[๕๗๔] ทสฺสเนนปหาตพฺโพ ธมฺโม ทสฺสเนนปหาตพฺพสฺส ธมฺมสฺส
เหตุปจฺจเยน ปจฺจโย: ตีณิ ฯ นทสฺสเนนปหาตพฺโพ ธมฺโม
นทสฺสเนนปหาตพฺพสฺส ธมฺมสฺส เหตุปจฺจเยน ปจฺจโย: นทสฺสเนนปหาตพฺพา
เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ปฏิสนฺธิกฺขเณ ฯเปฯ

[๕๗๕] ทสฺสเนนปหาตพฺโพ ธมฺโม ทสฺสเนนปหาตพฺพสฺส ธมฺมสฺส
อารมฺมณปจฺจเยน ปจฺจโย: ทสฺสเนนปหาตพฺพํ ราคํ อสฺสาเทติ
อภินนฺทติ ตํ อารพฺภ ทสฺสเนนปหาตพฺโพ ราโค อุปฺปชฺชติ ทิฏฺฐิ …
วิจิกิจฺฉา … ทสฺสเนนปหาตพฺพํ โทมนสฺสํ อุปฺปชฺชติ ทสฺสเนนปหาตพฺพํ
ทิฏฺฐึ อสฺสาเทติ อภินนฺทติ ตํ อารพฺภ ทสฺสเนนปหาตพฺโพ
ราโค อุปฺปชฺชติ ทิฏฺฐิ … วิจิกิจฺฉา … ทสฺสเนนปหาตพฺพํ
โทมนสฺสํ อุปฺปชฺชติ วิจิกิจฺฉํ อารพฺภ วิจิกิจฺฉา อุปฺปชฺชติ
ทิฏฺฐิ … โทมนสฺสํ อุปฺปชฺชติ ทสฺสเนนปหาตพฺพํ โทมนสฺสํ
อารพฺภ ทสฺสเนนปหาตพฺพํ โทมนสฺสํ อุปฺปชฺชติ ทิฏฺฐิ อุปฺปชฺชติ
วิจิกิจฺฉา อุปฺปชฺชติ ฯ ทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส อารมฺมณปจฺจเยน ปจฺจโย: อริยา ทสฺสเนนปหาตพฺเพ
ปหีเน กิเลเส ปจฺจเวกฺขนฺติ ปุพฺเพ สมุทาจิณฺเณ …
ทสฺสเนนปหาตพฺเพ ขนฺเธ อนิจฺจโต … วิปสฺสนฺติ เจโตปริยญาเณน
ทสฺสเนนปหาตพฺพจิตฺตสมงฺคิสฺส จิตฺตํ ชานนฺติ ทสฺสเนนปหาตพฺพา
ขนฺธา เจโตปริยญาณสฺส ปุพฺเพนิวาสานุสฺสติญาณสฺส
ยถากมฺมุปคญาณสฺส อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ นทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส อารมฺมณปจฺจเยน ปจฺจโย: ทานํ … สีลํ …
อุโปสถกมฺมํ กตฺวา ตํ ปจฺจเวกฺขติ อสฺสาเทติ อภินนฺทติ ตํ
อารพฺภ นทสฺสเนนปหาตพฺโพ ราโค อุปฺปชฺชติ นทสฺสเนนปหาตพฺพํ
โทมนสฺสํ อุปฺปชฺชติ ปุพฺเพ สุจิณฺณานิ … ฌานา … อริยา
มคฺคา วุฏฺฐหิตฺวา มคฺคํ ปจฺจเวกฺขนฺติ ฯเปฯ ผลสฺส อาวชฺชนาย
อารมฺมณปจฺจเยน ปจฺจโย อริยา นทสฺสเนนปหาตพฺเพ ปหีเน
กิเลเส ปจฺจเวกฺขนฺติ วิกฺขมฺภิเต กิเลเส ปจฺจเวกฺขนฺติ ปุพฺเพ
ฯเปฯ จกฺขุํ … วตฺถุํ … นทสฺสเนนปหาตพฺเพ ขนฺเธ อนิจฺจโต …
วิปสฺสนฺติ อสฺสาเทนฺติ อภินนฺทนฺติ ตํ อารพฺภ นทสฺสเนนปหาตพฺโพ
ราโค อุปฺปชฺชติ อุทฺธจฺจํ … นทสฺสเนนปหาตพฺพํ โทมนสฺสํ
อุปฺปชฺชติ ทิพฺเพน จกฺขุนา ฯเปฯ อนาคตํสญาณสฺส อาวชฺชนาย
อารมฺมณปจฺจเยน ปจฺจโย ฯ นทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อารมฺมณปจฺจเยน ปจฺจโย: ทานํ … สีลํ …
อุโปสถกมฺมํ … ปุพฺเพ … ฌานา ฯเปฯ จกฺขุํ … วตฺถุํ …
นทสฺสเนนปหาตพฺเพ ขนฺเธ อสฺสาเทติ อภินนฺทติ ตํ อารพฺภ
ทสฺสเนนปหาตพฺโพ ราโค อุปฺปชฺชติ ทิฏฺฐิ … วิจิกิจฺฉา …
ทสฺสเนนปหาตพฺพํ โทมนสฺสํ อุปฺปชฺชติ ฯ

