[๖๕๔] สวิตกฺกํ ธมฺมํ สํสฏฺโฐ สวิตกฺโก ธมฺโม อุปฺปชฺชติ
นเหตุปจฺจยา: ฯ เอวํ ฉ ปญฺหา กาตพฺพา อนุโลมสทิสา
อเหตุกาติ นิยาเมตพฺพา ตีณิ เยว โมโห อุทฺธริตพฺโพ ฯ

[๖๕๕] นเหตุยา ฉ นอธิปติยา ฉ นปุเรชาเต ฉ
นปจฺฉาชาเต ฉ นอาเสวเน ฉ นกมฺเม จตฺตาริ นวิปาเก ฉ
นฌาเน เอกํ นมคฺเค ฉ นวิปฺปยุตฺเต ฉ ฯ
เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
ปญฺหาวาโร

[๖๕๖] สวิตกฺโก ธมฺโม สวิตกฺกสฺส ธมฺมสฺส เหตุปจฺจเยน
ปจฺจโย: สวิตกฺกา เหตู สมฺปยุตฺตกานํ ขนฺธานํ เหตุปจฺจเยน
ปจฺจโย ปฏิสนฺธิกฺขเณ ฯเปฯ สวิตกฺโก ธมฺโม อวิตกฺกสฺส
ธมฺมสฺส เหตุปจฺจเยน ปจฺจโย: สวิตกฺกา เหตู วิตกฺกสฺส
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิกฺขเณ
ฯเปฯ มูลํ สวิตกฺกา เหตู สมฺปยุตฺตกานํ ขนฺธานํ วิตกฺกสฺส จ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิกฺขเณ
ฯเปฯ อวิตกฺโก ธมฺโม อวิตกฺกสฺส ธมฺมสฺส เหตุปจฺจเยน ปจฺจโย:
อวิตกฺกา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ปฏิสนฺธิกฺขเณ ฯเปฯ

[๖๕๗] สวิตกฺโก ธมฺโม สวิตกฺกสฺส ธมฺมสฺส อารมฺมณปจฺจเยน
ปจฺจโย: สวิตกฺเก ขนฺเธ อารพฺภ สวิตกฺกา ขนฺธา
อุปฺปชฺชนฺติ ฯ มูลํ สวิตกฺเก ขนฺเธ อารพฺภ อวิตกฺกา ขนฺธา จ
วิตกฺโก จ อุปฺปชฺชนฺติ ฯ มูลํ สวิตกฺเก ขนฺเธ อารพฺภ สวิตกฺกา
ขนฺธา จ วิตกฺโก จ อุปฺปชฺชนฺติ ฯ อวิตกฺโก ธมฺโม อวิตกฺกสฺส
ธมฺมสฺส อารมฺมณปจฺจเยน ปจฺจโย: อริยา อวิตกฺกา ฌานา
วุฏฺฐหิตฺวา อวิตกฺกํ ฌานํ ปจฺจเวกฺขนฺติ มคฺคา วุฏฺฐหิตฺวา มคฺคํ
ปจฺจเวกฺขนฺติ ผลา วุฏฺฐหิตฺวา ผลํ ปจฺจเวกฺขนฺติ นิพฺพานํ
ปจฺจเวกฺขนฺติ นิพฺพานํ อวิตกฺกสฺส มคฺคสฺส ผลสฺส วิตกฺกสฺส จ
อารมฺมณปจฺจเยน ปจฺจโย จกฺขุํ … วตฺถุํ … อวิตกฺเก ขนฺเธ จ
วิตกฺกญฺจ อนิจฺจโต … วิปสฺสนฺติ อสฺสาเทนฺติ อภินนฺทนฺติ ตํ
