[๕๒๔] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อารมฺมณปจฺจเยน
ปจฺจโย: ราคํ อสฺสาเทติ อภินนฺทติ ตํ อารพฺภ
ราโค … ทิฏฺฐิ วิจิกิจฺฉา อุทฺธจฺจํ … โทมนสฺสํ อุปฺปชฺชติ ทิฏฺฐึ
อสฺสาเทติ ฯ กุสลตฺติกสทิสํ ฯ วิจิกิจฺฉํ อารพฺภ … อุทฺธจฺจํ
อารพฺภ … โทมนสฺสํ อุปฺปชฺชติ ทิฏฺฐิ … วิจิกิจฺฉา … อุทฺธจฺจํ … ฯ
สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส อารมฺมณปจฺจเยน ปจฺจโย:
อริยา ปหีเน กิเลเส ปจฺจเวกฺขนฺติ วิกฺขมฺภิเต กิเลเส … ปุพฺเพ
สมุทาจิณฺเณ … สงฺกิลิฏฺเฐ ขนฺเธ อนิจฺจโต … วิปสฺสนฺติ ฯเปฯ
เจโตปริยญาเณน สงฺกิลิฏฺฐจิตฺตสมงฺคิสฺส จิตฺตํ ชานนฺติ สงฺกิลิฏฺฐา
ขนฺธา เจโตปริยญาณสฺส ปุพฺเพนิวาสานุสฺสติญาณสฺส ยถากมฺมุปคญาณสฺส
อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส อารมฺมณปจฺจเยน
ปจฺจโย: ทานํ … สีลํ … อุโปสถกมฺมํ … ปุพฺเพ ฯเปฯ
ฌานา วุฏฺฐหิตฺวา ฌานํ ปจฺจเวกฺขติ อริยา มคฺคา วุฏฺฐหิตฺวา
มคฺคํ ปจฺจเวกฺขนฺติ ฯเปฯ อาวชฺชนาย อารมฺมณปจฺจเยน ปจฺจโย
จกฺขุํ … วตฺถุํ … อสงฺกิลิฏฺเฐ ขนฺเธ อนิจฺจโต … วิปสฺสติ ฯเปฯ
ทิพฺเพน จกฺขุนา ฯเปฯ อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ อสงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส
อารมฺมณปจฺจเยน ปจฺจโย: ทานํ … สีลํ ฯเปฯ ฌานา
วุฏฺฐหิตฺวา … จกฺขุํ … วตฺถุํ … อสงฺกิลิฏฺเฐ ขนฺเธ อสฺสาเทติ
อภินนฺทติ ตํ อารพฺภ ราโค ฯเปฯ โทมนสฺสํ อุปฺปชฺชติ ฯ

[๕๒๕] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ:
ราคํ ครุํ กตฺวา อสฺสาเทติ อภินนฺทติ ตํ ครุํ กตฺวา ราโค
อุปฺปชฺชติ ทิฏฺฐิ อุปฺปชฺชติ ทิฏฺฐึ ครุํ กตฺวา อสฺสาเทติ อภินนฺทติ
ตํ ครุํ กตฺวา ราโค อุปฺปชฺชติ ทิฏฺฐิ … ฯ สหชาตาธิปติ:
สงฺกิลิฏฺฐา อธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส อธิปติปจฺจเยน ปจฺจโย:
สหชาตาธิปติ: สงฺกิลิฏฺฐา อธิปติ จิตฺตสมุฏฺฐานานํ รูปานํ อธิปติปจฺจเยน
ปจฺจโย ฯ สงฺกิลิฏฺโฐ ธมฺโม สงฺกิลิฏฺฐสฺส จ อสงฺกิลิฏฺฐสฺส
จ ธมฺมสฺส อธิปติปจฺจเยน ปจฺจโย: สหชาตาธิปติ:
สงฺกิลิฏฺฐา อธิปติ สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ อสงฺกิลิฏฺโฐ ธมฺโม อสงฺกิลิฏฺฐสฺส
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทานํ … สีลํ … อุโปสถกมฺมํ … ปุพฺเพ
ฯเปฯ ฌานา วุฏฺฐิตฺวา ฌานํ ครุํ กตฺวา ปจฺจเวกฺขติ อริยา
มคฺคา วุฏฺฐหิตฺวา มคฺคํ ครุํ กตฺวา ปจฺจเวกฺขนฺติ ฯเปฯ นิพฺพานํ
ผลสฺส อธิปติปจฺจเยน ปจฺจโย ฯ สหชาตาธิปติ: อสงฺกิลิฏฺฐา อธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ อสงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ: ทานํ … สีลํ … อุโปสถกมฺมํ …
ปุพฺเพ ฯเปฯ ฌานา วุฏฺฐหิตฺวา … จกฺขุํ … วตฺถุํ …
อสงฺกิลิฏฺเฐ ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา
ราโค อุปฺปชฺชติ ทิฏฺฐิ อุปฺปชฺชติ ฯ

