[๕๐๔] กิเลโส ธมฺโม กิเลสสฺส ธมฺมสฺส อตฺถิปจฺจเยน ปจฺจโย:
เอกํ ปฏิจฺจสทิสํ ฯ กิเลโส ธมฺโม โนกิเลสสฺส ธมฺมสฺส
อตฺถิปจฺจเยน ปจฺจโย: สหชาตํ ปจฺฉาชาตํ ฯ สงฺขิตฺตํ ฯ กิเลโส
ธมฺโม กิเลสสฺส จ โนกิเลสสฺส จ ธมฺมสฺส อตฺถิปจฺจเยน ปจฺจโย:
ปฏิจฺจสทิสํ ฯ โนกิเลโส ธมฺโม โนกิเลสสฺส ธมฺมสฺส อตฺถิปจฺจเยน
ปจฺจโย: สหชาตํ ปุเรชาตํ ปจฺฉาชาตํ อาหารํ อินฺทฺริยํ ฯ สงฺขิตฺตํ ฯ
โนกิเลโส ธมฺโม กิเลสสฺส ธมฺมสฺส อตฺถิปจฺจเยน ปจฺจโย: สหชาตํ
ปุเรชาตํ ฯ สงฺขิตฺตํ ฯ สหชาตํ: สหชาตสทิสํ ปุเรชาตํ: ปุเรชาตสทิสํ ฯ
โนกิเลโส ธมฺโม กิเลสสฺส จ โนกิเลสสฺส จ ธมฺมสฺส
อตฺถิปจฺจเยน ปจฺจโย: สหชาตํ ปุเรชาตํ ฯ สหชาตํ: สหชาตสทิสํ
ปุเรชาตํ: ปุเรชาตสทิสํ ฯ กิเลโส จ โนกิเลโส จ ธมฺมา กิเลสสฺส
ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ฯ สหชาโต:
โลโภ จ สมฺปยุตฺตกา จ ขนฺธา โมหสฺส ทิฏฺฐิยา ถีนสฺส อุทฺธจฺจสฺส
อหิริกสฺส อโนตฺตปฺปสฺส อตฺถิปจฺจเยน ปจฺจโย ฯ สหชาโต:
โลโภ จ วตฺถุ จ โมหสฺส ทิฏฺฐิยา ถีนสฺส อุทฺธจฺจสฺส อหิริกสฺส
อโนตฺตปฺปสฺส อตฺถิปจฺจเยน ปจฺจโย ฯ จกฺกํ ฯ กิเลโส จ โนกิเลโส
จ ธมฺมา โนกิเลสสฺส ธมฺมสฺส อตฺถิปจฺจเยน ปจฺจโย: สหชาตํ
ปุเรชาตํ ปจฺฉาชาตํ อาหารํ อินฺทฺริยํ ฯ สหชาโต: โนกิเลโส
เอโก ขนฺโธ จ กิเลโส จ ติณฺณนฺนํ ขนฺธานํ จิตฺตสมุฏฺฐานานญฺจ
รูปานํ อตฺถิปจฺจเยน ปจฺจโย ฯ สหชาตา: กิเลสา จ มหาภูตา จ
จิตฺตสมุฏฺฐานานํ รูปานํ อตฺถิปจฺจเยน ปจฺจโย ฯ สหชาตา:
กิเลสา จ วตฺถุ จ โนกิเลสานํ ขนฺธานํ อตฺถิปจฺจเยน ปจฺจโย ฯ
ปจฺฉาชาตา: กิเลสา จ สมฺปยุตฺตกา จ ขนฺธา ปุเรชาตสฺส อิมสฺส
กายสฺส อตฺถิปจฺจเยน ปจฺจโย ฯ ปจฺฉาชาตา: กิเลสา จ
สมฺปยุตฺตกา จ ขนฺธา กพฬึกาโร อาหาโร จ อิมสฺส กายสฺส
อตฺถิปจฺจเยน ปจฺจโย ฯ ปจฺฉาชาตา: กิเลสา จ สมฺปยุตฺตกา จ ขนฺธา
รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ กิเลโส จ
โนกิเลโส จ ธมฺมา กิเลสสฺส จ โนกิเลสสฺส จ ธมฺมสฺส
อตฺถิปจฺจเยน ปจฺจโย: สหชาตํ ปุเรชาตํ ฯ สหชาโต: โนกิเลโส เอโก
ขนฺโธ จ โลโภ จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ
โมหสฺส จ ทิฏฺฐิยา ถีนสฺส อุทฺธจฺจสฺส อหิริกสฺส อโนตฺตปฺปสฺส
อตฺถิปจฺจเยน ปจฺจโย ฯ สหชาโต: โลโภ จ วตฺถุ จ โมหสฺส
ทิฏฺฐิยา ถีนสฺส อุทฺธจฺจสฺส อหิริกสฺส อโนตฺตปฺปสฺส สมฺปยุตฺตกานญฺจ
ขนฺธานํ อตฺถิปจฺจเยน ปจฺจโย ฯ … นตฺถิปจฺจเยน
ปจฺจโย: วิคตปจฺจเยน ปจฺจโย: อวิคตปจฺจเยน ปจฺจโย: ฯ