อารพฺภ วิตกฺโก อุปฺปชฺชติ ทิพฺเพน จกฺขุนา รูปํ ปสฺสนฺติ ทิพฺพาย
โสตธาตุยา สทฺทํ สุณนฺติ เจโตปริยญาเณน อวิตกฺกจิตฺตสมงฺคิสฺส
จิตฺตํ ชานนฺติ อากาสานญฺจายตนํ … อากิญฺจญฺญายตนํ …
รูปายตนํ จกฺขุวิญฺญาณสฺส โผฏฺฐพฺพายตนํ … อวิตกฺกา ขนฺธา
อิทฺธิวิธญาณสฺส เจโตปริยญาณสฺส ปุพฺเพนิวาสานุสฺสติญาณสฺส
ยถากมฺมุปคญาณสฺส อนาคตํสญาณสฺส วิตกฺกสฺส จ อารมฺมณปจฺจเยน
ปจฺจโย อวิตกฺเก ขนฺเธ จ วิตกฺกญฺจ อารพฺภ อวิตกฺกา ขนฺธา จ
วิตกฺโก จ อุปฺปชฺชนฺติ ฯ อวิตกฺโก ธมฺโม สวิตกฺกสฺส ธมฺมสฺส
อารมฺมณปจฺจเยน ปจฺจโย: อริยา อวิตกฺกา ฌานา วุฏฺฐหิตฺวา …
มคฺคา วุฏฺฐหิตฺวา มคฺคํ … ผลา วุฏฺฐหิตฺวา ผลํ ปจฺจเวกฺขนฺติ
นิพฺพานํ ปจฺจเวกฺขนฺติ นิพฺพานํ โคตฺรภุสฺส โวทานสฺส สวิตกฺกสฺส
มคฺคสฺส ผลสฺส อาวชฺชนาย อารมฺมณปจฺจเยน ปจฺจโย จกฺขุํ …
วตฺถุํ … อวิตกฺเก ขนฺเธ จ วิตกฺกญฺจ อนิจฺจโต … วิปสฺสนฺติ
อสฺสาเทนฺติ อภินนฺทนฺติ ตํ อารพฺภ ราโค อุปฺปชฺชติ ฯเปฯ
โทมนสฺสํ อุปฺปชฺชติ อวิตกฺเก ขนฺเธ จ วิตกฺกญฺจ อารพฺภ
สวิตกฺกา ขนฺธา อุปฺปชฺชนฺติ ฯ อวิตกฺโก ธมฺโม สวิตกฺกสฺส จ
อวิตกฺกสฺส จ ธมฺมสฺส อารมฺมณปจฺจเยน ปจฺจโย: อริยา
อวิตกฺกา ฌานา วุฏฺฐหิตฺวา … มคฺคา วุฏฺฐหิตฺวา มคฺคํ ปจฺจเวกฺขนฺติ
ผลา วุฏฺฐหิตฺวา ผลํ ปจฺจเวกฺขนฺติ นิพฺพานํ ปจฺจเวกฺขนฺติ นิพฺพานํ
โคตฺรภุสฺส โวทานสฺส สวิตกฺกสฺส มคฺคสฺส ผลสฺส อาวชฺชนาย
วิตกฺกสฺส จ อารมฺมณปจฺจเยน ปจฺจโย จกฺขุํ … วตฺถุํ … อวิตกฺเก
ขนฺเธ จ วิตกฺกญฺจ อนิจฺจโต … วิปสฺสนฺติ อสฺสาเทนฺติ อภินนฺทนฺติ
ตํ อารพฺภ สวิตกฺกา ขนฺธา จ วิตกฺโก จ อุปฺปชฺชนฺติ อวิตกฺเก
ขนฺเธ จ วิตกฺกญฺจ อารพฺภ สวิตกฺกา ขนฺธา จ วิตกฺโก จ
อุปฺปชฺชนฺติ ฯ สวิตกฺโก จ อวิตกฺโก จ ธมฺมา สวิตกฺกสฺส
ธมฺมสฺส อารมฺมณปจฺจเยน ปจฺจโย: สวิตกฺเก ขนฺเธ จ วิตกฺกญฺจ
อารพฺภ สวิตกฺกา ขนฺธา อุปฺปชฺชนฺติ ฯ มูลํ สวิตกฺเก ขนฺเธ
