[๕๕๔] สงฺกิลิฏฺโฐเจวโนจกิเลโส ธมฺโม สงฺกิลิฏฺฐสฺสเจวโนจกิเลสสฺส
ธมฺมสฺส กมฺมปจฺจเยน ปจฺจโย: สงฺกิลิฏฺฐาเจวโนจกิเลสา
เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย ฯ สงฺกิลิฏฺโฐเจว-
*โนจกิเลโส ธมฺโม กิเลสสฺสเจวสงฺกิลิฏฺฐสฺสจ ธมฺมสฺส กมฺมปจฺจเยน
ปจฺจโย: สงฺกิลิฏฺฐาเจวโนจกิเลสา เจตนา สมฺปยุตฺตกานํ
กิเลสานํ กมฺมปจฺจเยน ปจฺจโย ฯ สงฺกิลิฏฺโฐเจวโนจกิเลโส ธมฺโม
กิเลสสฺสเจวสงฺกิลิฏฺฐสฺสจ สงฺกิลิฏฺฐสฺสเจวโนจกิเลสสฺส จ ธมฺมสฺส
กมฺมปจฺจเยน ปจฺจโย: สงฺกิลิฏฺฐาเจวโนจกิเลสา เจตนา สมฺปยุตฺตกานํ
ขนฺธานํ กิเลสานญฺจ กมฺมปจฺจเยน ปจฺจโย ฯ … อาหารปจฺจเยน
ปจฺจโย: ตีณิ อินฺทฺริยปจฺจเยน ปจฺจโย: ตีณิ
ฌานปจฺจเยน ปจฺจโย: ตีณิ มคฺคปจฺจเยน ปจฺจโย: นว สมฺปยุตฺตปจฺจเยน
ปจฺจโย: นว อตฺถิปจฺจเยน ปจฺจโย: นว นตฺถิปจฺจเยน
ปจฺจโย: วิคตปจฺจเยน ปจฺจโย: อวิคตปจฺจเยน ปจฺจโย: ฯ

[๕๕๕] เหตุยา ตีณิ อารมฺมเณ นว อธิปติยา นว อนนฺตเร
นว สมนนฺตเร นว สหชาเต นว อญฺญมญฺเญ นว นิสฺสเย
นว อุปนิสฺสเย นว อาเสวเน นว กมฺเม ตีณิ อาหาเร ตีณิ
อินฺทฺริเย ตีณิ ฌาเน ตีณิ มคฺเค นว สมฺปยุตฺเต นว
อตฺถิยา นว นตฺถิยา นว วิคเต นว อวิคเต นว ฯ

[๕๕๖] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ฯ นวปิ ตีณิเยว ปทา กาตพฺพา ฯ

[๕๕๗] นเหตุยา นว นอารมฺมเณ นว สพฺพตฺถ นว
โนอวิคเต นว ฯ

[๕๕๘] เหตุปจฺจยา นอารมฺมเณ ตีณิ … นอธิปติยา ตีณิ
นอนนฺตเร ตีณิ นสมนนฺตเร ตีณิ นอุปนิสฺสเย ตีณิ นมคฺเค
ตีณิ นวิปฺปยุตฺเต ตีณิ โนนตฺถิยา ตีณิ โนวิคเต ตีณิ ฯ

[๕๕๙] นเหตุปจฺจยา อารมฺมเณ นว ฯ อนุโลมมาติกา
กาตพฺพา ฯ … อวิคเต นว ฯ
กิเลสสงฺกิลิฏฺฐทุกํ นิฏฺฐิตํ ฯ
_______________
กิเลสกิเลสสมฺปยุตฺตทุกํ
ปฏิจฺจวาโร

