[๕๖๔] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ นเหตุปจฺจยา: วิจิกิจฺฉาสหคเต ขนฺเธ ปฏิจฺจ
วิจิกิจฺฉาสหคโต โมโห ฯ นทสฺสเนนปหาตพฺพํ ธมฺมํ ปฏิจฺจ
นทสฺสเนนปหาตพฺโพ ธมฺโม อุปฺปชฺชติ นเหตุปจฺจยา: ยาว
อสญฺญสตฺตา อุทฺธจฺจสหคเต ขนฺเธ ปฏิจฺจ อุทฺธจฺจสหคโต โมโห ฯ

[๕๖๕] นเหตุยา เทฺว นอารมฺมเณ ตีณิ นอธิปติยา ปญฺจ
นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ นอุปนิสฺสเย
ตีณิ นปุเรชาเต จตฺตาริ นปจฺฉาชาเต ปญฺจ นอาเสวเน
ปญฺจ นกมฺเม เทฺว นวิปาเก ปญฺจ นอาหาเร เอกํ
นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต
ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
อิตเร เทฺว คณนาปิ สหชาตวาโรปิ กาตพฺพา ฯ
ปจฺจยวาโร

[๕๖๖] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา: ตีณิ ปฏิจฺจสทิสา ฯ นทสฺสเนนปหาตพฺพํ
ธมฺมํ ปจฺจยา นทสฺสเนนปหาตพฺโพ ธมฺโม อุปฺปชฺชติ
เหตุปจฺจยา: นทสฺสเนนปหาตพฺพํ เอกํ ขนฺธํ ปจฺจยา ตโย
ขนฺธา จิตฺตสมุฏฺฐานญฺจ รูปํ เทฺว ขนฺเธ … ปฏิสนฺธิกฺขเณ
ยาว อชฺฌตฺติกา มหาภูตา วตฺถุํ ปจฺจยา นทสฺสเนนปหาตพฺพา
ขนฺธา ฯ นทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา: วตฺถุํ ปจฺจยา ทสฺสเนนปหาตพฺพา
ขนฺธา ฯ นทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ จ
นทสฺสเนนปหาตพฺโพ จ ธมฺมา อุปฺปชฺชนฺติ เหตุปจฺจยา: วตฺถุํ
ปจฺจยา ทสฺสเนนปหาตพฺพา ขนฺธา มหาภูเต ปจฺจยา จิตฺตสมุฏฺฐานํ
รูปํ ฯ ทสฺสเนนปหาตพฺพญฺจ นทสฺสเนนปหาตพฺพญฺจ ธมฺมํ
ปจฺจยา ทสฺสเนนปหาตพฺโพ ธมฺโม อุปฺปชฺชติ เหตุปจฺจยา:
ทสฺสเนนปหาตพฺพํ เอกํ ขนฺธญฺจ วตฺถุญฺจ ปจฺจยา ตโย ขนฺธา
เทฺว ขนฺเธ … ฯ ทสฺสเนนปหาตพฺพญฺจ นทสฺสเนนปหาตพฺพญฺจ
ธมฺมํ ปจฺจยา นทสฺสเนนปหาตพฺโพ ธมฺโม อุปฺปชฺชติ เหตุปจฺจยา:
ทสฺสเนนปหาตพฺเพ ขนฺเธ จ มหาภูเต จ ปจฺจยา จิตฺตสมุฏฺฐานํ
รูปํ ฯ ทสฺสเนนปหาตพฺพญฺจ นทสฺสเนนปหาตพฺพญฺจ ธมฺมํ ปจฺจยา
ทสฺสเนนปหาตพฺโพ จ นทสฺสเนนปหาตพฺโพ จ ธมฺมา อุปฺปชฺชนฺติ
เหตุปจฺจยา: ทสฺสเนนปหาตพฺพํ เอกํ ขนฺธญฺจ วตฺถุญฺจ ปจฺจยา
ตโย ขนฺธา เทฺว ขนฺเธ … ทสฺสเนนปหาตพฺเพ ขนฺเธ จ มหาภูเต
จ ปจฺจยา จิตฺตสมุฏฺฐานํ รูปํ ฯ