จ วิตกฺกญฺจ อารพฺภ อวิตกฺกา ขนฺธา จ วิตกฺโก จ อุปฺปชฺชนฺติ ฯ
มูลํ สวิตกฺเก ขนฺเธ จ วิตกฺกญฺจ อารพฺภ สวิตกฺกา ขนฺธา จ
วิตกฺโก จ อุปฺปชฺชนฺติ ฯ

[๖๕๘] สวิตกฺโก ธมฺโม สวิตกฺกสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ: สวิตกฺเก
ขนฺเธ ครุํ กตฺวา สวิตกฺกา ขนฺธา อุปฺปชฺชนฺติ ฯ สหชาตาธิปติ:
สวิตกฺกา อธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
สวิตกฺโก ธมฺโม อวิตกฺกสฺส ธมฺมสฺส อธิปติปจฺจเยน ปจฺจโย:
อารมฺมณาธิปติ สหชาตาธิปติ ฯ อารมฺมณาธิปติ: สวิตกฺเก ขนฺเธ
ครุํ กตฺวา วิตกฺโก อุปฺปชฺชติ ฯ สหชาตาธิปติ: สวิตกฺกา อธิปติ
วิตกฺกสฺส จ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
สวิตกฺโก ธมฺโม สวิตกฺกสฺส จ อวิตกฺกสฺส จ ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ:
สวิตกฺเก ขนฺเธ ครุํ กตฺวา สวิตกฺกา ขนฺธา จ วิตกฺโก จ
อุปฺปชฺชนฺติ ฯ สหชาตาธิปติ: สวิตกฺกา อธิปติ สมฺปยุตฺตกานํ
ขนฺธานํ วิตกฺกสฺส จ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ อวิตกฺโก ธมฺโม อวิตกฺกสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ: อริยา
อวิตกฺกา ฌานา วุฏฺฐหิตฺวา … มคฺคา วุฏฺฐหิตฺวา มคฺคํ … ผลา
วุฏฺฐหิตฺวา ผลํ ครุํ กตฺวา ปจฺจเวกฺขนฺติ นิพฺพานํ ครุํ กตฺวา
ปจฺจเวกฺขนฺติ นิพฺพานํ อวิตกฺกสฺส มคฺคสฺส ผลสฺส วิตกฺกสฺส จ
อธิปติปจฺจเยน ปจฺจโย จกฺขุํ … วตฺถุํ … อวิตกฺเก ขนฺเธ จ
วิตกฺกญฺจ ครุํ กตฺวา อสฺสาเทนฺติ อภินนฺทนฺติ ตํ ครุํ กตฺวา วิตกฺโก
อุปฺปชฺชติ ฯ สหชาตาธิปติ: อวิตกฺกา อธิปติ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย อวิตกฺเก
ขนฺเธ จ วิตกฺกญฺจ ครุํ กตฺวา วิตกฺโก อุปฺปชฺชติ ฯ อวิตกฺโก ธมฺโม
สวิตกฺกสฺส ธมฺมสฺส อธิปติปจฺจเยน ปจฺจโย: อารมฺมณาธิปติ:
อริยา อวิตกฺกา ฌานา วุฏฺฐหิตฺวา ฌานํ … มคฺคา วุฏฺฐหิตฺวา
มคฺคํ … ผลา วุฏฺฐหิตฺวา ผลํ ครุํ กตฺวา ปจฺจเวกฺขนฺติ นิพฺพานํ
ครุํ กตฺวา ปจฺจเวกฺขนฺติ นิพฺพานํ โคตฺรภุสฺส โวทานสฺส สวิตกฺกสฺส
มคฺคสฺส ผลสฺส อธิปติปจฺจเยน ปจฺจโย จกฺขุํ … วตฺถุํ … อวิตกฺเก
ขนฺเธ จ วิตกฺกญฺจ ครุํ กตฺวา อสฺสาเทนฺติ อภินนฺทนฺติ ตํ ครุํ
กตฺวา ราโค อุปฺปชฺชติ ทิฏฺฐิ อุปฺปชฺชติ อวิตกฺเก ขนฺเธ จ
วิตกฺกญฺจ ครุํ กตฺวา สวิตกฺกา ขนฺธา อุปฺปชฺชนฺติ ฯ อวิตกฺโก ธมฺโม
สวิตกฺกสฺส จ อวิตกฺกสฺส จ ธมฺมสฺส อธิปติปจฺจเยน ปจฺจโย:
อารมฺมณาธิปติ: อริยา อวิตกฺกา ฌานา วุฏฺฐหิตฺวา … ผลา
วุฏฺฐหิตฺวา ผลํ ปจฺจเวกฺขนฺติ นิพฺพานํ ปจฺจเวกฺขนฺติ นิพฺพานํ
โคตฺรภุสฺส โวทานสฺส สวิตกฺกสฺส มคฺคสฺส ผลสฺส วิตกฺกสฺส จ
อธิปติปจฺจเยน ปจฺจโย จกฺขุํ … วตฺถุํ … อวิตกฺเก ขนฺเธ จ
วิตกฺกญฺจ ครุํ กตฺวา อสฺสาเทนฺติ อภินนฺทนฺติ ตํ ครุํ กตฺวา
ราโค อุปฺปชฺชติ ทิฏฺฐิ อุปฺปชฺชติ อวิตกฺเก ขนฺเธ จ วิตกฺกญฺจ
ครุํ กตฺวา สวิตกฺกา ขนฺธา จ วิตกฺโก จ อุปฺปชฺชนฺติ ฯ สวิตกฺโก จ
อวิตกฺโก จ ธมฺมา สวิตกฺกสฺส ธมฺมสฺส อธิปติปจฺจเยน ปจฺจโย:
อารมฺมณาธิปติ: สวิตกฺเก ขนฺเธ จ วิตกฺกญฺจ ครุํ กตฺวา
สวิตกฺกา ขนฺธา อุปฺปชฺชนฺติ ฯ มูลํ สวิตกฺเก ขนฺเธ จ วิตกฺกญฺจ
ครุํ กตฺวา วิตกฺโก อุปฺปชฺชติ ฯ มูลํ สวิตกฺเก ขนฺเธ จ
วิตกฺกญฺจ ครุํ กตฺวา สวิตกฺกา ขนฺธา จ วิตกฺโก จ อุปฺปชฺชนฺติ ฯ

[๖๕๙] สวิตกฺโก ธมฺโม สวิตกฺกสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา สวิตกฺกา ขนฺธา ปจฺฉิมานํ ปจฺฉิมานํ
สวิตกฺกานํ ขนฺธานํ อนนฺตรปจฺจเยน ปจฺจโย ฯ สวิตกฺโก ธมฺโม
อวิตกฺกสฺส ธมฺมสฺส อนนฺตรปจฺจเยน ปจฺจโย: ปุริมา ปุริมา
สวิตกฺกา ขนฺธา ปจฺฉิมสฺส ปจฺฉิมสฺส อวิตกฺกสฺส อนนฺตรปจฺจเยน
ปจฺจโย สวิตกฺกํ จุติจิตฺตํ อวิตกฺกสฺส อุปปตฺติจิตฺตสฺส อนนฺตรปจฺจเยน
