[๖๗๔] สปฺปีติกํ ธมฺมํ ปฏิจฺจ สปฺปีติโก ธมฺโม อุปฺปชฺชติ
นเหตุปจฺจยา: อเหตุกํ สปฺปีติกํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ … ฯ สปฺปีติกํ ธมฺมํ ปฏิจฺจ อปฺปีติโก ธมฺโม อุปฺปชฺชติ
นเหตุปจฺจยา: อเหตุเก สปฺปีติเก ขนฺเธ ปฏิจฺจ ปีติ จ
จิตฺตสมุฏฺฐานญฺจ รูปํ ฯ สปฺปีติกํ ธมฺมํ ปฏิจฺจ สปฺปีติโก จ อปฺปีติโก
จ ธมฺมา อุปฺปชฺชนฺติ นเหตุปจฺจยา: อเหตุกํ สปฺปีติกํ เอกํ ขนฺธํ
ปฏิจฺจ ตโย ขนฺธา ปีติ จ จิตฺตสมุฏฺฐานญฺจ รูปํ เทฺว ขนฺเธ … ฯ
อปฺปีติกํ ธมฺมํ ปฏิจฺจ อปฺปีติโก ธมฺโม อุปฺปชฺชติ นเหตุปจฺจยา:
อเหตุกํ อปฺปีติกํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ … ปีตึ ปฏิจฺจ จิตฺตสมุฏฺฐานํ รูปํ อเหตุกปฏิสนฺธิกฺขเณ
อปฺปีติกํ เอกํ ขนฺธํ ปฏิจฺจ ตโย ขนฺธา กฏตฺตา จ
รูปํ เทฺว ขนฺเธ ปฏิจฺจ เทฺว ขนฺธา กฏตฺตา จ รูปํ ขนฺเธ
ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ ยาว
อสญฺญสตฺตาปิ วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ อปฺปีติกํ ธมฺมํ ปฏิจฺจ๘
สปฺปีติโก ธมฺโม อุปฺปชฺชติ นเหตุปจฺจยา: อเหตุกํ ปีตึ ปฏิจฺจ
สปฺปีติกา ขนฺธา ฯ มูลํ ปีตึ ปฏิจฺจ สปฺปีติกา ขนฺธา
จิตฺตสมุฏฺฐานญฺจ รูปํ ฯ สปฺปีติกญฺจ อปฺปีติกญฺจ ธมฺมํ ปฏิจฺจ
สปฺปีติโก ธมฺโม อุปฺปชฺชติ นเหตุปจฺจยา: อเหตุกํ สปฺปีติกํ
เอกํ ขนฺธญฺจ ปีติญฺจ ปฏิจฺจ ตโย ขนฺธา เทฺว ขนฺเธ … ฯ
สปฺปีติกญฺจ อปฺปีติกญฺจ ธมฺมํ ปฏิจฺจ อปฺปีติโก ธมฺโม อุปฺปชฺชติ
นเหตุปจฺจยา: อเหตุเก สปฺปีติเก ขนฺเธ จ ปีติญฺจ ปฏิจฺจ
จิตฺตสมุฏฺฐานํ รูปํ อเหตุเก สปฺปีติเก ขนฺเธ จ มหาภูเต จ ปฏิจฺจ
จิตฺตสมุฏฺฐานํ รูปํ ฯ สปฺปีติกญฺจ อปฺปีติกญฺจ ธมฺมํ ปฏิจฺจ
สปฺปีติโก จ อปฺปีติโก จ ธมฺมา อุปฺปชฺชนฺติ นเหตุปจฺจยา:
อเหตุกํ สปฺปีติกํ เอกํ ขนฺธญฺจ ปีติญฺจ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ … อเหตุกํ สปฺปีติกํ เอกํ
ขนฺธญฺจ ปีติญฺจ ปฏิจฺจ ตโย ขนฺธา เทฺว ขนฺเธ … อเหตุเก
สปฺปีติเก ขนฺเธ จ ปีติญฺจ มหาภูเต จ ปฏิจฺจ จิตฺตสมุฏฺฐานํ รูปํ ฯ

[๖๗๕] นเหตุยา นว นอารมฺมเณ ตีณิ นอธิปติยา นว
นอนนฺตเร ตีณิ ฯเปฯ นอุปนิสฺสเย ตีณิ นปุเรชาเต นว
นปจฺฉาชาเต นว นอาเสวเน นว นกมฺเม จตฺตาริ นวิปาเก เอกํ
นอาหาเร เอกํ นอินฺทฺริเย เอกํ นฌาเน เอกํ นมคฺเค นว
นสมฺปยุตฺเต ตีณิ นวิปฺปยุตฺเต ฉ โนนตฺถิยา ตีณิ โนวิคเต ตีณิ ฯ
เอวํ อิตเร เทฺว คณนาปิ สหชาตวาโรปิ กาตพฺพา ฯ
ปจฺจยวาโร

