[๖๙๔] เหตุยา นว อารมฺมเณ นว ฯเปฯ ปุเรชาเต ฉ
อาเสวเน ฉ กมฺเม นว อวิคเต นว ฯ

[๖๙๕] สุขสหคตํ ธมฺมํ ปฏิจฺจ สุขสหคโต ธมฺโม อุปฺปชฺชติ
นเหตุปจฺจยา: อเหตุกํ สุขสหคตํ เอกํ ขนฺธํ ปฏิจฺจ เทฺว ขนฺธา
เทฺว ขนฺเธ … ฯ มูลํ อเหตุเก สุขสหคเต ขนฺเธ ปฏิจฺจ สุขญฺจ
จิตฺตสมุฏฺฐานญฺจ รูปํ ฯ สุขสหคตํ ธมฺมํ ปฏิจฺจ สุขสหคโต จ
นสุขสหคโต จ ธมฺมา อุปฺปชฺชนฺติ นเหตุปจฺจยา: อเหตุกํ สุขสหคตํ
เอกํ ขนฺธํ ปฏิจฺจ เทฺว ขนฺธา สุขญฺจ จิตฺตสมุฏฺฐานญฺจ รูปํ
เทฺว ขนฺเธ … ฯ นสุขสหคตํ ธมฺมํ ปฏิจฺจ นสุขสหคโต ธมฺโม
อุปฺปชฺชติ นเหตุปจฺจยา: อเหตุกํ นสุขสหคตํ เอกํ ขนฺธํ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ … อเหตุกํ สุขํ
ปฏิจฺจ จิตฺตสมุฏฺฐานํ รูปํ อเหตุกปฏิสนฺธิกฺขเณ นสุขสหคตํ เอกํ
ขนฺธํ ปฏิจฺจ ตโย ขนฺธา กฏตฺตา จ รูปํ เทฺว ขนฺเธ … ขนฺเธ
ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ยาว อสญฺญสตฺตา
วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต
อุทฺธจฺจสหคโต โมโห ฯ ยถา สปฺปีติเก นเหตุปจฺจยสทิสํ
นินฺนานํ สพฺพตฺถเมว นว ปญฺหา ฯ

[๖๙๖] นเหตุยา นว นอารมฺมเณ ตีณิ นอุปนิสฺสเย ตีณิ
นปุเรชาเต นว นปจฺฉาชาเต นว นอาเสวเน นว นกมฺเม
จตฺตาริ นวิปาเก นว นอาหาเร เอกํ นอินฺทฺริเย เอกํ
นฌาเน ฉ นมคฺเค นว นสมฺปยุตฺเต ตีณิ นวิปฺปยุตฺเต ฉ
โนนตฺถิยา ตีณิ โนวิคเต ตีณิ ฯ
เอวํ อิตเร เทฺว คณนาปิ ฯ สหชาตวาโรปิ ปฏิจฺจวารสทิโส ฯ
ปจฺจยวาเร ปวตฺติปิ ปฏิสนฺธิปิ วิตฺถาเรตพฺพา ยถา
สปฺปีติกทุกปจฺจยวารปจฺจนีเยปิ ปวตฺเต วตฺถุ จ วิตฺถาเรตพฺพํ ยถา
สปฺปีติกทุเก เอโกเยว โมโห ฯ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ยถา สปฺปีติกทุกํ เอวํ กาตพฺพา ฯ
ปญฺหาวาโร

[๖๙๗] สุขสหคโต ธมฺโม สุขสหคตสฺส ธมฺมสฺส เหตุปจฺจเยน
ปจฺจโย: จตฺตาริ ฯ อารมฺมเณปิ อธิปติยาปิ สปฺปีติกทุกสทิสา
สุขนฺติ นานากรณํ ฯ

