[๖๑๔] ทสฺสเนนปหาตพฺพเหตุกํ ธมฺมํ สํสฏฺโฐ ทสฺสเนนปหาตพฺพเหตุโก
ธมฺโม อุปฺปชฺชติ เหตุปจฺจยา: ทสฺสเนนปหาตพฺพเหตุกํ
เอกํ ขนฺธํ สํสฏฺฐา ตโย ขนฺธา เทฺว ขนฺเธ … ฯ
นทสฺสเนนปหาตพฺพเหตุกํ ธมฺมํ สํสฏฺโฐ นทสฺสเนนปหาตพฺพเหตุโก ธมฺโม
อุปฺปชฺชติ เหตุปจฺจยา: นทสฺสเนนปหาตพฺพเหตุกํ เอกํ ขนฺธํ
สํสฏฺฐา ตโย ขนฺธา เทฺว ขนฺเธ … ปฏิสนฺธิกฺขเณ ฯเปฯ
นทสฺสเนนปหาตพฺพเหตุกํ ธมฺมํ สํสฏฺโฐ ทสฺสเนนปหาตพฺพเหตุโก
ธมฺโม อุปฺปชฺชติ เหตุปจฺจยา: วิจิกิจฺฉาสหคตํ โมหํ สํสฏฺฐา
สมฺปยุตฺตกา ขนฺธา ฯ ทสฺสเนนปหาตพฺพเหตุกญฺจ นทสฺสเนนปหาตพฺพเหตุกญฺจ
ธมฺมํ สํสฏฺโฐ ทสฺสเนนปหาตพฺพเหตุโก ธมฺโม
อุปฺปชฺชติ เหตุปจฺจยา: วิจิกิจฺฉาสหคตํ เอกํ ขนฺธญฺจ โมหญฺจ
สํสฏฺฐา ตโย ขนฺธา เทฺว ขนฺเธ … ฯ

[๖๑๕] ทสฺสเนนปหาตพฺพเหตุกํ ธมฺมํ สํสฏฺโฐ ทสฺสเนนปหาตพฺพเหตุโก
ธมฺโม อุปฺปชฺชติ อารมฺมณปจฺจยา: ตีณิ ปฏิจฺจสทิสา ฯ
นทสฺสเนนปหาตพฺพเหตุกํ ธมฺมํ สํสฏฺโฐ นทสฺสเนนปหาตพฺพเหตุโก
ธมฺโม อุปฺปชฺชติ อารมฺมณปจฺจยา: นทสฺสเนนปหาตพฺพเหตุกํ
เอกํ ขนฺธํ สํสฏฺฐา ตโย ขนฺธา เทฺว ขนฺเธ … ฯ
นทสฺสเนนปหาตพฺพเหตุกํ ธมฺมํ สํสฏฺโฐ ทสฺสเนนปหาตพฺพเหตุโก ธมฺโม
อุปฺปชฺชติ อารมฺมณปจฺจยา: ปฏิจฺจสทิสํ ฯ ทสฺสเนนปหาตพฺพเหตุกญฺจ
นทสฺสเนนปหาตพฺพเหตุกญฺจ ธมฺมํ สํสฏฺโฐ ทสฺสเนนปหาตพฺพเหตุโก
ธมฺโม อุปฺปชฺชติ อารมฺมณปจฺจยา: ปฏิจฺจสทิสํ ฯ
สงฺขิตฺตํ ฯ

[๖๑๖] เหตุยา จตฺตาริ อารมฺมเณ ฉ อธิปติยา เทฺว
อนนฺตเร ฉ สพฺพตฺถ ฉ วิปาเก เอกํ อวิคเต ฉ ฯ

[๖๑๗] ทสฺสเนนปหาตพฺพเหตุกํ ธมฺมํ สํสฏฺโฐ
นทสฺสเนนปหาตพฺพเหตุโก
ธมฺโม อุปฺปชฺชติ นเหตุปจฺจยา: วิจิกิจฺฉาสหคเต
ขนฺเธ สํสฏฺโฐ วิจิกิจฺฉาสหคโต โมโห ฯ นทสฺสเนนปหาตพฺพเหตุกํ
ธมฺมํ สํสฏฺโฐ นทสฺสเนนปหาตพฺพเหตุโก ธมฺโม อุปฺปชฺชติ
นเหตุปจฺจยา: อเหตุกํ นทสฺสเนนปหาตพฺพเหตุกํ เอกํ ขนฺธํ สํสฏฺฐา
ตโย ขนฺธา เทฺว ขนฺเธ … อเหตุกปฏิสนฺธิกฺขเณ อุทฺธจฺจสหคเต
ขนฺเธ สํสฏฺโฐ อุทฺธจฺจสหคโต โมโห ฯ

[๖๑๘] นเหตุยา เทฺว นอธิปติยา ฉ นปุเรชาเต ฉ นปจฺฉาชาเต
ฉ นอาเสวเน ฉ นกมฺเม จตฺตาริ นวิปาเก ฉ นฌาเน
เอกํ นมคฺเค เอกํ นวิปฺปยุตฺเต ฉ ฯ