[๕๖๐] กิเลสญฺเจวกิเลสสมฺปยุตฺตญฺจ ธมฺมํ ปฏิจฺจ
กิเลโสเจวกิเลสสมฺปยุตฺโต ธมฺโม อุปฺปชฺชติ เหตุปจฺจยา: โลภํ ปฏิจฺจ
โมโห ทิฏฺฐิ ถีนํ อุทฺธจฺจํ อหิริกํ อโนตฺตปฺปํ ฯ กิเลสญฺเจว
สงฺกิลิฏฺฐทุกสทิสํ นินฺนานากรณํ สพฺเพ วารา วิตฺถาเรตพฺพา ฯ
กิเลสกิเลสสมฺปยุตฺตทุกํ นิฏฺฐิตํ ฯ
______________
กิเลสวิปฺปยุตฺตสงฺกิเลสิกทุกํ
ปฏิจฺจวาโร

[๕๖๑] กิเลสวิปฺปยุตฺตํสงฺกิเลสิกํ ธมฺมํ ปฏิจฺจ กิเลสวิปฺปยุตฺโต-
*สงฺกิเลสิโก ธมฺโม อุปฺปชฺชติ เหตุปจฺจยา: กิเลสวิปฺปยุตฺตํสงฺกิเลสิกํ
เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ
เทฺว ขนฺเธ … ฯ
ยถา โลกิยทุกํ เอวํ นินฺนานากรณํ ฯ
กิเลสวิปฺปยุตฺตสงฺกิเลสิกทุกํ นิฏฺฐิตํ ฯ
___________________
ทสฺสนทุกํ
ปฏิจฺจวาโร

[๕๖๒] ทสฺสเนนปหาตพฺพํ ธมฺมํ ปฏิจฺจ ทสฺสเนนปหาตพฺโพ
ธมฺโม อุปฺปชฺชติ เหตุปจฺจยา: ทสฺสเนนปหาตพฺพํ เอกํ ขนฺธํ
ปฏิจฺจ ตโย ขนฺธา เทฺว ขนฺเธ … ฯ ทสฺสเนนปหาตพฺพํ ธมฺมํ
ปฏิจฺจ นทสฺสเนนปหาตพฺโพ ธมฺโม อุปฺปชฺชติ เหตุปจฺจยา:
ทสฺสเนนปหาตพฺเพ ขนฺเธ ปฏิจฺจ จิตฺตสมุฏฺฐานํ รูปํ ฯ ทสฺสเนนปหาตพฺพํ
ธมฺมํ ปฏิจฺจ ทสฺสเนนปหาตพฺโพ จ นทสฺสเนนปหาตพฺโพ จ
ธมฺมา อุปฺปชฺชนฺติ เหตุปจฺจยา: ทสฺสเนนปหาตพฺพํ เอกํ ขนฺธํ
ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ … ฯ
นทสฺสเนนปหาตพฺพํ ธมฺมํ ปฏิจฺจ นทสฺสเนนปหาตพฺโพ ธมฺโม
อุปฺปชฺชติ เหตุปจฺจยา: นทสฺสเนนปหาตพฺพํ เอกํ ขนฺธํ ปฏิจฺจ
ตโย ขนฺธา จิตฺตสมุฏฺฐานญฺจ รูปํ เทฺว ขนฺเธ … ปฏิสนฺธิกฺขเณ
ขนฺเธ ปฏิจฺจ วตฺถุ วตฺถุํ ปฏิจฺจ ขนฺธา เอกํ มหาภูตํ … ฯ
ทสฺสเนนปหาตพฺพญฺจ นทสฺสเนนปหาตพฺพญฺจ ธมฺมํ ปฏิจฺจฅ
นทสฺสเนนปหาตพฺโพ ธมฺโม อุปฺปชฺชติ เหตุปจฺจยา: ทสฺสเนนปหาตพฺเพ
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ สงฺขิตฺตํ ฯ

[๕๖๓] เหตุยา ปญฺจ อารมฺมเณ เทฺว อธิปติยา ปญฺจ
อนนฺตเร เทฺว สมนนฺตเร เทฺว สหชาเต ปญฺจ อญฺญมญฺเญ
เทฺว นิสฺสเย ปญฺจ อุปนิสฺสเย เทฺว ปุเรชาเต เทฺว อาเสวเน
เทฺว กมฺเม ปญฺจ วิปาเก เอกํ อาหาเร ปญฺจ อวิคเต ปญฺจ ฯ