[๖๖๔] สวิตกฺโก ธมฺโม สวิตกฺกสฺส ธมฺมสฺส วิปฺปยุตฺตปจฺจเยน
ปจฺจโย: สหชาตํ ปจฺฉาชาตํ ฯ อวิตกฺโก ธมฺโม อวิตกฺกสฺส
ธมฺมสฺส วิปฺปยุตฺตปจฺจเยน ปจฺจโย: สหชาตํ ปุเรชาตํ ปจฺฉาชาตํ ฯ
อวิตกฺโก ธมฺโม สวิตกฺกสฺส ธมฺมสฺส วิปฺปยุตฺตปจฺจเยน ปจฺจโย:
สหชาตํ ปุเรชาตํ ฯ อวิตกฺโก ธมฺโม สวิตกฺกสฺส จ อวิตกฺกสฺส
จ ธมฺมสฺส วิปฺปยุตฺตปจฺจเยน ปจฺจโย: สหชาตํ ปุเรชาตํ ฯ
สหชาตํ: ปฏิสนฺธิกฺขเณ วตฺถุ วิตกฺกสฺส สมฺปยุตฺตกานญฺจ ขนฺธานํ
วิปฺปยุตฺตปจฺจเยน ปจฺจโย ฯ ปุเรชาตํ: วตฺถุ วิตกฺกสฺส
สมฺปยุตฺตกานญฺจ ขนฺธานํ วิปฺปยุตฺตปจฺจเยน ปจฺจโย ฯ สวิตกฺโก
จ อวิตกฺโก จ ธมฺมา อวิตกฺกสฺส ธมฺมสฺส วิปฺปยุตฺตปจฺจเยน
ปจฺจโย: สหชาตํ ปจฺฉาชาตํ ฯ สงฺขิตฺตํ ฯ

[๖๖๕] สวิตกฺโก ธมฺโม สวิตกฺกสฺส ธมฺมสฺส อตฺถิปจฺจเยน
ปจฺจโย: เอกํ ปฏิจฺจสทิสํ ฯ สวิตกฺโก ธมฺโม อวิตกฺกสฺส ธมฺมสฺส
อตฺถิปจฺจเยน ปจฺจโย: สหชาตํ ปจฺฉาชาตํ ฯ สงฺขิตฺตํ ฯ สวิตกฺโก
ธมฺโม สวิตกฺกสฺส จ อวิตกฺกสฺส จ ธมฺมสฺส อตฺถิปจฺจเยน ปจฺจโย:
ปฏิจฺจสทิสํ ฯ อวิตกฺโก ธมฺโม อวิตกฺกสฺส ธมฺมสฺส อตฺถิปจฺจเยน
ปจฺจโย: สหชาตํ ปุเรชาตํ ปจฺฉาชาตํ อาหารํ อินฺทฺริยํ ฯ สงฺขิตฺตํ ฯ
อวิตกฺโก ธมฺโม สวิตกฺกสฺส ธมฺมสฺส อตฺถิปจฺจเยน ปจฺจโย:
สหชาตํ ปุเรชาตํ ฯ สงฺขิตฺตํ ฯ อวิตกฺโก ธมฺโม สวิตกฺกสฺส จ
อวิตกฺกสฺส จ ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ฯ
สหชาโต: วิตกฺโก สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อตฺถิปจฺจเยน ปจฺจโย ปฏิสนฺธิกฺขเณ วิตกฺโก
สมฺปยุตฺตกานํ ขนฺธานํ กฏตฺตา จ รูปานํ อตฺถิปจฺจเยน ปจฺจโย
ปฏิสนฺธิกฺขเณ วตฺถุ วิตกฺกสฺส สมฺปยุตฺตกานญฺจ ขนฺธานํ อตฺถิปจฺจเยน
ปจฺจโย ฯ ปุเรชาตํ: จกฺขุํ … วตฺถุํ อนิจฺจโต … วิปสฺสติ
อสฺสาเทติ อภินนฺทติ ตํ อารพฺภ วิตกฺโก จ สมฺปยุตฺตกา จ
ขนฺธา อุปฺปชฺชนฺติ วตฺถุ วิตกฺกสฺส สมฺปยุตฺตกานญฺจ ขนฺธานํ
อตฺถิปจฺจเยน ปจฺจโย ฯ สวิตกฺโก จ อวิตกฺโก จ ธมฺมา
สวิตกฺกสฺส ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ฯ
สหชาโต: สวิตกฺโก เอโก ขนฺโธ จ วิตกฺโก จ ติณฺณนฺนํ ขนฺธานํ
อตฺถิปจฺจเยน ปจฺจโย เทฺว ขนฺธา … ฯ สหชาโต: สวิตกฺโก
เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย
เทฺว ขนฺธา … ปฏิสนฺธิกฺขเณ สหชาตาปิ เทฺว กาตพฺพา ฯ
สวิตกฺโก จ อวิตกฺโก จ ธมฺมา อวิตกฺกสฺส ธมฺมสฺส อตฺถิปจฺจเยน
ปจฺจโย: สหชาตํ ปุเรชาตํ ปจฺฉาชาตํ อาหารํ อินฺทฺริยํ ฯ
สหชาตา: สวิตกฺกา ขนฺธา จ วิตกฺโก จ จิตฺตสมุฏฺฐานานํ รูปานํ
อตฺถิปจฺจเยน ปจฺจโย ฯ สหชาตา: สวิตกฺกา ขนฺธา จ วตฺถุ จ
วิตกฺกสฺส อตฺถิปจฺจเยน ปจฺจโย ปฏิสนฺธิกฺขเณ ตีณิ ฯ ปจฺฉาชาตา:
สวิตกฺกา ขนฺธา จ วิตกฺโก จ ปุเรชาตสฺส อิมสฺส กายสฺส
อตฺถิปจฺจเยน ปจฺจโย ฯ ปจฺฉาชาตา: สวิตกฺกา ขนฺธา จ วิตกฺโก จ
กพฬึกาโร อาหาโร จ อิมสฺส กายสฺส อตฺถิปจฺจเยน ปจฺจโย ฯ
ปจฺฉาชาตา: สวิตกฺกา ขนฺธา จ วิตกฺโก จ รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ สวิตกฺโก จ อวิตกฺโก จ
ธมฺมา สวิตกฺกสฺส จ อวิตกฺกสฺส จ ธมฺมสฺส อตฺถิปจฺจเยน ปจฺจโย:
สหชาตํ ปุเรชาตํ ฯ สหชาโต: สวิตกฺโก เอโก ขนฺโธ จ วิตกฺโก
จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน
ปจฺจโย เทฺว ขนฺธา … ฯ สหชาโต: สวิตกฺโก เอโก ขนฺโธ จ
วตฺถุ จ ติณฺณนฺนํ ขนฺธานํ วิตกฺกสฺส จ อตฺถิปจฺจเยน ปจฺจโย
เทฺว ขนฺธา … ปฏิสนฺธิยาปิ เทฺว ฯ … นตฺถิปจฺจเยน ปจฺจโย:
วิคตปจฺจเยน ปจฺจโย: อวิคตปจฺจเยน ปจฺจโย: ฯ