[๕๒๖] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา สงฺกิลิฏฺฐา ขนฺธา ปจฺฉิมานํ
ปจฺฉิมานํ สงฺกิลิฏฺฐานํ ขนฺธานํ อนนฺตรปจฺจเยน ปจฺจโย ฯ
สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส อนนฺตรปจฺจเยน ปจฺจโย:
สงฺกิลิฏฺฐา ขนฺธา วุฏฺฐานสฺส อนนฺตรปจฺจเยน ปจฺจโย ฯ
อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส อนนฺตรปจฺจเยน ปจฺจโย:
ปุริมา ปุริมา อสงฺกิลิฏฺฐา ขนฺธา ปจฺฉิมานํ ปจฺฉิมานํ อสงฺกิลิฏฺฐานํ
ขนฺธานํ ฯเปฯ ผลสมาปตฺติยา อนนฺตรปจฺจเยน ปจฺจโย ฯ
อสงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อนนฺตรปจฺจเยน ปจฺจโย:
อาวชฺชนา สงฺกิลิฏฺฐานํ ขนฺธานํ อนนฺตรปจฺจเยน ปจฺจโย ฯ
… สมนนฺตรปจฺจเยน ปจฺจโย: จตฺตาริ สหชาตปจฺจเยน ปจฺจโย:
ปญฺจ อญฺญมญฺญปจฺจเยน ปจฺจโย: เทฺว นิสฺสยปจฺจเยน
ปจฺจโย: สตฺต ฯ

[๕๒๗] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อุปนิสฺสยปจฺจเยน
ปจฺจโย: อารมฺมณูปนิสฺสโย อนนฺตรูปนิสฺสโย ปกตูปนิสฺสโย
ฯเปฯ ปกตูปนิสฺสโย: ราคํ อุปนิสฺสาย ปาณํ หนติ
ฯเปฯ สงฺฆํ ภินฺทติ โทสํ … ปตฺถนํ อุปนิสฺสาย ปาณํ หนติ ฯเปฯ
สงฺฆํ ภินฺทติ ราโค ฯเปฯ ปตฺถนา ราคสฺส ฯเปฯ ปตฺถนาย
อุปนิสฺสยปจฺจเยน ปจฺจโย ฯ สงฺกิลิฏฺโฐ ธมฺโม อสงฺกิลิฏฺฐสฺส
ธมฺมสฺส อุปนิสฺสยปจฺจเยน ปจฺจโย: อนนฺตรูปนิสฺสโย ปกตูปนิสฺสโย
ฯเปฯ ปกตูปนิสฺสโย: ราคํ อุปนิสฺสาย ทานํ เทติ ฯเปฯ สมาปตฺตึ
อุปฺปาเทติ โทสํ … ปตฺถนํ อุปนิสฺสาย ทานํ เทติ ฯเปฯ
สมาปตฺตึ อุปฺปาเทติ ราโค … ปตฺถนา สทฺธาย ปญฺญาย กายิกสฺส
สุขสฺส กายิกสฺส ทุกฺขสฺส มคฺคสฺส ผลสมาปตฺติยา อุปนิสฺสยปจฺจเยน
ปจฺจโย ฯ อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส
อุปนิสฺสยปจฺจเยน ปจฺจโย: อารมฺมณูปนิสฺสโย อนนฺตรูปนิสฺสโย
ปกตูปนิสฺสโย ฯเปฯ ปกตูปนิสฺสโย: สทฺธํ อุปนิสฺสาย ทานํ
เทติ ฯเปฯ สมาปตฺตึ อุปฺปาเทติ สีลํ … ปญฺญํ กายิกํ สุขํ
กายิกํ ทุกฺขํ อุตุํ โภชนํ … เสนาสนํ อุปนิสฺสาย ทานํ เทติ ฯเปฯ
สมาปตฺตึ อุปฺปาเทติ สทฺธา ฯเปฯ เสนาสนํ สทฺธาย ฯเปฯ
ผลสมาปตฺติยา อุปนิสฺสยปจฺจเยน ปจฺจโย ฯ อสงฺกิลิฏฺโฐ ธมฺโม
สงฺกิลิฏฺฐสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย: สทฺธํ
อุปนิสฺสาย ปาณํ หนติ ฯเปฯ สงฺฆํ ภินฺทติ สีลํ … ปญฺญํ
กายิกํ สุขํ กายิกํ ทุกฺขํ อุตุํ โภชนํ … เสนาสนํ อุปนิสฺสาย ปาณํ
หนติ ฯเปฯ สงฺฆํ ภินฺทติ สทฺธา ฯเปฯ เสนาสนํ ราคสฺส ฯเปฯ
ปตฺถนาย อุปนิสฺสยปจฺจเยน ปจฺจโย ฯ