[๖๗๖] สปฺปีติกํ ธมฺมํ ปจฺจยา สปฺปีติโก ธมฺโม อุปฺปชฺชติ
เหตุปจฺจยา: ฯ สงฺขิตฺตํ ฯ ยถา สวิตกฺกทุเก อนุโลมปจฺจยวารํ
เอวํ ปวตฺติ ปฏิสนฺธิ นว ปญฺหา ปริปุณฺณา ปีติ นินฺนานากรณา ฯ

[๖๗๗] เหตุยา นว อารมฺมเณ นว อธิปติยา นว ฯเปฯ
อวิคเต นว ฯ

[๖๗๘] สปฺปีติกํ ธมฺมํ ปจฺจยา สปฺปีติโก ธมฺโม อุปฺปชฺชติ
นเหตุปจฺจยา: ตีณิ ปฏิจฺจสทิสา ฯ อปฺปีติกํ ธมฺมํ ปจฺจยา อปฺปีติโก
ธมฺโม อุปฺปชฺชติ นเหตุปจฺจยา: ฯ ปวตฺติ ปฏิสนฺธิ กาตพฺพา
ปฏิจฺจวารสทิสา ยาว อสญฺญสตฺตา ฯ จกฺขายตนํ ปจฺจยา
จกฺขุวิญฺญาณํ กายายตนํ … วตฺถุํ ปจฺจยา อเหตุกา อปฺปีติกา
ขนฺธา ปีติ จ วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ
ปจฺจยา วิจิกิจฺฉาสหคโต อุทฺธจฺจสหคโต โมโห ฯ อนุโลมสทิสา
นว ปญฺหา ปวตฺติเยว ปฏิสนฺธิ นตฺถิ เอโกเยว โมโห ฯ

[๖๗๙] นเหตุยา นว นอารมฺมเณ ตีณิ นอธิปติยา นว
นอนนฺตเร ตีณิ นอุปนิสฺสเย ตีณิ นปุเรชาเต นว นปจฺฉาชาเต
นว นอาเสวเน นว นกมฺเม นว นวิปาเก นว นอาหาเร
เอกํ นอินฺทฺริเย เอกํ นฌาเน เอกํ นมคฺเค นว นสมฺปยุตฺเต
ตีณิ นวิปฺปยุตฺเต ฉ โนนตฺถิยา ตีณิ โนวิคเต ตีณิ ฯ
เอวํ อิตเร เทฺว คณนาปิ นิสฺสยวาโรปิ กาตพฺพา ฯ
สํสฏฺฐวาโร

[๖๘๐] สปฺปีติกํ ธมฺมํ สํสฏฺโฐ สปฺปีติโก ธมฺโม อุปฺปชฺชติ
เหตุปจฺจยา: ฯ

[๖๘๑] เหตุยา ฉ อารมฺมเณ ฉ สพฺพตฺถ ฉ อวิคเต ฉ ฯ

[๖๘๒] นเหตุยา ฉ นอธิปติยา ฉ นปุเรชาเต ฉ นปจฺฉาชาเต
ฉ นอาเสวเน ฉ นกมฺเม จตฺตาริ นวิปาเก ฉ นฌาเน
เอกํ นมคฺเค ฉ นวิปฺปยุตฺเต ฉ ฯ
เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
ปญฺหาวาโร

[๖๘๓] สปฺปีติโก ธมฺโม สปฺปีติกสฺส ธมฺมสฺส เหตุปจฺจเยน
ปจฺจโย: สปฺปีติกา เหตู สมฺปยุตฺตกานํ ขนฺธานํ เหตุปจฺจเยน
ปจฺจโย ปฏิสนฺธิกฺขเณ ฯเปฯ สปฺปีติโก ธมฺโม อปฺปีติกสฺส
ธมฺมสฺส เหตุปจฺจเยน ปจฺจโย: สปฺปีติกา เหตู ปีติยา จ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิกฺขเณ ฯเปฯ
มูลํ สปฺปีติกา เหตู สมฺปยุตฺตกานํ ขนฺธานํ ปีติยา จ จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ปฏิสนฺธิกฺขเณ ฯเปฯ
อปฺปีติโก ธมฺโม อปฺปีติกสฺส ธมฺมสฺส เหตุปจฺจเยน ปจฺจโย:
อปฺปีติกา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ปฏิสนฺธิกฺขเณ ฯเปฯ