[๕๗๖] ทสฺสเนนปหาตพฺโพ ธมฺโม ทสฺสเนนปหาตพฺพสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ:
ทสฺสเนนปหาตพฺพํ ราคํ ครุํ กตฺวา อสฺสาเทติ อภินนฺทติ
ตํ ครุํ กตฺวา ทสฺสเนนปหาตพฺโพ ราโค … ทิฏฺฐิ อุปฺปชฺชติ ทิฏฺฐึ
ครุํ กตฺวา ฯเปฯ สหชาตาธิปติ: ทสฺสเนนปหาตพฺพา อธิปติ
สมฺปยุตฺตกานํ ขนฺธานํ อธิปติปจฺจเยน ปจฺจโย ฯ ทสฺสเนนปหาตพฺโพ
ธมฺโม นทสฺสเนนปหาตพฺพสฺส ธมฺมสฺส อธิปติปจฺจเยน
ปจฺจโย: สหชาตาธิปติ: ทสฺสเนนปหาตพฺพา อธิปติ จิตฺตสมุฏฺฐานานํ
รูปานํ อธิปติปจฺจเยน ปจฺจโย ฯ ทสฺสเนนปหาตพฺโพ
ธมฺโม ทสฺสเนนปหาตพฺพสฺส จ นทสฺสเนนปหาตพฺพสฺส จ ธมฺมสฺส
อธิปติปจฺจเยน ปจฺจโย: สหชาตาธิปติ: ทสฺสเนนปหาตพฺพา อธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ นทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทานํ … สีลํ … อุโปสถกมฺมํ … ปุพฺเพ
สุจิณฺณานิ … ฌานา วุฏฺฐหิตฺวา ฌานํ อสฺสาเทติ อภินนฺทติ ตํ
ครุํ กตฺวา นทสฺสเนนปหาตพฺโพ ราโค อุปฺปชฺชติ ฯเปฯ อริยา
มคฺคา วุฏฺฐหิตฺวา มคฺคํ ครุํ กตฺวา ฯเปฯ ผลสฺส อธิปติปจฺจเยน
ปจฺจโย ฯ สหชาตาธิปติ: นทสฺสเนนปหาตพฺพา อธิปติ สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ นทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ: ทานํ ทตฺวา
ฯเปฯ ฌานํ … จกฺขุํ … วตฺถุํ … นทสฺสเนนปหาตพฺเพ ขนฺเธ ครุํ
กตฺวา อสฺสาเทติ อภินนฺทติ ตํ ครุํ กตฺวา ทสฺสเนนปหาตพฺโพ
ราโค อุปฺปชฺชติ ทิฏฺฐิ อุปฺปชฺชติ ฯ