ปจฺจโย อาวชฺชนา ปญฺจนฺนํ วิญฺญาณานํ อนนฺตรปจฺจเยน
ปจฺจโย สวิตกฺกา ขนฺธา อวิตกฺกสฺส วุฏฺฐานสฺส อนนฺตรปจฺจเยน
ปจฺจโย ทุติยสฺส ฌานสฺส ปริกมฺมํ ทุติยสฺส ฌานสฺส
อนนฺตรปจฺจเยน ปจฺจโย ตติยสฺส ฌานสฺส ปริกมฺมํ ฯเปฯ
เนวสญฺญานาสญฺญายตนสฺส ปริกมฺมํ เนวสญฺญานาสญฺญายตนสฺส
ทิพฺพสฺส จกฺขุสฺส ปริกมฺมํ … ทิพฺพาย โสตธาตุยา ปริกมฺมํ …
อิทฺธิวิธญาณสฺส ปริกมฺมํ … เจโตปริยญาณสฺส … ปุพฺเพนิวาสา-
*นุสฺสติญาณสฺส … ยถากมฺมุปคญาณสฺส ปริกมฺมํ ยถากมฺมุปคญาณสฺส
อนาคตํสญาณสฺส ปริกมฺมํ อนาคตํสญาณสฺส อนนฺตรปจฺจเยน
ปจฺจโย โคตฺรภุ อวิตกฺกสฺส มคฺคสฺส โวทานํ อวิตกฺกสฺส
มคฺคสฺส อนุโลมํ อวิตกฺกาย ผลสมาปตฺติยา อนนฺตรปจฺจเยน
ปจฺจโย ฯ สวิตกฺโก ธมฺโม สวิตกฺกสฺส จ อวิตกฺกสฺส จ ธมฺมสฺส
อนนฺตรปจฺจเยน ปจฺจโย: ปุริมา ปุริมา สวิตกฺกา ขนฺธา ปจฺฉิมานํ
ปจฺฉิมานํ สวิตกฺกานํ ขนฺธานํ วิตกฺกสฺส จ อนนฺตรปจฺจเยน
ปจฺจโย ฯ อวิตกฺโก ธมฺโม อวิตกฺกสฺส ธมฺมสฺส อนนฺตรปจฺจเยน
ปจฺจโย: ปุริโม ปุริโม วิตกฺโก ปจฺฉิมสฺส ปจฺฉิมสฺส วิตกฺกสฺส
อนนฺตรปจฺจเยน ปจฺจโย ปุริมา ปุริมา อวิตกฺกา ขนฺธา
ปจฺฉิมานํ ปจฺฉิมานํ อวิตกฺกานํ ขนฺธานํ อนนฺตรปจฺจเยน ปจฺจโย
อวิตกฺโก มคฺโค อวิตกฺกสฺส ผลสฺส อวิตกฺกํ ผลํ อวิตกฺกสฺส
ผลสฺส นิโรธา วุฏฺฐหนฺตสฺส เนวสญฺญานาสญฺญายตนํ อวิตกฺกาย
ผลสมาปตฺติยา อนนฺตรปจฺจเยน ปจฺจโย ฯ อวิตกฺโก ธมฺโม
สวิตกฺกสฺส ธมฺมสฺส อนนฺตรปจฺจเยน ปจฺจโย: ปุริมา ปุริมา
อวิตกฺกา ขนฺธา ปจฺฉิมานํ ปจฺฉิมานํ สวิตกฺกานํ ขนฺธานํ อนนฺตรปจฺจเยน
ปจฺจโย อวิตกฺกํ จุติจิตฺตํ สวิตกฺกสฺส อุปปตฺติจิตฺตสฺส
อวิตกฺกํ ภวงฺคํ อาวชฺชนาย อวิตกฺกา ขนฺธา สวิตกฺกสฺส
วุฏฺฐานสฺส อนนฺตรปจฺจเยน ปจฺจโย ฯ อวิตกฺโก ธมฺโม สวิตกฺกสฺส
จ อวิตกฺกสฺส จ ธมฺมสฺส อนนฺตรปจฺจเยน ปจฺจโย: ปุริโม
