[๕๓๔] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อตฺถิปจฺจเยน
ปจฺจโย: เอกํ ปฏิจฺจสทิสํ ฯ สงฺกิลิฏฺโฐ ธมฺโม อสงฺกิลิฏฺฐสฺส
ธมฺมสฺส อตฺถิปจฺจเยน ปจฺจโย: สหชาตํ ปจฺฉาชาตํ ฯ สงฺขิตฺตํ ฯ
สงฺกิลิฏฺโฐ ธมฺโม สงฺกิลิฏฺฐสฺส จ อสงฺกิลิฏฺฐสฺส จ ธมฺมสฺส อตฺถิปจฺจเยน
ปจฺจโย: ปฏิจฺจสทิสํ ฯ อสงฺกิลิฏฺโฐ ธมฺโม อสงฺกิลิฏฺฐสฺส
ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ปจฺฉาชาตํ
อาหารํ อินฺทฺริยํ ฯ สงฺขิตฺตํ ฯ อสงฺกิลิฏฺโฐ ธมฺโม สงฺกิลิฏฺฐสฺส
ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ฯ สงฺขิตฺตํ ฯ
สงฺกิลิฏฺโฐ จ อสงฺกิลิฏฺโฐ จ ธมฺมา สงฺกิลิฏฺฐสฺส ธมฺมสฺส
อตฺถิปจฺจเยน ปจฺจโย: สหชาตํ ปุเรชาตํ ฯ สหชาโต: สงฺกิลิฏฺโฐ
เอโก ขนฺโธ จ วตฺถุ จ ติณฺณนฺนํ ขนฺธานํ อตฺถิปจฺจเยน ปจฺจโย
เทฺว ขนฺธา … ฯ สงฺขิตฺตํ ฯ สงฺกิลิฏฺโฐ จ อสงฺกิลิฏฺโฐ จ
ธมฺมา อสงฺกิลิฏฺฐสฺส ธมฺมสฺส อตฺถิปจฺจเยน ปจฺจโย: สหชาตํ
ปจฺฉาชาตํ อาหารํ อินฺทฺริยํ ฯ สหชาตา: สงฺกิลิฏฺฐา ขนฺธา จ
มหาภูตา จ จิตฺตสมุฏฺฐานานํ รูปานํ อตฺถิปจฺจเยน ปจฺจโย ฯ
ปจฺฉาชาตา: สงฺกิลิฏฺฐา ขนฺธา จ กพฬึกาโร อาหาโร จ อิมสฺส
กายสฺส อตฺถิปจฺจเยน ปจฺจโย ฯ ปจฺฉาชาตา: สงฺกิลิฏฺฐา ขนฺธา จ
รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ … นตฺถิปจฺจเยน
ปจฺจโย: วิคตปจฺจเยน ปจฺจโย: อวิคตปจฺจเยน
ปจฺจโย: ฯ

[๕๓๕] เหตุยา จตฺตาริ อารมฺมเณ จตฺตาริ อธิปติยา ปญฺจ
อนนฺตเร จตฺตาริ สมนนฺตเร จตฺตาริ สหชาเต ปญฺจ อญฺญมญฺเญ
เทฺว นิสฺสเย สตฺต อุปนิสฺสเย จตฺตาริ ปุเรชาเต เทฺว
ปจฺฉาชาเต เทฺว อาเสวเน เทฺว กมฺเม จตฺตาริ วิปาเก เอกํ
อาหาเร จตฺตาริ อินฺทฺริเย จตฺตาริ ฌาเน จตฺตาริ มคฺเค
จตฺตาริ สมฺปยุตฺเต เทฺว วิปฺปยุตฺเต ตีณิ อตฺถิยา สตฺต
นตฺถิยา จตฺตาริ วิคเต จตฺตาริ อวิคเต สตฺต ฯ