[๕๗๗] ทสฺสเนนปหาตพฺโพ ธมฺโม ทสฺสเนนปหาตพฺพสฺส ธมฺมสฺส
อนนฺตรปจฺจเยน ปจฺจโย: ปุริมา ปุริมา ทสฺสเนนปหาตพฺพา ขนฺธา
ปจฺฉิมานํ ปจฺฉิมานํ ขนฺธานํ อนนฺตรปจฺจเยน ปจฺจโย ฯ ทสฺสเนนปหาตพฺโพ
ธมฺโม นทสฺสเนนปหาตพฺพสฺส ธมฺมสฺส อนนฺตรปจฺจเยน
ปจฺจโย: ทสฺสเนนปหาตพฺพา ขนฺธา วุฏฺฐานสฺส อนนฺตรปจฺจเยน
ปจฺจโย ฯ มูลํ ปุริมา ปุริมา นทสฺสเนนปหาตพฺพา ขนฺธา ฯเปฯ
ผลสมาปตฺติยา อนนฺตรปจฺจเยน ปจฺจโย ฯ มูลํ อาวชฺชนา
ทสฺสเนนปหาตพฺพานํ ขนฺธานํ อนนฺตรปจฺจเยน ปจฺจโย ฯ …
สมนนฺตรปจฺจเยน ปจฺจโย: สหชาตปจฺจเยน ปจฺจโย: อญฺญมญฺญปจฺจเยน
ปจฺจโย: เทฺว นิสฺสยปจฺจเยน ปจฺจโย: ฯ

[๕๗๘] ทสฺสเนนปหาตพฺโพ ธมฺโม ทสฺสเนนปหาตพฺพสฺส ธมฺมสฺส
อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯเปฯ ปกตูปนิสฺสโย: ทสฺสเนนปหาตพฺพํ ราคํ
อุปนิสฺสาย ปาณํ หนติ ฯเปฯ สงฺฆํ ภินฺทติ ทสฺสเนนปหาตพฺพํ
โทมนสฺสํ … โมหํ … ทิฏฺฐึ … ปตฺถนํ อุปนิสฺสาย ปาณํ หนติ
ฯเปฯ สงฺฆํ ภินฺทติ ทสฺสเนนปหาตพฺโพ ราโค ฯเปฯ ปตฺถนา
ทสฺสเนนปหาตพฺพสฺส ราคสฺส ฯเปฯ ปตฺถนาย อุปนิสฺสยปจฺจเยน
ปจฺจโย ฯ ทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส อุปนิสฺสยปจฺจเยน ปจฺจโย: อนนฺตรูปนิสฺสโย ปกตูปนิสฺสโย
ฯเปฯ ปกตูปนิสฺสโย: ทสฺสเนนปหาตพฺพํ ราคํ อุปนิสฺสาย ทานํ
เทติ ฯเปฯ สมาปตฺตึ อุปฺปาเทติ ทสฺสเนนปหาตพฺพํ โทมนสฺสํ …
โมหํ … ทิฏฺฐึ … ปตฺถนํ อุปนิสฺสาย ทานํ เทติ ฯเปฯ สมาปตฺตึ
อุปฺปาเทติ ทสฺสเนนปหาตพฺโพ ราโค ฯเปฯ ปตฺถนา สทฺธาย
ฯเปฯ ปญฺญาย นทสฺสเนนปหาตพฺพสฺส ราคสฺส โทสสฺส โมหสฺส
มานสฺส ปตฺถนาย กายิกสฺส สุขสฺส ผลสมาปตฺติยา อุปนิสฺสยปจฺจเยน
ปจฺจโย ฯ นทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
สทฺธํ อุปนิสฺสาย ทานํ เทติ ฯเปฯ สมาปตฺตึ อุปฺปาเทติ มานํ
ชปฺเปติ สีลํ … ปญฺญํ นทสฺสเนนปหาตพฺพํ ราคํ โทสํ โมหํ มานํ
ปตฺถนํ กายิกํ สุขํ … เสนาสนํ อุปนิสฺสาย ทานํ เทติ ฯเปฯ
สมาปตฺตึ อุปฺปาเทติ มานํ ชปฺเปติ สทฺธา ฯเปฯ ปญฺญา …
นทสฺสเนนปหาตพฺโพ ราโค ฯเปฯ ปตฺถนา … กายิกํ สุขํ … เสนาสนํ
สทฺธาย ฯเปฯ ปญฺญาย นทสฺสเนนปหาตพฺพสฺส ราคสฺส ฯเปฯ
ปตฺถนาย กายิกสฺส สุขสฺส มคฺคสฺส ผลสมาปตฺติยา อุปนิสฺสยปจฺจเยน
ปจฺจโย ฯ นทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย: สทฺธํ
อุปนิสฺสาย … ทิฏฺฐึ คณฺหาติ สีลํ ฯเปฯ ปญฺญํ อุปนิสฺสาย …
นทสฺสเนนปหาตพฺพํ ราคํ … โทสํ โมหํ มานํ ปตฺถนํ กายิกํ สุขํ …
เสนาสนํ อุปนิสฺสาย ปาณํ หนติ ฯเปฯ สงฺฆํ ภินฺทติ สทฺธา
ฯเปฯ เสนาสนํ ทสฺสเนนปหาตพฺพสฺส ราคสฺส โทสสฺส โมหสฺส
ทิฏฺฐิยา ปตฺถนาย อุปนิสฺสยปจฺจเยน ปจฺจโย ฯ