ปุริโม วิตกฺโก ปจฺฉิมานํ ปจฺฉิมานํ สวิตกฺกานํ ขนฺธานํ วิตกฺกสฺส
จ อนนฺตรปจฺจเยน ปจฺจโย ฯ สวิตกฺโก จ อวิตกฺโก จ ธมฺมา
สวิตกฺกสฺส ธมฺมสฺส อนนฺตรปจฺจเยน ปจฺจโย: ปุริมา ปุริมา
สวิตกฺกา ขนฺธา จ วิตกฺโก จ ปจฺฉิมานํ ปจฺฉิมานํ สวิตกฺกานํ
ขนฺธานํ อนนฺตรปจฺจเยน ปจฺจโย ฯ สวิตกฺโก จ อวิตกฺโก จ
ธมฺมา อวิตกฺกสฺส ธมฺมสฺส อนนฺตรปจฺจเยน ปจฺจโย: ปุริมา
ปุริมา สวิตกฺกา ขนฺธา จ วิตกฺโก จ ปจฺฉิมสฺส ปจฺฉิมสฺส
วิตกฺกสฺส อนนฺตรปจฺจเยน ปจฺจโย สวิตกฺกํ จุติจิตฺตญฺจ วิตกฺโก
จ อวิตกฺกสฺส อุปปตฺติจิตฺตสฺส อาวชฺชนา จ วิตกฺโก จ
ปญฺจนฺนํ วิญฺญาณานํ สวิตกฺกา ขนฺธา จ วิตกฺโก จ อวิตกฺกสฺส
วุฏฺฐานสฺส อนนฺตรปจฺจเยน ปจฺจโย ทุติยสฺส ฌานสฺส ปริกมฺมญฺจ
วิตกฺโก จ ฯเปฯ เหฏฺฐาลิขิตเลขํ อิมินา การเณน ทฏฺฐพฺพํ ฯ
อนุโลมญฺจ วิตกฺโก จ อวิตกฺกาย ผลสมาปตฺติยา อนนฺตรปจฺจเยน
ปจฺจโย ฯ สวิตกฺโก จ อวิตกฺโก จ ธมฺมา สวิตกฺกสฺส จ อวิตกฺกสฺส
จ ธมฺมสฺส อนนฺตรปจฺจเยน ปจฺจโย: ปุริมา ปุริมา สวิตกฺกา
ขนฺธา จ วิตกฺโก จ ปจฺฉิมานํ ปจฺฉิมานํ สวิตกฺกานํ ขนฺธานํ
วิตกฺกสฺส จ อนนฺตรปจฺจเยน ปจฺจโย ฯ … สมนนฺตรปจฺจเยน
ปจฺจโย: สหชาตปจฺจเยน ปจฺจโย: นว อญฺญมญฺญปจฺจเยน
ปจฺจโย: นว นิสฺสยปจฺจเยน ปจฺจโย: นว ฯ

[๖๖๐] สวิตกฺโก ธมฺโม สวิตกฺกสฺส ธมฺมสฺส อุปนิสฺสยปจฺจเยน
ปจฺจโย: อารมฺมณูปนิสฺสโย อนนฺตรูปนิสฺสโย ปกตูปนิสฺสโย
ฯเปฯ ปกตูปนิสฺสโย: สวิตกฺกา ขนฺธา สวิตกฺกานํ ขนฺธานํ
อุปนิสฺสยปจฺจเยน ปจฺจโย ฯ มูลํ สวิตกฺกา ขนฺธา อวิตกฺกานํ ขนฺธานํ
วิตกฺกสฺส จ อุปนิสฺสยปจฺจเยน ปจฺจโย ฯ มูลํ สวิตกฺกา ขนฺธา
สวิตกฺกานํ ขนฺธานํ วิตกฺกสฺส จ อุปนิสฺสยปจฺจเยน ปจฺจโย ฯ อวิตกฺโก
ธมฺโม อวิตกฺกสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
อวิตกฺกํ สทฺธํ อุปนิสฺสาย อวิตกฺกํ ฌานํ อุปฺปาเทติ มคฺคํ อุปฺปาเทติ