[๕๒๘] อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ สงฺขิตฺตํ ฯ
อสงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส ปุเรชาตปจฺจเยน ปจฺจโย:
อารมฺมณปุเรชาตํ วตฺถุปุเรชาตํ ฯ สงฺขิตฺตํ ฯ

[๕๒๙] สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส ปจฺฉาชาตปจฺจเยน
ปจฺจโย: ฯ อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส
ปจฺฉาชาตปจฺจเยน ปจฺจโย: ฯ … อาเสวนปจฺจเยน ปจฺจโย: เทฺว ฯ

[๕๓๐] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส กมฺมปจฺจเยน
ปจฺจโย: สงฺกิลิฏฺฐา เจตนา สมฺปยุตฺตกานํ ขนฺธานํ กมฺมปจฺจเยน
ปจฺจโย ฯ สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สหชาตา: สงฺกิลิฏฺฐา เจตนา
จิตฺตสมุฏฺฐานานํ รูปานํ กมฺมปจฺจเยน ปจฺจโย ฯ นานาขณิกา:
สงฺกิลิฏฺฐา เจตนา วิปากานํ ขนฺธานํ กฏตฺตา จ รูปานํ
กมฺมปจฺจเยน ปจฺจโย ฯ มูลํ สงฺกิลิฏฺฐา เจตนา สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน ปจฺจโย ฯ
อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส กมฺมปจฺจเยน ปจฺจโย:
สหชาตา นานาขณิกา ฯ สหชาตา: อสงฺกิลิฏฺฐา เจตนา
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน
ปจฺจโย ฯ นานาขณิกา: อสงฺกิลิฏฺฐา เจตนา วิปากานํ ขนฺธานํ
กฏตฺตา จ รูปานํ กมฺมปจฺจเยน ปจฺจโย ฯ

[๕๓๑] อสงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส
วิปากปจฺจเยน ปจฺจโย: เอกํ ฯ

[๕๓๒] สงฺกิลิฏฺโฐ ธมฺโม สงฺกิลิฏฺฐสฺส ธมฺมสฺส อาหารปจฺจเยน
ปจฺจโย: ฯ … อินฺทฺริยปจฺจเยน ปจฺจโย: ฌานปจฺจเยน ปจฺจโย:
มคฺคปจฺจเยน ปจฺจโย: สมฺปยุตฺตปจฺจเยน ปจฺจโย: ฯ

[๕๓๓] สงฺกิลิฏฺโฐ ธมฺโม อสงฺกิลิฏฺฐสฺส ธมฺมสฺส วิปฺปยุตฺตปจฺจเยน
ปจฺจโย: สหชาตํ ปจฺฉาชาตํ ฯ สงฺขิตฺตํ ฯ อสงฺกิลิฏฺโฐ
ธมฺโม อสงฺกิลิฏฺฐสฺส ธมฺมสฺส วิปฺปยุตฺตปจฺจเยน ปจฺจโย: สหชาตํ
ปุเรชาตํ ปจฺฉาชาตํ ฯ สงฺขิตฺตํ ฯ อสงฺกิลิฏฺโฐ ธมฺโม สงฺกิลิฏฺฐสฺส
ธมฺมสฺส วิปฺปยุตฺตปจฺจเยน ปจฺจโย: ปุเรชาตํ: วตฺถุ สงฺกิลิฏฺฐานํ
ขนฺธานํ วิปฺปยุตฺตปจฺจเยน ปจฺจโย ฯ