[๖๖๖] เหตุยา จตฺตาริ อารมฺมเณ นว อธิปติยา นว
อนนฺตเร นว สมนนฺตเร นว สหชาเต นว อญฺญมญฺเญ
นว นิสฺสเย นว อุปนิสฺสเย นว ปุเรชาเต ตีณิ ปจฺฉาชาเต
ตีณิ อาเสวเน นว กมฺเม จตฺตาริ วิปาเก นว อาหาเร
จตฺตาริ อินฺทฺริเย จตฺตาริ ฌาเน นว มคฺเค นว สมฺปยุตฺเต
ฉ วิปฺปยุตฺเต ปญฺจ อตฺถิยา นว นตฺถิยา นว วิคเต นว
อวิคเต นว ฯ

[๖๖๗] สวิตกฺโก ธมฺโม สวิตกฺกสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย:
กมฺมปจฺจเยน ปจฺจโย: ฯ สวิตกฺโก ธมฺโม อวิตกฺกสฺส ธมฺมสฺส
อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ปจฺฉาชาตปจฺจเยน ปจฺจโย: กมฺมปจฺจเยน
ปจฺจโย: ฯ สวิตกฺโก ธมฺโม สวิตกฺกสฺส จ อวิตกฺกสฺส จ
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: กมฺมปจฺจเยน ปจฺจโย: ฯ อวิตกฺโก
ธมฺโม อวิตกฺกสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน
ปจฺจโย: ปจฺฉาชาตปจฺจเยน ปจฺจโย: กมฺมปจฺจเยน ปจฺจโย:
อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ อวิตกฺโก
ธมฺโม สวิตกฺกสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน
ปจฺจโย: ฯ อวิตกฺโก ธมฺโม สวิตกฺกสฺส จ อวิตกฺกสฺส จ
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ปุเรชาตปจฺจเยน ปจฺจโย: ฯ สวิตกฺโก
จ อวิตกฺโก จ ธมฺมา สวิตกฺกสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ
สวิตกฺโก จ อวิตกฺโก จ ธมฺมา อวิตกฺกสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ปจฺฉาชาตปจฺจเยน ปจฺจโย: ฯ สวิตกฺโก จ อวิตกฺโก จ
ธมฺมา สวิตกฺกสฺส จ อวิตกฺกสฺส จ ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ

[๖๖๘] นเหตุยา นว นอารมฺมเณ นว สพฺพตฺถ นว
โนอวิคเต นว ฯ

[๖๖๙] เหตุปจฺจยา นอารมฺมเณ จตฺตาริ ฯเปฯ … นสมนนฺตเร
จตฺตาริ นอญฺญมญฺเญ เทฺว นอุปนิสฺสเย จตฺตาริ นสมฺปยุตฺเต
เทฺว นวิปฺปยุตฺเต จตฺตาริ โนนตฺถิยา จตฺตาริ โนวิคเต จตฺตาริ ฯ

[๖๗๐] นเหตุปจฺจยา อารมฺมเณ นว … อธิปติยา นว ฯ
อนุโลมมาติกา วิตฺถาเรตพฺพา ฯ … อวิคเต นว ฯ
สวิตกฺกทุกํ นิฏฺฐิตํ ฯ
_______________
สวิจารทุกํ
ปฏิจฺจวาโร

[๖๗๑] สวิจารํ ธมฺมํ ปฏิจฺจ สวิจาโร ธมฺโม อุปฺปชฺชติ
เหตุปจฺจยา: สวิจารํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ … ปฏิสนฺธิกฺขเณ ฯเปฯ ยถา สวิตกฺกทุกํ เอวํ กาตพฺพํ
นินฺนานากรณํ อิธ มคฺเค จตฺตาริ กาตพฺพานิ สวิจารทุเก อิมํ
นานากรณํ ฯ
สวิจารทุกํ นิฏฺฐิตํ ฯ
___________________
สปฺปีติกทุกํ
ปฏิจฺจวาโร

[๖๗๒] สปฺปีติกํ ธมฺมํ ปฏิจฺจ สปฺปีติโก ธมฺโม อุปฺปชฺชติ
เหตุปจฺจยา; สปฺปีติกํ เอกํ ขนฺธํ ปฏิจฺจ ตโย ขนฺธา เทฺว ขนฺเธ …
ปฏิสนฺธิกฺขเณ ฯเปฯ สปฺปีติกํ ธมฺมํ ปฏิจฺจ อปฺปีติโก ธมฺโม
อุปฺปชฺชติ เหตุปจฺจยา: สปฺปีติเก ขนฺเธ ปฏิจฺจ ปีติ จ
จิตฺตสมุฏฺฐานญฺจ รูปํ ปฏิสนฺธิกฺขเณ ฯเปฯ สปฺปีติกํ ธมฺมํ ปฏิจฺจ
สปฺปีติโก จ อปฺปีติโก จ ธมฺมา อุปฺปชฺชนฺติ เหตุปจฺจยา: สปฺปีติกํ
เอกํ ขนฺธํ ปฏิจฺจ ตโย ขนฺธา ปีติ จ จิตฺตสมุฏฺฐานญฺจ รูปํ
เทฺว ขนฺเธ … ปฏิสนฺธิกฺขเณ ฯเปฯ อปฺปีติกํ ธมฺมํ ปฏิจฺจ
อปฺปีติโก ธมฺโม อุปฺปชฺชติ เหตุปจฺจยา: อปฺปีติกํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ ปีตึ ปฏิจฺจ จิตฺตสมุฏฺฐานํ
รูปํ ปฏิสนฺธิกฺขเณ อปฺปีติกํ เอกํ ขนฺธํ ปฏิจฺจ ตโย
ขนฺธา กฏตฺตา จ รูปํ เทฺว ขนฺเธ … ปีตึ ปฏิจฺจ กฏตฺตารูปํ
ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา ปีตึ ปฏิจฺจ วตฺถุ
วตฺถุํ ปฏิจฺจ ปีติ เอกํ มหาภูตํ ปฏิจฺจ … ฯ
ยถา สวิตกฺกทุกํ สพฺพตฺถ เอวํ สปฺปีติกทุกํ กาตพฺพํ
สพฺพตฺถ ปวตฺติ ปฏิสนฺธิ นวปิ ปญฺหา ฯ

[๖๗๓] เหตุยา นว อารมฺมเณ นว อธิปติยา นว ฯเปฯ
ปุเรชาเต ฉ กมฺเม นว วิปาเก นว อวิคเต นว ฯ