[๖๙๘] สุขสหคโต ธมฺโม สุขสหคตสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา สุขสหคตา ขนฺธา ปจฺฉิมานํ
ปจฺฉิมานํ สุขสหคตานํ ขนฺธานํ อนนฺตรปจฺจเยน ปจฺจโย ฯ มูลํ
ปุริมา ปุริมา สุขสหคตา ขนฺธา ปจฺฉิมสฺส ปจฺฉิมสฺส นสุขสหคตสฺส
อนนฺตรปจฺจเยน ปจฺจโย สุขสหคตํ จุติจิตฺตํ นสุขสหคตสฺส
อุปปตฺติจิตฺตสฺส สุขสหคตํ ภวงฺคํ อาวชฺชนาย สุขสหคตํ
กายวิญฺญาณํ วิปากมโนธาตุยา สุขสหคตา วิปากมโนวิญฺญาณธาตุ
กิริยมโนวิญฺญาณธาตุยา สุขสหคตํ ภวงฺคํ นสุขสหคตสฺส
ภวงฺคสฺส สุขสหคตํ กุสลากุสลํ นสุขสหคตสฺส วุฏฺฐานสฺส กิริยํ
วุฏฺฐานสฺส ผลํ วุฏฺฐานสฺส อนนฺตรปจฺจเยน ปจฺจโย ฯ มูลํ
ปุริมา ปุริมา สุขสหคตา ขนฺธา ปจฺฉิมานํ ปจฺฉิมานํ สุขสหคตานํ
ขนฺธานํ สุขสฺส จ อนนฺตรปจฺจเยน ปจฺจโย ฯ นสุขสหคโต ธมฺโม
นสุขสหคตสฺส ธมฺมสฺส อนนฺตรปจฺจเยน ปจฺจโย: ปุริมา ปุริมา
นสุขสหคตา … ฯ มูลํ ตีณิปิ สปฺปีติกทุกสทิสา ฯ สุขสหคโต จ
นสุขสหคโต จ ธมฺมา สุขสหคตสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา สุขสหคตา ขนฺธา จ สุขญฺจ ปจฺฉิมานํ
ปจฺฉิมานํ สุขสหคตานํ ขนฺธานํ อนนฺตรปจฺจเยน ปจฺจโย ฯ มูลํ
ปุริมา ปุริมา สุขสหคตา ขนฺธา จ สุขญฺจ ปจฺฉิมสฺส ปจฺฉิมสฺส
สุขสฺส อนนฺตรปจฺจเยน ปจฺจโย สุขสหคตํ จุติจิตฺตญฺจ สุขญฺจ
นสุขสหคตสฺส อุปปตฺติจิตฺตสฺส สุขสหคตํ ภวงฺคญฺจ สุขญฺจ
อาวชฺชนาย สุขสหคตํ กายวิญฺญาณญฺจ สุขญฺจ วิปากมโนธาตุยา๕
สุขสหคตา วิปากมโนวิญฺญาณธาตุ จ สุขญฺจ กิริยมโนวิญฺญาณธาตุยา
สุขสหคตํ ภวงฺคญฺจ สุขญฺจ นสุขสหคตสฺส ภวงฺคสฺส
สุขสหคตํ กุสลากุสลญฺจ สุขญฺจ นสุขสหคตสฺส วุฏฺฐานสฺส กิริยํ
วุฏฺฐานสฺส ผลํ วุฏฺฐานสฺส อนนฺตรปจฺจเยน ปจฺจโย ฯ มูลํ
ปุริมา ปุริมา สุขสหคตา ขนฺธา จ สุขญฺจ ปจฺฉิมานํ ปจฺฉิมานํ
สุขสหคตานํ ขนฺธานํ สุขสฺส จ อนนฺตรปจฺจเยน ปจฺจโย ฯ
… สมนนฺตรปจฺจเยน ปจฺจโย: สหชาตปจฺจเยน ปจฺจโย:
อญฺญมญฺญปจฺจเยน ปจฺจโย: นิสฺสยปจฺจเยน ปจฺจโย: ฯ