อภิญฺญํ อุปฺปาเทติ สมาปตฺตึ อุปฺปาเทติ อวิตกฺกํ สีลํ ฯเปฯ
ปญฺญํ … กายิกํ สุขํ กายิกํ ทุกฺขํ อุตุํ โภชนํ … เสนาสนํ
วิตกฺกํ อุปนิสฺสาย อวิตกฺกํ ฌานํ … มคฺคํ … อภิญฺญํ … สมาปตฺตึ
อุปฺปาเทติ อวิตกฺกา สทฺธา ฯเปฯ เสนาสนํ วิตกฺโก จ อวิตกฺกาย
สทฺธาย ฯเปฯ ปญฺญาย กายิกสฺส สุขสฺส กายิกสฺส ทุกฺขสฺส
อวิตกฺกสฺส มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
อวิตกฺโก ธมฺโม สวิตกฺกสฺส ธมฺมสฺส อุปนิสฺสยปจฺจเยน ปจฺจโย: ฯ
ตีณิปิ อุปนิสฺสยา สพฺพตฺถ กาตพฺพา ฯ อวิตกฺกํ สทฺธํ อุปนิสฺสาย
ทานํ เทติ สีลํ สมาทิยติ อุโปสถกมฺมํ กโรติ สวิตกฺกํ ฌานํ …
วิปสฺสนํ มคฺคํ อภิญฺญํ … สมาปตฺตึ อุปฺปาเทติ มานํ ชปฺเปติ
ทิฏฺฐึ คณฺหาติ อวิตกฺกํ สีลํ ฯเปฯ เสนาสนํ วิตกฺกํ อุปนิสฺสาย
ทานํ เทติ ฯเปฯ สมาปตฺตึ อุปฺปาเทติ ปาณํ หนติ ฯเปฯ
สงฺฆํ ภินฺทติ อวิตกฺกา สทฺธา ฯเปฯ เสนาสนํ วิตกฺโก จ
สวิตกฺกาย สทฺธาย ฯเปฯ ปญฺญาย ราคสฺส ปตฺถนาย สวิตกฺกสฺส
มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ อวิตกฺโก
ธมฺโม สวิตกฺกสฺส จ อวิตกฺกสฺส จ ธมฺมสฺส อุปนิสฺสยปจฺจเยน
ปจฺจโย: อวิตกฺกํ สทฺธํ อุปนิสฺสาย ทานํ เทติ ฯเปฯ ทุติยวาเร
ลิขิตปทา สพฺเพ กาตพฺพา ฯ สมาปตฺตึ อุปฺปาเทติ มานํ ชปฺเปติ
ทิฏฺฐึ คณฺหาติ สีลํ … ปญฺญํ … เสนาสนํ วิตกฺกํ อุปนิสฺสาย
ทานํ เทติ ฯเปฯ ปาณํ หนติ ฯเปฯ สงฺฆํ ภินฺทติ อวิตกฺกา
สทฺธา ฯเปฯ เสนาสนํ วิตกฺโก จ สวิตกฺกาย สทฺธาย ฯเปฯ
ปญฺญาย ราคสฺส ปตฺถนาย สวิตกฺกสฺส มคฺคสฺส ผลสมาปตฺติยา
วิตกฺกสฺส จ อุปนิสฺสยปจฺจเยน ปจฺจโย ฯ สวิตกฺโก จ อวิตกฺโก
จ ธมฺมา สวิตกฺกสฺส ธมฺมสฺส อุปนิสฺสยปจฺจเยน ปจฺจโย: สวิตกฺกา
ขนฺธา จ วิตกฺโก จ สวิตกฺกานํ ขนฺธานํ อุปนิสฺสยปจฺจเยน
ปจฺจโย ฯ มูลํ สวิตกฺกา ขนฺธา จ วิตกฺโก จ อวิตกฺกานํ