[๕๗๙] นทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส ปุเรชาตปจฺจเยน ปจฺจโย: อารมฺมณปุเรชาตํ วตฺถุปุเรชาตํ ฯ
อารมฺมณปุเรชาตํ: จกฺขุํ … วตฺถุํ อนิจฺจโต … วิปสฺสติ อสฺสาเทติ
อภินนฺทติ ตํ อารพฺภ นทสฺสเนนปหาตพฺโพ ราโค … อุทฺธจฺจํ …
นทสฺสเนนปหาตพฺพํ โทมนสฺสํ อุปฺปชฺชติ ทิพฺเพน จกฺขุนา ฯเปฯ
โผฏฺฐพฺพายตนํ กายวิญฺญาณสฺส ฯ วตฺถุปุเรชาตํ: จกฺขายตนํ
จกฺขุวิญฺญาณสฺส กายายตนํ … วตฺถุ นทสฺสเนนปหาตพฺพานํ
ขนฺธานํ ปุเรชาตปจฺจเยน ปจฺจโย ฯ นทสฺสเนนปหาตพฺโพ ธมฺโม
ทสฺสเนนปหาตพฺพสฺส ธมฺมสฺส ปุเรชาตปจฺจเยน ปจฺจโย: อารมฺมณปุเรชาตํ
วตฺถุปุเรชาตํ ฯ อารมฺมณปุเรชาตํ จกฺขุํ … วตฺถุํ
อสฺสาเทติ อภินนฺทติ ตํ อารพฺภ ทสฺสเนนปหาตพฺโพ ราโค …
ทิฏฺฐิ … วิจิกิจฺฉา … ทสฺสเนนปหาตพฺพํ โทมนสฺสํ อุปฺปชฺชติ ฯ
วตฺถุปุเรชาตํ: วตฺถุ ทสฺสเนนปหาตพฺพานํ ขนฺธานํ ปุเรชาตปจฺจเยน
ปจฺจโย ฯ