[๖๙๙] สุขสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน
ปจฺจโย: ตีณิ ฯ น สุขสหคโต ธมฺโม นสุขสหคตสฺส ธมฺมสฺส
อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯเปฯ ปกตูปนิสฺสโย: นสุขสหคตํ สทฺธํ อุปนิสฺสาย
นสุขสหคเตน จิตฺเตน ทานํ เทติ สีลํ ฯเปฯ สมาปตฺตึ อุปฺปาเทติ
มานํ ชปฺเปติ ทิฏฺฐึ คณฺหาติ นสุขสหคตํ สีลํ ฯเปฯ ปญฺญํ …
ราคํ ปตฺถนํ กายิกํ สุขํ กายิกํ ทุกฺขํ อุตุํ โภชนํ … เสนาสนํ
สุขํ อุปนิสฺสาย นสุขสหคเตน จิตฺเตน ทานํ เทติ ฯเปฯ สมาปตฺตึ
อุปฺปาเทติ ฯเปฯ ปาณํ หนติ ฯเปฯ สงฺฆํ ภินฺทติ นสุขสหคตา
สทฺธา ฯเปฯ เสนาสนํ สุขญฺจ นสุขสหคตาย สทฺธาย ฯเปฯ
ปญฺญาย ราคสฺส โทสสฺส ปตฺถนาย กายิกสฺส สุขสฺส มคฺคสฺส
ผลสมาปตฺติยา สุขสฺส จ อุปนิสฺสยปจฺจเยน ปจฺจโย ฯ นสุขสหคโต
ธมฺโม สุขสหคตสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
นสุขสหคตํ สทฺธํ อุปนิสฺสาย สุขสหคเตน จิตฺเตน ทานํ ฯเปฯ
สมาปตฺตึ อุปฺปาเทติ มานํ ชปฺเปติ ทิฏฺฐึ คณฺหาติ นสุขสหคตํ
สีลํ ฯเปฯ ปญฺญํ … ราคํ ปตฺถนํ กายิกํ สุขํ … เสนาสนํ สุขํ
อุปนิสฺสาย สุขสหคเตน จิตฺเตน ทานํ เทติ ฯเปฯ สมาปตฺตึ
อุปฺปาเทติ สุขสหคเตน จิตฺเตน อทินฺนํ อาทิยติ มุสา … ปิสุณํ …
สมฺผํ … สนฺธึ … นิลฺโลปํ … เอกาคาริกํ … ปริปนฺเถ … ปรทารํ
… คามฆาตํ … นิคมฆาตํ … นสุขสหคตา สทฺธา ฯเปฯ เสนาสนํ
สุขสหคตาย สทฺธาย ฯเปฯ ปญฺญาย ราคสฺส โมหสฺส มานสฺส
ทิฏฺฐิยา ปตฺถนาย กายิกสฺส สุขสฺส มคฺคสฺส ผลสมาปตติยา
อุปนิสฺสยปจฺจเยน ปจฺจโย ฯ นสุขสหคโต ธมฺโม สุขสหคตสฺส จ
นสุขสหคตสฺส จ ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
นสุขสหคตํ สทฺธํ อุปนิสฺสาย สุขสหคเตน จิตฺเตน ทานํ เทติ ฯ
ทุติยคมนสทิสํ ฯ มานํ ชปฺเปติ ทิฏฺฐึ คณฺหาติ นสุขสหคตํ
สีลํ ฯเปฯ เสนาสนํ สุขํ อุปนิสฺสาย ทานํ เทติ ฯเปฯ สมาปตฺตึ
อุปฺปาเทติ สุขสหคเตน จิตฺเตน อทินฺนํ อาทิยติ ฯเปฯ นสุขสหคตา(
สทฺธา ฯเปฯ เสนาสนํ สุขญฺจ สุขสหคตาย สทฺธาย ฯเปฯ
ปตฺถนาย กายิกสฺส สุขสฺส มคฺคสฺส ผลสมาปตฺติยา สุขสฺส จ
อุปนิสฺสยปจฺจเยน ปจฺจโย ฯ สุขสหคโต จ นสุขสหคโต จ ธมฺมา
สุขสหคตสฺส ธมฺมสฺส อุปนิสฺสยปจฺจเยน ปจฺจโย: ตีณิ ฯ

[๗๐๐] นสุขสหคโต ธมฺโม นสุขสหคตสฺส ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ … วตฺถุํ นสุขสหคเตน จิตฺเตน อนิจฺจโต …
วิปสฺสติ อสฺสาเทติ อภินนฺทติ ตํ อารพฺภ นสุขสหคโต ราโค
ฯเปฯ โทมนสฺสํ อุปฺปชฺชติ ทิพฺเพน จกฺขุนา รูปํ ฯเปฯ
โผฏฺฐพฺพายตนํ กายวิญฺญาณสฺส ฯ วตฺถุปุเรชาตํ: จกฺขายตนํ
จกฺขุวิญฺญาณสฺส กายายตนํ … วตฺถุ นสุขสหคตานํ ขนฺธานํ
สุขสฺส จ ปุเรชาตปจฺจเยน ปจฺจโย ฯ นสุขสหคโต ธมฺโม
สุขสหคตสฺส ธมฺมสฺส ปุเรชาตปจฺจเยน ปจฺจโย: อารมฺมณปุเรชาตํ
วตฺถุปุเรชาตํ ฯ อารมฺมณปุเรชาตํ: จกฺขุํ … วตฺถุํ สุขสหคเตน
จิตฺเตน อนิจฺจโต … วิปสฺสติ อสฺสาเทติ อภินนฺทติ ตํ อารพฺภ
สุขสหคโต ราโค อุปฺปชฺชติ ทิฏฺฐิ อุปฺปชฺชติ ฯ วตฺถุปุเรชาตํ:M
วตฺถุ สุขสหคตานํ ขนฺธานํ ปุเรชาตปจฺจเยน ปจฺจโย ฯ
นสุขสหคโต ธมฺโม สุขสหคตสฺส จ นสุขสหคตสฺส จ ธมฺมสฺส
ปุเรชาตปจฺจเยน ปจฺจโย: อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ … วตฺถุํ สุขสหคเตน จิตฺเตน อนิจฺจโต …
วิปสฺสติ อสฺสาเทติ อภินนฺทติ ตํ อารพฺภ สุขสหคโต ราโค
อุปฺปชฺชติ ทิฏฺฐิ … ฯ วตฺถุปุเรชาตํ: วตฺถุ สุขสหคตานํ ขนฺธานํ
สุขสฺส จ ปุเรชาตปจฺจเยน ปจฺจโย ฯ … ปจฺฉาชาตปจฺจเยน ปจฺจโย:
ตีณิ อาเสวนปจฺจเยน ปจฺจโย: นว ฯ