[๖๑๙] เหตุปจฺจยา นอธิปติยา จตฺตาริ … นปุเรชาเต จตฺตาริ
ฯเปฯ นวิปฺปยุตฺเต จตฺตาริ ฯ

[๖๒๐] นเหตุปจฺจยา อารมฺมเณ เทฺว … อนนฺตเร เทฺว วิปาเก
เอกํ อวิคเต เทฺว ฯ
สมฺปยุตฺตวาโร สํสฏฺฐวารสทิโส ฯ
ปญฺหาวาโร

[๖๒๑] ทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส)
ธมฺมสฺส เหตุปจฺจเยน ปจฺจโย: ทสฺสเนนปหาตพฺพเหตุกา
เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ มูลํ
ทสฺสเนนปหาตพฺพเหตุกา เหตู จิตฺตสมุฏฺฐานานํ รูปานํ เหตุปจฺจเยน
ปจฺจโย ฯ มูลํ ทสฺสเนนปหาตพฺพเหตุกา เหตู สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
นทสฺสเนนปหาตพฺพเหตุโก ธมฺโม นทสฺสเนนปหาตพฺพเหตุกสฺส
ธมฺมสฺส เหตุปจฺจเยน ปจฺจโย: นทสฺสเนนปหาตพฺพเหตุกา เหตู
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน
ปจฺจโย วิจิกิจฺฉาสหคโต โมโห จิตฺตสมุฏฺฐานานํ รูปานํ เหตุปจฺจเยน
ปจฺจโย ปฏิสนฺธิกฺขเณ ฯเปฯ มูลํ วิจิกิจฺฉาสหคโต โมโห
สมฺปยุตฺตกานํ ขนฺธานํ เหตุปจฺจเยน ปจฺจโย ฯ มูลํ วิจิกิจฺฉาสหคโต
โมโห สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ฯ

[๖๒๒] ทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส
ธมฺมสฺส อารมฺมณปจฺจเยน ปจฺจโย: ทสฺสเนนปหาตพฺพเหตุเก
ขนฺเธ อารพฺภ ทสฺสเนนปหาตพฺพเหตุกา ขนฺธา อุปฺปชฺชนฺติ ฯ
มูลํ ทสฺสเนนปหาตพฺพเหตุเก ขนฺเธ อารพฺภ นทสฺสเนนปหาตพฺพเหตุกา
ขนฺธา จ โมโห จ อุปฺปชฺชนฺติ ฯ มูลํ ทสฺสเนนปหาตพฺพเหตุเก
ขนฺเธ อารพฺภ วิจิกิจฺฉาสหคตา ขนฺธา จ โมโห จ
อุปฺปชฺชนฺติ ฯ นทสฺสเนนปหาตพฺพเหตุโก ธมฺโม นทสฺสเนนปหาตพฺพเหตุกสฺส
ธมฺมสฺส อารมฺมณปจฺจเยน ปจฺจโย: ทานํ …
สีลํ … อุโปสถกมฺมํ กตฺวา ตํ ปจฺจเวกฺขติ อสฺสาเทติ อภินนฺทติ
ตํ อารพฺภ นทสฺสเนนปหาตพฺพเหตุโก ราโค อุปฺปชฺชติ อุทฺธจฺจํ …
นทสฺสเนนปหาตพฺพเหตุกํ โทมนสฺสํ อุปฺปชฺชติ ปุพฺเพ
สุจิณฺณานิ … ฌานา วุฏฺฐหิตฺวา ฯเปฯ อริยา มคฺคา วุฏฺฐหิตฺวา
มคฺคํ ปจฺจเวกฺขนฺติ ฯเปฯ อาวชฺชนาย อารมฺมณปจฺจเยน ปจฺจโย
อริยา นทสฺสเนนปหาตพฺพเหตุเก ปหีเน กิเลเส ปจฺจเวกฺขนฺติ
วิกฺขมฺภิเต กิเลเส … ปุพฺเพ สมุทาจิณฺเณ กิเลเส ชานนฺติ จกฺขุํ …
วตฺถุํ … นทสฺสเนนปหาตพฺพเหตุเก ขนฺเธ จ โมหญฺจ อนิจฺจโต …
วิปสฺสนฺติ อสฺสาเทนฺติ อภินนฺทนฺติ ตํ อารพฺภ นทสฺสเนนปหาตพฺพเหตุโก
ราโค อุปฺปชฺชติ อุทฺธจฺจํ … นทสฺสเนนปหาตพฺพเหตุกํ
โทมนสฺสํ อุปฺปชฺชติ ทิพฺเพน จกฺขุนา รูปํ ฯเปฯ อนาคตํสญาณสฺส
อาวชฺชนาย โมหสฺส จ อารมฺมณปจฺจเยน ปจฺจโย ฯ
นทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส ธมฺมสฺส
อารมฺมณปจฺจเยน ปจฺจโย: ทานํ ฯเปฯ ฌานํ … จกฺขุํ … วตฺถุํ …
นทสฺสเนนปหาตพฺพเหตุเก ขนฺเธ จ โมหญฺจ อสฺสาเทติ อภินนฺทติ
ตํ อารพฺภ ทสฺสเนนปหาตพฺพเหตุโก ราโค อุปฺปชฺชติ ทิฏฺฐิ …
วิจิกิจฺฉา … ทสฺสเนนปหาตพฺพเหตุกํ โทมนสฺสํ อุปฺปชฺชติ ฯ
นทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส จ
นทสฺสเนนปหาตพฺพเหตุกสฺส จ ธมฺมสฺส อารมฺมณปจฺจเยน ปจฺจโย:
จกฺขุํ … วตฺถุํ … นทสฺสเนนปหาตพฺพเหตุเก ขนฺเธ จ โมหญฺจ
อารพฺภ วิจิกิจฺฉาสหคตา ขนฺธา จ โมโห จ อุปฺปชฺชนฺติ ฯ
ทสฺสเนนปหาตพฺพเหตุโก จ นทสฺสเนนปหาตพฺพเหตุโก จ ธมฺมา
ทสฺสเนนปหาตพฺพเหตุกสฺส ธมฺมสฺส อารมฺมณปจฺจเยน ปจฺจโย:
วิจิกิจฺฉาสหคเต ขนฺเธ จ โมหญฺจ อารพฺภ ทสฺสเนนปหาตพฺพเหตุกา
ขนฺธา อุปฺปชฺชนฺติ ฯ มูลํ วิจิกิจฺฉาสหคเต ขนฺเธ จ โมหญฺจ
อารพฺภ นทสฺสเนนปหาตพฺพเหตุกา ขนฺธา จ โมโห จ อุปฺปชฺชนฺติ ฯ
มูลํ วิจิกิจฺฉาสหคเต ขนฺเธ จ โมหญฺจ อารพฺภ วิจิกิจฺฉาสหคตา
ขนฺธา จ โมโห จ อุปฺปชฺชนฺติ ฯ