[๕๐๕] เหตุยา จตฺตาริ อารมฺมเณ นว อธิปติยา นว
อนนฺตเร นว สมนนฺตเร นว สหชาเต นว อญฺญมญฺเญ
นว นิสฺสเย นว อุปนิสฺสเย นว ปุเรชาเต ตีณิ ปจฺฉาชาเต
ตีณิ อาเสวเน นว กมฺเม ตีณิ วิปาเก เอกํ อาหาเร ตีณิ
อินฺทฺริเย ตีณิ ฌาเน ตีณิ มคฺเค นว สมฺปยุตฺเต นว
วิปฺปยุตฺเต ปญฺจ อตฺถิยา นว นตฺถิยา นว วิคเต นว
อวิคเต นว ฯ

[๕๐๖] กิเลโส ธมฺโม กิเลสสฺส ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ
กิเลโส ธมฺโม โนกิเลสสฺส ธมฺมสฺส อารมฺมณปจฺจเยน ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ปจฺฉาชาตปจฺจเยน
ปจฺจโย: ฯ กิเลโส ธมฺโม กิเลสสฺส จ โนกิเลสสฺส จ
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ฯ โนกิเลโส ธมฺโม โนกิเลสสฺส ธมฺมสฺส
อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ปุเรชาตปจฺจเยน ปจฺจโย: ปจฺฉาชาตปจฺจเยน
ปจฺจโย: กมฺมปจฺจเยน ปจฺจโย: อาหารปจฺจเยน ปจฺจโย:
อินฺทฺริยปจฺจเยน ปจฺจโย: ฯ โนกิเลโส ธมฺโม กิเลสสฺส ธมฺมสฺส
อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ปุเรชาตปจฺจเยน ปจฺจโย: ฯ โนกิเลโส ธมฺโม
กิเลสสฺส จ โนกิเลสสฺส จ ธมฺมสฺส อารมฺมณปจฺจเยน ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน
ปจฺจโย: ฯ กิเลโส จ โนกิเลโส จ ธมฺมา กิเลสสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ฯ กิเลโส จ โนกิเลโส จ ธมฺมา
โนกิเลสสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ปจฺฉาชาตปจฺจเยน ปจฺจโย:
อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ กิเลโส จ
โนกิเลโส จ ธมฺมา กิเลสสฺส จ โนกิเลสสฺส จ ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ฯ

[๕๐๗] นเหตุยา นว นอารมฺมเณ นว นอธิปติยา นว
สพฺพตฺถ นว โนอวิคเต นว ฯ

[๕๐๘] เหตุปจฺจยา นอารมฺมเณ จตฺตาริ … นอธิปติยา จตฺตาริ
นอนนฺตเร จตฺตาริ นสมนนฺตเร จตฺตาริ นอญฺญมญฺเญ เทฺว
นอุปนิสฺสเย จตฺตาริ สพฺพตฺถ จตฺตาริ นสมฺปยุตฺเต เทฺว
นวิปฺปยุตฺเต จตฺตาริ โนนตฺถิยา จตฺตาริ โนวิคเต จตฺตาริ ฯ