[๕๘๐] ทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส ปจฺฉาชาตปจฺจเยน ปจฺจโย: ฯ สงฺขิตฺตํ ฯ นทสฺสเนนปหาตพฺโพ
ธมฺโม นทสฺสเนนปหาตพฺพสฺส ธมฺมสฺส ปจฺฉาชาตปจฺจเยน
ปจฺจโย: ฯ สงฺขิตฺตํ ฯ … อาเสวนปจฺจเยน ปจฺจโย: เทฺว ฯ

[๕๘๑] ทสฺสเนนปหาตพฺโพ ธมฺโม ทสฺสเนนปหาตพฺพสฺส
ธมฺมสฺส กมฺมปจฺจเยน ปจฺจโย: ทสฺสเนนปหาตพฺพา เจตนา สมฺปยุตฺตกานํ
ขนฺธานํ กมฺมปจฺจเยน ปจฺจโย ฯ ทสฺสเนนปหาตพฺโพ
ธมฺโม นทสฺสเนนปหาตพฺพสฺส ธมฺมสฺส กมฺมปจฺจเยน ปจฺจโย:
สหชาตา นานาขณิกา ฯ สหชาตา: ทสฺสเนนปหาตพฺพา เจตนา
จิตฺตสมุฏฺฐานานํ รูปานํ กมฺมปจฺจเยน ปจฺจโย ฯ นานาขณิกา:
ทสฺสเนนปหาตพฺพา เจตนา วิปากานํ ขนฺธานํ กฏตฺตา จ รูปานํ
กมฺมปจฺจเยน ปจฺจโย ฯ ทสฺสเนนปหาตพฺโพ ธมฺโม ทสฺสเนนปหาตพฺพสฺส
จ นทสฺสเนนปหาตพฺพสฺส จ ธมฺมสฺส กมฺมปจฺจเยน
ปจฺจโย: ทสฺสเนนปหาตพฺพา เจตนา สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ นทสฺสเนนปหาตพฺโพ
ธมฺโม นทสฺสเนนปหาตพฺพสฺส ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สหชาตา: นทสฺสเนนปหาตพฺพา
เจตนา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ
กมฺมปจฺจเยน ปจฺจโย ฯ นานาขณิกา: นทสฺสเนนปหาตพฺพา เจตนา
วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ

[๕๘๒] นทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส วิปากปจฺจเยน ปจฺจโย: ฯ … อาหารปจฺจเยน ปจฺจโย:
จตฺตาริ อินฺทฺริยปจฺจเยน ปจฺจโย: จตฺตาริ ฌานปจฺจเยน
ปจฺจโย: จตฺตาริ มคฺคปจฺจเยน ปจฺจโย: จตฺตาริ สมฺปยุตฺตปจฺจเยน
ปจฺจโย เทฺว ฯ

[๕๘๓] ทสฺสเนนปหาตพฺโพ ธมฺโม นทสฺสเนนปหาตพฺพสฺส
ธมฺมสฺส วิปฺปยุตฺตปจฺจเยน ปจฺจโย: สหชาตํ ปจฺฉาชาตํ ฯ สงฺขิตฺตํ ฯ
นทสฺสเนนปหาตพฺโพ ธมฺโม นทสฺสเนนปหาตพฺพสฺส ธมฺมสฺส
วิปฺปยุตฺตปจฺจเยน ปจฺจโย: สหชาตํ ปุเรชาตํ ปจฺฉาชาตํ ฯ สงฺขิตฺตํ ฯ
นทสฺสเนนปหาตพฺโพ ธมฺโม ทสฺสเนนปหาตพฺพสฺส ธมฺมสฺส
วิปฺปยุตฺตปจฺจเยน ปจฺจโย: ปุเรชาตํ: วตฺถุ ทสฺสเนนปหาตพฺพานํ
ขนฺธานํ วิปฺปยุตฺตปจฺจเยน ปจฺจโย ฯ