[๕๔๔] กิเลโสเจวสงฺกิเลสิโกจ ธมฺโม กิเลสสฺสเจวสงฺกิเลสิกสฺสจ
ธมฺมสฺส อธิปติปจฺจเยน ปจฺจโย: อารมฺมณาธิปติ
ตีณิ ฯ สงฺกิเลสิโกเจวโนจกิเลโส ธมฺโม สงฺกิเลสิกสฺสเจวโนจกิเลสสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทานํ … สีลํ … อุโปสถกมฺมํ … ปุพฺเพ สุจิณฺณานิ …
ฌานา วุฏฺฐหิตฺวา ฌานํ ครุํ กตฺวา ปจฺจเวกฺขติ เสกฺขา
โคตฺรภุํ กตฺวา ปจฺจเวกฺขนฺติ โวทานํ ครุํ กตฺวา ปจฺจเวกฺขนฺติ
จกฺขุํ … วตฺถุํ … สงฺกิเลสิเกเจวโนจกิเลเส ขนฺเธ ครุํ กตฺวา
สงฺกิเลสิกาเจวโนจกิเลสา ขนฺธา อุปฺปชฺชนฺติ ฯ สหชาตาธิปติ:
สงฺกิเลสิกาเจวโนจกิเลสา อธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ อิตเร เทฺวปิ
กิเลสทุกสทิสา ฯ ฆฏนาธิปติปิ ฯ

[๕๔๕] กิเลโสเจวสงฺกิเลสิโกจ ธมฺโม กิเลสสฺสเจวสงฺกิเลสิกสฺสจ
ธมฺมสฺส อนนฺตรปจฺจเยน ปจฺจโย: ตีณิ กิเลสทุกสทิสา ฯ
สงฺกิเลสิโกเจวโนจกิเลโส ธมฺโม สงฺกิเลสิกสฺสเจวโนจกิเลสสฺส
ธมฺมสฺส อนนฺตรปจฺจเยน ปจฺจโย: ปุริมา ปุริมา สงฺกิเลสิกาเจวโนจกิเลสา
ขนฺธา ปจฺฉิมานํ ปจฺฉิมานํ สงฺกิเลสิกานญฺเจวโนจกิเลสานํ
ขนฺธานํ อนนฺตรปจฺจเยน ปจฺจโย อนุโลมํ โคตฺรภุสฺส อนุโลมํ
โวทานสฺส อาวชฺชนา สงฺกิเลสิกานญฺเจวโนจกิเลสานํ ขนฺธานํ
อนนฺตรปจฺจเยน ปจฺจโย ฯ อิตเร เทฺว อนนฺตรกิเลสทุกสทิสา
นินฺนานากรณา ฯ ฆฏนานนฺตรมฺปิ สพฺเพ ปจฺจยา กิเลสทุกสทิสา
นินฺนานากรณา ฯ อุปนิสฺสเย โลกุตฺตรํ นตฺถิ อิทํ ทุกํ กิเลสทุกสทิสํ
นินฺนานากรณํ ฯ
กิเลสสงฺกิเลสิกทุกํ นิฏฺฐิตํ ฯ
___________________
กิเลสสงฺกิลิฏฺฐทุกํ
ปฏิจฺจวาโร