ขนฺธานํ วิตกฺกสฺส จ อุปนิสฺสยปจฺจเยน ปจฺจโย ฯ มูลํ สวิตกฺกา
ขนฺธา จ วิตกฺโก จ สวิตกฺกานํ ขนฺธานํ วิตกฺกสฺส จ
อุปนิสฺสยปจฺจเยน ปจฺจโย ฯ

[๖๖๑] อวิตกฺโก ธมฺโม อวิตกฺกสฺส ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ … วตฺถุํ อนิจฺจโต … วิปสฺสติ อสฺสาเทติ อภินนฺทติ ตํ
อารพฺภ วิตกฺโก อุปฺปชฺชติ ทิพฺเพน ฯเปฯ โผฏฺฐพฺพายตนํ
กายวิญฺญาณสฺส ฯ วตฺถุปุเรชาตํ: จกฺขายตนํ จกฺขุวิญฺญาณสฺส
กายายตนํ … วตฺถุ อวิตกฺกานํ ขนฺธานํ วิตกฺกสฺส จ
ปุเรชาตปจฺจเยน ปจฺจโย ฯ อวิตกฺโก ธมฺโม สวิตกฺกสฺส ธมฺมสฺส
ปุเรชาตปจฺจเยน ปจฺจโย: อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ … วตฺถุํ อนิจฺจโต … วิปสฺสติ อสฺสาเทติ
อภินนฺทติ ตํ อารพฺภ สวิตกฺกา ขนฺธา อุปฺปชฺชนฺติ ฯ วตฺถุปุเรชาตํ:
วตฺถุ สวิตกฺกานํ ขนฺธานํ ปุเรชาตปจฺจเยน ปจฺจโย ฯ
อวิตกฺโก ธมฺโม สวิตกฺกสฺส จ อวิตกฺกสฺส จ ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ … วตฺถุํ อนิจฺจโต … วิปสฺสติ อสฺสาเทติ อภินนฺทติ
ตํ อารพฺภ สวิตกฺกา ขนฺธา จ วิตกฺโก จ อุปฺปชฺชนฺติ ฯ
วตฺถุปุเรชาตํ: วตฺถุ สวิตกฺกานํ ขนฺธานํ วิตกฺกสฺส จ
ปุเรชาตปจฺจเยน ปจฺจโย ฯ

[๖๖๒] สวิตกฺโก ธมฺโม อวิตกฺกสฺส ธมฺมสฺส ปจฺฉาชาตปจฺจเยน
ปจฺจโย: ตีณิ ปจฺฉาชาตา ฯ … อาเสวนปจฺจเยน ปจฺจโย: นว ฯ

[๖๖๓] สวิตกฺโก ธมฺโม สวิตกฺกสฺส ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สหชาตา: สวิตกฺกา เจตนา
สมฺปยุตฺตกานํ ขนฺธานํ กมฺมปจฺจเยน ปจฺจโย ฯ นานาขณิกา:
สวิตกฺกา เจตนา วิปากานํ สวิตกฺกานํ ขนฺธานํ กมฺมปจฺจเยน
ปจฺจโย ฯ เอวํ จตฺตาริ สหชาตาปิ นานาขณิกาปิ กาตพฺพา ฯ
… วิปากปจฺจเยน ปจฺจโย: นว อาหารปจฺจเยน ปจฺจโย: จตฺตาริ
อินฺทฺริยปจฺจเยน ปจฺจโย: จตฺตาริ ฌานปจฺจเยน ปจฺจโย: นว
มคฺคปจฺจเยน ปจฺจโย: นว สมฺปยุตฺตปจฺจเยน ปจฺจโย: ฉ ฯ