[๗๐๑] สุขสหคโต ธมฺโม สุขสหคตสฺส ธมฺมสฺส กมฺมปจฺจเยน
ปจฺจโย: สหชาตา นานาขณิกา ฉ กมฺมานิ จตฺตาริ สหชาตาปิ
นานาขณิกาปิ กาตพฺพา เทฺว นานาขณิกา ฯ … วิปากปจฺจเยน ปจฺจโย:
นว อาหารปจฺจเยน ปจฺจโย: จตฺตาริ อินฺทฺริยปจฺจเยน ปจฺจโย:
นว ฌานปจฺจเยน ปจฺจโย: นว มคฺคปจฺจเยน ปจฺจโย: จตฺตาริ
สมฺปยุตฺตปจฺจเยน ปจฺจโย: ฉ วิปฺปยุตฺตปจฺจเยน ปจฺจโย: ปญฺจ
อตฺถิปจฺจเยน ปจฺจโย: นว นตฺถิปจฺจเยน ปจฺจโย: นว
วิคตปจฺจเยน ปจฺจโย: นว อวิคตปจฺจเยน ปจฺจโย: นว ฯ

[๗๐๒] เหตุยา จตฺตาริ อารมฺมเณ นว อธิปติยา นว
อนนฺตเร นว สมนนฺตเร นว สหชาเต นว อญฺญมญฺเญ นว
นิสฺสเย นว อุปนิสฺสเย นว ปุเรชาเต ตีณิ ปจฺฉาชาเต ตีณิ
อาเสวเน นว กมฺเม ฉ วิปาเก นว อาหาเร จตฺตาริ อินฺทฺริเย
นว ฌาเน นว มคฺเค จตฺตาริ สมฺปยุตฺเต ฉ วิปฺปยุตฺเต
ปญฺจ อตฺถิยา นว นตฺถิยา นว วิคเต นว อวิคเต นว ฯ
เอวํ ปจฺจนียวิภงฺโคปิ คณนาปิ สปฺปีติกทุกสทิสา กาตพฺพา
ยทิปิ วิมติ อตฺถิ อนุโลมํ ปสฺสิตฺวา คเณตพฺพํ ฯ
สุขสหคตทุกํ นิฏฺฐิตํ ฯ
___________________
อุเปกฺขาสหคตทุกํ
ปฏิจฺจวาโร

[๗๐๓] อุเปกฺขาสหคตํ ธมฺมํ ปฏิจฺจ อุเปกฺขาสหคโต ธมฺโม
อุปฺปชฺชติ เหตุปจฺจยา: อุเปกฺขาสหคตํ เอกํ ขนฺธํ ปฏิจฺจ เทฺว
ขนฺธา เทฺว ขนฺเธ … ปฏิสนฺธิกฺขเณ ฯเปฯ อุเปกฺขาสหคตํ
ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยา:
อุเปกฺขาสหคเต ขนฺเธ ปฏิจฺจ อุเปกฺขา จิตฺตสมุฏฺฐานญฺจ รูปํ
ปฏิสนฺธิ ฯ อุเปกฺขาสหคตํ ธมฺมํ ปฏิจฺจ อุเปกฺขาสหคโต จ
นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา: อุเปกฺขาสหคตํ
เอกํ ขนฺธํ ปฏิจฺจ เทฺว ขนฺธา อุเปกฺขา จ
จิตฺตสมุฏฺฐานญฺจ รูปํ เทฺว ขนฺเธ … ปฏิสนฺธิ ฯ นอุเปกฺขาสหคตํ
ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยา:
นอุเปกฺขาสหคตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ … อุเปกฺขํ ปฏิจฺจ จิตฺตสมุฏฺฐานํ รูปํ ปฏิสนฺธิกฺขเณ
นอุเปกฺขาสหคตํ เอกํ ขนฺธํ ปฏิจฺจ ตโย ขนฺธา กฏตฺตา จ
รูปํ เทฺว ขนฺเธ … ปฏิสนฺธิกฺขเณ อุเปกฺขํ ปฏิจฺจ กฏตฺตารูปํ
ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา อุเปกฺขํ ปฏิจฺจ
วตฺถุ วตฺถุํ ปฏิจฺจ อุเปกฺขา เอกํ มหาภูตํ ปฏิจฺจ … ฯ
สปฺปีติกทุกสทิสํ อนุโลเม นวปิ ปญฺหา ฯ