[๖๒๓] ทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทสฺสเนนปหาตพฺพเหตุเก ขนฺเธ ครุํ กตฺวา
ทสฺสเนนปหาตพฺพเหตุกา ขนฺธา อุปฺปชฺชนฺติ ฯ สหชาตาธิปติ:
ทสฺสเนนปหาตพฺพเหตุกา อธิปติ สมฺปยุตฺตกานํ ขนฺธานํ อธิปติปจฺจเยน
ปจฺจโย ฯ ทสฺสเนนปหาตพฺพเหตุโก ธมฺโม นทสฺสเนนปหาตพฺพเหตุกสฺส
ธมฺมสฺส อธิปติปจฺจเยน ปจฺจโย: สหชาตาธิปติ:
ทสฺสเนนปหาตพฺพเหตุกา อธิปติ จิตฺตสมุฏฺฐานานํ รูปานํ
อธิปติปจฺจเยน ปจฺจโย ฯ ทสฺสเนนปหาตพฺพเหตุโก ธมฺโม
ทสฺสเนนปหาตพฺพเหตุกสฺส จ นทสฺสเนนปหาตพฺพเหตุกสฺส จ ธมฺมสฺส
อธิปติปจฺจเยน ปจฺจโย: สหชาตาธิปติ: ทสฺสเนนปหาตพฺพเหตุกา
อธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ นทสฺสเนนปหาตพฺพเหตุโก ธมฺโม นทสฺสเนนปหาตพฺพเหตุกสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ
สหชาตาธิปติ ฯ อารมฺมณาธิปติ: ทานํ … สีลํ … อุโปสถกมฺมํ
กตฺวา ตํ ครุํ กตฺวา ปจฺจเวกฺขติ อสฺสาเทติ อภินนฺทติ ตํ ครุํ
กตฺวา นทสฺสเนนปหาตพฺพเหตุโก ราโค อุปฺปชฺชติ ฯเปฯ ปุพฺเพ
สุจิณฺณานิ … ฌานา … อริยา มคฺคา วุฏฺฐหิตฺวา มคฺคํ ครุํ
กตฺวา ฯเปฯ ผลสฺส อธิปติปจฺจเยน ปจฺจโย จกฺขุํ … วตฺถุํ …
นทสฺสเนนปหาตพฺพเหตุเก ขนฺเธ ครุํ กตฺวา อสฺสาเทติ อภินนฺทติ
ตํ ครุํ กตฺวา นทสฺสเนนปหาตพฺพเหตุโก ราโค อุปฺปชฺชติ ฯ สหชาตาธิปติ:
นทสฺสเนนปหาตพฺพเหตุกา อธิปติ สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
นทสฺสเนนปหาตพฺพเหตุโก ธมฺโม ทสฺสเนนปหาตพฺพเหตุกสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ: ทานํ … สีลํ … อุโปสถกมฺมํ
กตฺวา ฯเปฯ ฌานา … จกฺขุํ … วตฺถุํ … นทสฺสเนนปหาตพฺพเหตุเก
ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา
ทสฺสเนนปหาตพฺพเหตุโก ราโค อุปฺปชฺชติ ทิฏฺฐิ … ฯ