[๕๓๖] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย ฯ สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ปจฺฉาชาตปจฺจเยน ปจฺจโย: กมฺมปจฺจเยน ปจฺจโย: ฯ
สงฺกิลิฏฺโฐ ธมฺโม สงฺกิลิฏฺฐสฺส จ อสงฺกิลิฏฺฐสฺส จ ธมฺมสฺส
สหชาตปจฺจเยน ปจฺจโย: ฯ อสงฺกิลิฏฺโฐ ธมฺโม อสงฺกิลิฏฺฐสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ปุเรชาตปจฺจเยน ปจฺจโย: ปจฺฉาชาตปจฺจเยน
ปจฺจโย: กมฺมปจฺจเยน ปจฺจโย: อาหารปจฺจเยน
ปจฺจโย: อินฺทฺริยปจฺจเยน ปจฺจโย: ฯ อสงฺกิลิฏฺโฐ ธมฺโม
สงฺกิลิฏฺฐสฺส ธมฺมสฺส อารมฺมณปจฺจเยน ปจฺจโย: อุปนิสฺสยปจฺจเยน
ปจฺจโย: ปุเรชาตปจฺจเยน ปจฺจโย: ฯ สงฺกิลิฏฺโฐ จ อสงฺกิลิฏฺโฐ
จ ธมฺมา สงฺกิลิฏฺฐสฺส ธมฺมสฺส สหชาตปจฺจเยน ปจฺจโย
ปุเรชาตปจฺจเยน ปจฺจโย: ฯ สงฺกิลิฏฺโฐ จ อสงฺกิลิฏฺโฐ จ ธมฺมา
อสงฺกิลิฏฺฐสฺส ธมฺมสฺส สหชาตปจฺจเยน ปจฺจโย: ปจฺฉาชาตปจฺจเยน
ปจฺจโย: อาหารปจฺจเยน ปจฺจโย: อินฺทฺริยปจฺจเยน
ปจฺจโย: ฯ

[๕๓๗] นเหตุยา สตฺต นอารมฺมเณ สตฺต นอธิปติยา
สตฺต นอนนฺตเร สตฺต นสมนนฺตเร สตฺต นสหชาเต ปญฺจ
นอญฺญมญฺเญ ปญฺจ นนิสฺสเย ปญฺจ นอุปนิสฺสเย สตฺต
นปุเรชาเต ฉ นปจฺฉาชาเต สตฺต ฯเปฯ นมคฺเค สตฺต นสมฺปยุตฺเต
ปญฺจ นวิปฺปยุตฺเต จตฺตาริ โนอตฺถิยา จตฺตาริ โนนตฺถิยา
สตฺต โนวิคเต สตฺต โนอวิคเต จตฺตาริ ฯ

[๕๓๘] เหตุปจฺจยา นอารมฺมเณ จตฺตาริ … นอธิปติยา จตฺตาริ
นอนนฺตเร จตฺตาริ นสมนนฺตเร จตฺตาริ นอญฺญมญฺเญ เทฺว
นอุปนิสฺสเย จตฺตาริ นสมฺปยุตฺเต เทฺว นวิปฺปยุตฺเต เทฺว
โนนตฺถิยา จตฺตาริ โนวิคเต จตฺตาริ ฯ

[๕๓๙] นเหตุปจฺจยา อารมฺมเณ จตฺตาริ … อธิปติยา ปญฺจ ฯ
อนุโลมมาติกา ฯ … อวิคเต สตฺต ฯ
สงฺกิลิฏฺฐทุกํ นิฏฺฐิตํ ฯ
___________________
กิเลสสมฺปยุตฺตทุกํ
ปฏิจฺจวาโร

[๕๔๐] กิเลสสมฺปยุตฺตํ ธมฺมํ ปฏิจฺจ กิเลสสมฺปยุตฺโต ธมฺโม
อุปฺปชฺชติ เหตุปจฺจยา: กิเลสสมฺปยุตฺตํ เอกํ ขนฺธํ ปฏิจฺจ ตโย
ขนฺธา เทฺว ขนฺเธ … ฯ กิเลสสมฺปยุตฺตํ ธมฺมํ ปฏิจฺจ
กิเลสวิปฺปยุตฺโต ธมฺโม อุปฺปชฺชติ เหตุปจฺจยา: กิเลสสมฺปยุตฺเต
ขนฺเธ ปฏิจฺจ จิตฺตสมุฏฺฐานํ รูปํ ฯ
กิเลสสมฺปยุตฺตทุกํ สงฺกิลิฏฺฐทุกสทิสํ นินฺนานากรณํ ฯ
กิเลสสมฺปยุตฺตทุกํ นิฏฺฐิตํ ฯ
________________________
กิเลส สงฺกิเลสิกทุกํ
ปฏิจฺจวาโร