[๕๖๗] เหตุยา นว อารมฺมเณ จตฺตาริ อธิปติยา นว
อวิคเต นว ฯ

[๕๖๘] ทสฺสเนนปหาตพฺพํ ธมฺมํ ปจฺจยา ทสฺสเนนปหาตพฺโพ
ธมฺโม อุปฺปชฺชติ นเหตุปจฺจยา: วิจิกิจฺฉาสหคเต ขนฺเธ ปจฺจยา
วิจิกิจฺฉาสหคโต โมโห ฯ นทสฺสเนนปหาตพฺพํ ธมฺมํ ปจฺจยา
นทสฺสเนนปหาตพฺโพ ธมฺโม อุปฺปชฺชติ นเหตุปจฺจยา: อเหตุกํ
นทสฺสเนนปหาตพฺพํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ
รูปํ ยาว อสญฺญสตฺตา จกฺขายตนํ ปจฺจยา จกฺขุวิญฺญาณํ
กายายตนํ … วตฺถุํ ปจฺจยา อเหตุกา นทสฺสเนนปหาตพฺพา
ขนฺธา อุทฺธจฺจสหคเต ขนฺเธ ปจฺจยา อุทฺธจฺจสหคโต โมโห
วตฺถุํ ปจฺจยา อุทฺธจฺจสหคโต โมโห ฯ นทสฺสเนนปหาตพฺพํ
ธมฺมํ ปจฺจยา ทสฺสเนนปหาตพฺโพ ธมฺโม อุปฺปชฺชติ นเหตุปจฺจยา:
วตฺถุํ ปจฺจยา วิจิกิจฺฉาสหคโต โมโห ฯ ทสฺสเนนปหาตพฺพญฺจ
นทสฺสเนนปหาตพฺพญฺจ ธมฺมํ ปจฺจยา ทสฺสเนนปหาตพฺโพ ธมฺโม
อุปฺปชฺชติ นเหตุปจฺจยา: วิจิกิจฺฉาสหคเต ขนฺเธ จ วตฺถุญฺจ
ปจฺจยา วิจิกิจฺฉาสหคโต โมโห ฯ

[๕๖๙] นเหตุยา จตฺตาริ นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ นอุปนิสฺสเย
ตีณิ นปุเรชาเต จตฺตาริ นปจฺฉาชาเต นว นอาเสวเน
นว นกมฺเม จตฺตาริ นวิปาเก จตฺตาริ นอาหาเร เอกํ
นอินฺทฺริเย เอกํ นฌาเน เอกํ นสมฺปยุตฺเต ตีณิ นวิปฺปยุตฺเต
เทฺว โนนตฺถิยา ตีณิ โนวิคเต ตีณิ ฯ
อิตเร เทฺว คณนาปิ นิสฺสยวาโรปิ กาตพฺพา ฯ
สํสฏฺฐวาโร

[๕๗๐] ทสฺสเนนปหาตพฺพํ ธมฺมํ สํสฏฺโฐ ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา: ฯ สงฺขิตฺตํ ฯ นทสฺสเนนปหาตพฺพํ
ธมฺมํ สํสฏฺโฐ นทสฺสเนนปหาตพฺโพ ธมฺโม อุปฺปชฺชติ เหตุปจฺจยา: ฯ
สงฺขิตฺตํ ฯ

[๕๗๑] เหตุยา เทฺว อารมฺมเณ เทฺว อธิปติยา เทฺว
อวิคเต เทฺว ฯ

[๕๗๒] ทสฺสเนนปหาตพฺพํ ธมฺมํ สํสฏฺโฐ ทสฺสเนนปหาตพฺโพ
ธมฺโม อุปฺปชฺชติ นเหตุปจฺจยา: วิจิกิจฺฉาสหคเต ขนฺเธ สํสฏฺโฐ
วิจิกิจฺฉาสหคโต โมโห ฯ นทสฺสเนนปหาตพฺพํ ธมฺมํ สํสฏฺโฐ
นทสฺสเนนปหาตพฺโพ ธมฺโม อุปฺปชฺชติ นเหตุปจฺจยา: ฯ สงฺขิตฺตํ ฯ

[๕๗๓] นเหตุยา เทฺว นอธิปติยา เทฺว นปุเรชาเต เทฺว
นปจฺฉาชาเต เทฺว นอาเสวเน เทฺว นกมฺเม เทฺว นวิปาเก
เทฺว นฌาเน เอกํ นมคฺเค เอกํ นวิปฺปยุตฺเต เทฺว ฯ
เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
ปญฺหาวาโร