[๕๐๙] นเหตุปจฺจยา อารมฺมเณ นว … อธิปติยา นว ฯ
อนุโลมมาติกา กาตพฺพา ฯ … อวิคเต นว ฯ
กิเลสทุกํ นิฏฺฐิตํ ฯ
___________________
สงฺกิเลสิกทุกํ
ปฏิจฺจวาโร

[๕๑๐] สงฺกิเลสิกํ ธมฺมํ ปฏิจฺจ สงฺกิเลสิโก ธมฺโม อุปฺปชฺชติ
เหตุปจฺจยา: ฯ ยถา โลกิยทุกํ เอวํ นินฺนานากรณํ ฯ
___________________
สงฺกิลิฏฺฐทุกํ
ปฏิจฺจวาโร

[๕๑๑] สงฺกิลิฏฺฐํ ธมฺมํ ปฏิจฺจ สงฺกิลิฏฺโฐ ธมฺโม อุปฺปชฺชติ
เหตุปจฺจยา: สงฺกิลิฏฺฐํ เอกํ ขนฺธํ ปฏิจฺจ ตโย ขนฺธา เทฺว
ขนฺเธ … ฯ สงฺกิลิฏฺฐํ ธมฺมํ ปฏิจฺจ อสงฺกิลิฏฺโฐ ธมฺโม อุปฺปชฺชติ
เหตุปจฺจยา: สงฺกิลิฏฺเฐ ขนฺเธ ปฏิจฺจ จิตฺตสมุฏฺฐานํ รูปํ ฯ
สงฺกิลิฏฺฐํ ธมฺมํ ปฏิจฺจ สงฺกิลิฏฺโฐ จ อสงฺกิลิฏฺโฐ จ ธมฺมา
อุปฺปชฺชนฺติ เหตุปจฺจยา: สงฺกิลิฏฺฐํ เอกํ ขนฺธํ ปฏิจฺจ ตโย
ขนฺธา จิตฺตสมุฏฺฐานญฺจ รูปํ เทฺว ขนฺเธ … ฯ อสงฺกิลิฏฺฐํ ธมฺมํ
ปฏิจฺจ อสงฺกิลิฏฺโฐ ธมฺโม อุปฺปชฺชติ เหตุปจฺจยา: อสงฺกิลิฏฺฐํ
เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว
ขนฺเธ … ปฏิสนฺธิกฺขเณ ขนฺเธ ปฏิจฺจ วตฺถุ วตฺถุํ ปฏิจฺจ
ขนฺธา เอกํ มหาภูตํ … ฯ สงฺกิลิฏฺฐญฺจ อสงฺกิลิฏฺฐญฺจ ธมฺมํ
ปฏิจฺจ อสงฺกิลิฏฺโฐ ธมฺโม อุปฺปชฺชติ เหตุปจฺจยา: สงฺกิลิฏฺเฐ
ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํ ฯ สงฺขิตฺตํ ฯ

[๕๑๒] เหตุยา ปญฺจ อารมฺมเณ เทฺว อธิปติยา ปญฺจ
อนนฺตเร เทฺว สมนนฺตเร เทฺว สหชาเต ปญฺจ อญฺญมญฺเญ
เทฺว นิสฺสเย ปญฺจ อุปนิสฺสเย เทฺว ปุเรชาเต เทฺว อาเสวเน
เทฺว กมฺเม ปญฺจ วิปาเก เอกํ อาหาเร ปญฺจ ฯ สงฺขิตฺตํ ฯ
อวิคเต ปญฺจ ฯ

[๕๑๓] สงฺกิลิฏฺฐํ ธมฺมํ ปฏิจฺจ สงฺกิลิฏฺโฐ ธมฺโม อุปฺปชฺชติ
นเหตุปจฺจยา: วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ
วิจิกิจฺฉาสหคโต อุทฺธจฺจสหคโต โมโห ฯ อสงฺกิลิฏฺฐํ ธมฺมํ ปฏิจฺจ
อสงฺกิลิฏฺโฐ ธมฺโม อุปฺปชฺชติ นเหตุปจฺจยา: อเหตุกํ อสงฺกิลิฏฺฐํ
เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ เทฺว
ขนฺเธ … อเหตุกปฏิสนฺธิ เทฺว ยาว อสญฺญสตฺตา ฯ