[๕๔๑] กิเลสญฺเจวสงฺกิเลสิกญฺจ ธมฺมํ ปฏิจฺจ
กิเลโสเจวสงฺกิเลสิโกจ ธมฺโม อุปฺปชฺชติ เหตุปจฺจยา: โลภํ ปฏิจฺจ โมโห
ทิฏฺฐิ ถีนํ อุทฺธจฺจํ อหิริกํ อโนตฺตปฺปํ ฯ จกฺกํ ฯ กิเลสญฺเจวสงฺกิเลสิกญฺจ
ธมฺมํ ปฏิจฺจ สงฺกิเลสิโกเจวโนจกิเลโส ธมฺโม
อุปฺปชฺชติ เหตุปจฺจยา: กิเลเส ปฏิจฺจ สมฺปยุตฺตกา ขนฺธา
จิตฺตสมุฏฺฐานญฺจ รูปํ ฯ กิเลสญฺเจวสงฺกิเลสิกญฺจ ธมฺมํ ปฏิจฺจ
กิเลโสเจวสงฺกิเลสิโกจ สงฺกิเลสิโกเจวโนจกิเลโส จ ธมฺมา
อุปฺปชฺชนฺติ เหตุปจฺจยา: โลภํ ปฏิจฺจ โมโห ทิฏฺฐิ ถีนํ อุทฺธจฺจํ
อหิริกํ อโนตฺตปฺปํ สมฺปยุตฺตกา จ ขนฺธา จิตฺตสมุฏฺฐานญฺจ รูปํ ฯ
เอวํ ปฏิจฺจวาโรปิ สหชาตวาโรปิ ปจฺจยวาโรปิ นิสฺสยวาโรปิ
สํสฏฺฐวาโรปิ สมฺปยุตฺตวาโรปิ กิเลสทุกสทิสา นินฺนานากรณา
อามสนํ นานํ ฯ
ปญฺหาวาโร

[๕๔๒] กิเลโสเจวสงฺกิเลสิโกจ ธมฺโม กิเลสสฺสเจวสงฺกิเลสิกสฺสจ
ธมฺมสฺส เหตุปจฺจเยน ปจฺจโย: กิเลสาเจว
สงฺกิเลสิกาจ เหตู สมฺปยุตฺตกานํ กิเลสานํ เหตุปจฺจเยน ปจฺจโย ฯ
เอวํ จตฺตาริ กิเลสทุกสทิสํ ฯ

[๕๔๓] กิเลโสเจวสงฺกิเลสิโกจ ธมฺโม กิเลสสฺสเจวสงฺกิเลสิกสฺสจ
ธมฺมสฺส อารมฺมณปจฺจเยน ปจฺจโย: กิเลเส
อารพฺภ กิเลสา ขนฺธา อุปฺปชฺชนฺติ ฯ มูลํ กิเลเส อารพฺภ
สงฺกิเลสิกาเจวโนจกิเลสา ขนฺธา อุปฺปชฺชนฺติ ฯ มูลํ กิเลเส
อารพฺภ กิเลสา จ สมฺปยุตฺตกา จ ขนฺธา อุปฺปชฺชนฺติ ฯ
สงฺกิเลสิโกเจวโนจกิเลโส ธมฺโม สงฺกิเลสิกสฺสเจวโนจกิเลสสฺส ธมฺมสฺส
อารมฺมณปจฺจเยน ปจฺจโย: ทานํ … สีลํ … อุโปสถกมฺมํ … ปุพฺเพ
สุจิณฺณานิ … ฌานา วุฏฺฐหิตฺวา ฌานํ ปจฺจเวกฺขติ อสฺสาเทติ
อภินนฺทติ ตํ อารพฺภ ราโค อุปฺปชฺชติ อุทฺธจฺจํ … ฌาเน
ปริหีเน วิปฺปฏิสาริสฺส โทมนสฺสํ อุปฺปชฺชติ อริยา โคตฺรภุํ
ปจฺจเวกฺขนฺติ โวทานํ ปจฺจเวกฺขนฺติ จกฺขุํ … วตฺถุํ … สงฺกิเลสิเกเจว-
*โนจกิเลเส ขนฺเธ อนิจฺจโต ฯเปฯ โทมนสฺสํ อุปฺปชฺชติ ทิพฺเพน
จกฺขุนา ฯเปฯ อาวชฺชนาย อารมฺมณปจฺจเยน ปจฺจโย ฯ
อิตเร เทฺว กิเลสทุกสทิสา ฯ ฆฏนารมฺมณาปิ กิเลสทุกสทิสา ฯ