[๕๔๖] กิเลสญฺเจวสงฺกิลิฏฺฐญฺจ ธมฺมํ ปฏิจฺจ กิเลโสเจวสงฺกิลิฏฺโฐจ
ธมฺโม อุปฺปชฺชติ เหตุปจฺจยา: โลภํ ปฏิจฺจ โมโห
ทิฏฺฐิ ถีนํ อุทฺธจฺจํ อหิริกํ อโนตฺตปฺปํ ฯ จกฺกํ ฯ กิเลสญฺเจวสงฺกิลิฏฺฐญฺจ
ธมฺมํ ปฏิจฺจ สงฺกิลิฏฺโฐเจวโนจกิเลโส ธมฺโม
อุปฺปชฺชติ เหตุปจฺจยา: กิเลเส ปฏิจฺจ สมฺปยุตฺตกา ขนฺธา ฯ
กิเลสญฺเจวสงฺกิลิฏฺฐญฺจ ธมฺมํ ปฏิจฺจ กิเลโสเจวสงฺกิลิฏฺโฐจ
สงฺกิลิฏฺโฐเจวโนจกิเลโส จ ธมฺมา อุปฺปชฺชนฺติ เหตุปจฺจยา: โลภํ
ปฏิจฺจ โมโห ทิฏฺฐิ ถีนํ อุทฺธจฺจํ อหิริกํ อโนตฺตปฺปํ สมฺปยุตฺตกา จ
ขนฺธา ฯ สงฺกิลิฏฺฐญฺเจวโนจกิเลสํ ธมฺมํ ปฏิจฺจ สงฺกิลิฏฺโฐเจวโนจกิเลโส
ธมฺโม อุปฺปชฺชติ เหตุปจฺจยา: สงฺกิลิฏฺฐญฺเจวโนจกิเลสํj
เอกํ ขนฺธํ ปฏิจฺจ ตโย ขนฺธา เทฺว ขนฺเธ … ฯ
สงฺกิลิฏฺฐญฺเจวโนจกิเลสํ ธมฺมํ ปฏิจฺจ กิเลโสเจวสงฺกิลิฏฺโฐจ
ธมฺโม อุปฺปชฺชติ เหตุปจฺจยา: สงฺกิลิฏฺเฐเจวโนจกิเลเส ขนฺเธ
ปฏิจฺจ กิเลสา ฯ สงฺกิลิฏฺฐญฺเจวโนจกิเลสํ ธมฺมํ ปฏิจฺจ กิเลโสเจว-
*สงฺกิลิฏฺโฐจ สงฺกิลิฏฺโฐเจวโนจกิเลโส จ ธมฺมา อุปฺปชฺชนฺติ
เหตุปจฺจยา: สงฺกิลิฏฺฐญฺเจวโนจกิเลสํ เอกํ ขนฺธํ ปฏิจฺจ ตโย ขนฺธา
กิเลสา จ ฯ กิเลสญฺเจวสงฺกิลิฏฺฐญฺจ สงฺกิลิฏฺฐญฺเจวโนจกิเลสญฺจ
ธมฺมํ ปฏิจฺจ กิเลโสเจวสงฺกิลิฏฺโฐ จ ธมฺโม อุปฺปชฺชติ เหตุปจฺจยา:
โลภญฺจ สมฺปยุตฺตเก จ ขนฺเธ ปฏิจฺจ โมโห ทิฏฺฐิ ถีนํ อุทฺธจฺจํ
อหิริกํ อโนตฺตปฺปํ ฯ จกฺกํ ฯ กิเลสญฺเจวสงฺกิลิฏฺฐญฺจ
สงฺกิลิฏฺฐญฺเจวโนจกิเลสญฺจ ธมฺมํ ปฏิจฺจ สงฺกิลิฏฺโฐเจวโนจกิเลโส ธมฺโม
อุปฺปชฺชติ เหตุปจฺจยา: สงฺกิลิฏฺฐญฺเจวโนจกิเลสํ เอกํ ขนฺธญฺจ
กิเลเส จ ปฏิจฺจ ตโย ขนฺธา เทฺว ขนฺเธ … ฯ กิเลสญฺเจวสงฺกิลิฏฺฐญฺจ
สงฺกิลิฏฺฐญฺเจวโนจกิเลสญฺจ ธมฺมํ ปฏิจฺจ กิเลโสเจวสงฺกิลิฏฺโฐจ
สงฺกิลิฏฺโฐเจวโนจกิเลโส จ ธมฺมา อุปฺปชฺชนฺติ๕
เหตุปจฺจยา: สงฺกิลิฏฺฐญฺเจวโนจกิเลสํ เอกํ ขนฺธญฺจ โลภญฺจ
ปฏิจฺจ ตโย ขนฺธา โมโห ทิฏฺฐิ ถีนํ อุทฺธจฺจํ อหิริกํ อโนตฺตปฺปํ
เทฺว ขนฺเธ … ฯ จกฺกํ ฯ

[๕๔๗] เหตุยา นว อารมฺมเณ นว สพฺพตฺถ นว กมฺเม(
นว อาหาเร นว อวิคเต นว ฯ

[๕๔๘] กิเลสญฺเจวสงฺกิลิฏฺฐญฺจ ธมฺมํ ปฏิจฺจ กิเลโสเจวสงฺกิลิฏฺโฐจ
ธมฺโม อุปฺปชฺชติ นเหตุปจฺจยา: วิจิกิจฺฉํ ปฏิจฺจ
วิจิกิจฺฉาสหคโต โมโห อุทฺธจฺจํ ปฏิจฺจ อุทฺธจฺจสหคโต โมโห ฯ
สงฺกิลิฏฺฐญฺเจวโนจกิเลสํ ธมฺมํ ปฏิจฺจ กิเลโสเจวสงฺกิลิฏฺโฐจ
ธมฺโม อุปฺปชฺชติ นเหตุปจฺจยา: วิจิกิจฺฉาสหคเต อุทฺธจฺจสหคเต
ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ
กิเลสญฺเจวสงฺกิลิฏฺฐญฺจ สงฺกิลิฏฺฐญฺเจวโนจกิเลสญฺจ ธมฺมํ ปฏิจฺจ
กิเลโสเจวสงฺกิลิฏฺโฐจ ธมฺโม อุปฺปชฺชติ นเหตุปจฺจยา: วิจิกิจฺฉาสหคเต
อุทฺธจฺจสหคเต ขนฺเธ จ วิจิกิจฺฉญฺจ อุทฺธจฺจญฺจ ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ

[๕๔๙] นเหตุยา ตีณิ นอธิปติยา นว นปุเรชาเต ตีณิ
นปจฺฉาชาเต นว นอาเสวเน นว นกมฺเม ตีณิ นวิปาเก นว
นวิปฺปยุตฺเต นว ฯ
เอวํ อิตเร เทฺว คณนาปิ สหชาตวาโรปิ
ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิโส ฯ
ปญฺหาวาโร

[๕๕๐] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐธมฺมสฺส
เหตุปจฺจเยน ปจฺจโย: กิเลสาเจวสงฺกิลิฏฺฐาจ เหตู สมฺปยุตฺตกานํ
กิเลสานํ เหตุปจฺจเยน ปจฺจโย ฯ กิเลโสเจวสงฺกิลิฏฺโฐจ
ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส เหตุปจฺจเยน ปจฺจโย:
กิเลสาเจวสงฺกิลิฏฺฐาจ เหตู สมฺปยุตฺตกานํ ขนฺธานํ เหตุปจฺจเยน
ปจฺจโย ฯ กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ
สงฺกิลิฏฺฐสฺสเจวโนจกิเลสสฺส จ ธมฺมสฺส เหตุปจฺจเยน ปจฺจโย:
กิเลสาเจวสงฺกิลิฏฺฐาจ เหตู สมฺปยุตฺตกานํ ขนฺธานํ กิเลสานญฺจ
เหตุปจฺจเยน ปจฺจโย ฯ

[๕๕๑] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ
ธมฺมสฺส อารมฺมณปจฺจเยน ปจฺจโย: กิเลเส อารพฺภ กิเลสา
อุปฺปชฺชนฺติ ฯ มูลํ กาตพฺพํ กิเลเส อารพฺภ สงฺกิลิฏฺฐาเจวโนจกิเลสา
ขนฺธา อุปฺปชฺชนฺติ ฯ มูลํ กาตพฺพํ กิเลเส อารพฺภ
กิเลสา จ สมฺปยุตฺตกา จ ขนฺธา อุปฺปชฺชนฺติ ฯ สงฺกิลิฏฺโฐเจวโนจกิเลโส
ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส อารมฺมณปจฺจเยน
ปจฺจโย: สงฺกิลิฏฺเฐเจวโนจกิเลเส ขนฺเธ อารพฺภ สงฺกิลิฏฺฐาเจวโนจกิเลสา
ขนฺธา อุปฺปชฺชนฺติ ฯ มูลํ กาตพฺพํ สงฺกิลิฏฺเฐเจวโนจกิเลเส
ขนฺเธ อารพฺภ กิเลสา อุปฺปชฺชนฺติ ฯ มูลํ กาตพฺพํ
สงฺกิลิฏฺเฐเจวโนจกิเลเส ขนฺเธ อารพฺภ กิเลสา จ สมฺปยุตฺตกา จ
ขนฺธา อุปฺปชฺชนฺติ ฯ อิตเรปิ ตีณิ กาตพฺพา ฯ

[๕๕๒] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ
ธมฺมสฺส อธิปติปจฺจเยน ปจฺจโย: อารมฺมณาธิปติ ตีณิ ฯ
สงฺกิลิฏฺโฐเจวโนจกิเลโส ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ:
สงฺกิลิฏฺเฐเจวโนจกิเลเส ขนฺเธ ครุํ กตฺวา ฯเปฯ ตีณิ
เทฺวปิ อธิปตี ตีณิปิ กาตพฺพา ฯ อิตเร เทฺวปิ ตีณิ กาตพฺพา ฯ

[๕๕๓] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ
ธมฺมสฺส อนนฺตรปจฺจเยน ปจฺจโย: นวปิ กาตพฺพา อาวชฺชนาปิ
วุฏฺฐานมฺปิ นตฺถิ ฯ … สมนนฺตรปจฺจเยน ปจฺจโย: สหชาตปจฺจเยน
ปจฺจโย: อญฺญมญฺญปจฺจเยน ปจฺจโย: นิสฺสยปจฺจเยน
ปจฺจโย: อุปนิสฺสยปจฺจเยน ปจฺจโย: นว ปญฺหา วิภงฺโค นตฺถิ ฯ
… อาเสวนปจฺจเยน ปจฺจโย: นว ฯ