฯ
… นอุปนิสฺสยปจฺจยา: ตีณิ นอาเสวนปจฺจยา: สุทฺธเก อรูปมิสฺสเก
จ วิปากนฺติ นิยาเมตพฺพํ รูปมิสฺสเก นตฺถิ ฯ

[๗๓๒] นเหตุยา เอกํ นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอุปนิสฺสเย ตีณิ นปุเรชาเต
นว นปจฺฉาชาเต นว นอาเสวเน นว นกมฺเม จตฺตาริ นวิปาเก
นว นอาหาเร เอกํ นอินฺทฺริเย เอกํ นฌาเน เอกํ นมคฺเค
เอกํ นสมฺปยุตฺเต ตีณิ นวิปฺปยุตฺเต เทฺว โนนตฺถิยา ตีณิ
โนวิคเต ตีณิ ฯ
เอวํ อิตเร เทฺว คณนาปิ นิสฺสยวาโรปิ กาตพฺพา ฯ
สํสฏฺฐวาโร

[๗๓๓] กามาวจรํ ธมฺมํ สํสฏฺโฐ กามาวจโร ธมฺโม อุปฺปชฺชติ
เหตุปจฺจยา: กามาวจรํ เอกํ ขนฺธํ สํสฏฺฐา ตโย ขนฺธา เทฺว
ขนฺเธ … ปฏิสนฺธิ ฯ นกามาวจรํ ธมฺมํ สํสฏฺโฐ นกามาวจโร
ธมฺโม อุปฺปชฺชติ เหตุปจฺจยา: นกามาวจรํ เอกํ ขนฺธํ สํสฏฺฐา
ตโย ขนฺธา เทฺว ขนฺเธ … ปฏิสนฺธิ ฯ