[๔๙๔] กิเลโส ธมฺโม กิเลสสฺส ธมฺมสฺส เหตุปจฺจเยน ปจฺจโย:
กิเลสา เหตู สมฺปยุตฺตกานํ กิเลสานํ เหตุปจฺจเยน ปจฺจโย ฯ
มูลํ ปุจฺฉิตพฺพํ กิเลสา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ฯ มูลํ ปุจฺฉิตพฺพํ กิเลสา
เหตู สมฺปยุตฺตกานํ ขนฺธานํ กิเลสานํ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ฯ โนกิเลโส ธมฺโม โนกิเลสสฺส ธมฺมสฺส
เหตุปจฺจเยน ปจฺจโย: โนกิเลสา เหตู สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ปฏิสนฺธิ ฯ

[๔๙๕] กิเลโส ธมฺโม กิเลสสฺส ธมฺมสฺส อารมฺมณปจฺจเยน
ปจฺจโย: กิเลเส อารพฺภ กิเลสา อุปฺปชฺชนฺติ ฯ มูลํ ปุจฺฉิตพฺพํ
กิเลเส อารพฺภ โนกิเลสา อุปฺปชฺชนฺติ ฯ มูลํ ปุจฺฉิตพฺพํ กิเลเส
อารพฺภ กิเลสา จ สมฺปยุตฺตกา จ ขนฺธา อุปฺปชฺชนฺติ ฯ โนกิเลโส
ธมฺโม โนกิเลสสฺส ธมฺมสฺส อารมฺมณปจฺจเยน ปจฺจโย: ทานํ …
สีลํ … อุโปสถกมฺมํ … ปุพฺเพ สุจิณฺณานิ … ฌานา
วุฏฺฐหิตฺวา ฌานํ ปจฺจเวกฺขติ อสฺสาเทติ อภินนฺทติ ตํ อารพฺภ
ราโค … ทิฏฺฐิ วิจิกิจฺฉา อุทฺธจฺจํ … โทมนสฺสํ อุปฺปชฺชติ อริยา
มคฺคา วุฏฺฐหิตฺวา ฯเปฯ ผลสฺส อาวชฺชนาย อารมฺมณปจฺจเยน
ปจฺจโย จกฺขุํ … วตฺถุํ … โนกิเลเส ขนฺเธ อนิจฺจโต ฯเปฯ
โทมนสฺสํ อุปฺปชฺชติ ทิพฺเพน จกฺขุนา รูปํ ปสฺสติ ทิพฺพาย
โสตธาตุยา ฯเปฯ อนาคตํสญาณสฺส อาวชฺชนาย อารมฺมณปจฺจเยน
ปจฺจโย ฯ โนกิเลโส ธมฺโม กิเลสสฺส ธมฺมสฺส อารมฺมณปจฺจเยน
ปจฺจโย: ทานํ ฯเปฯ ฌานา วุฏฺฐหิตฺวา ฌานํ อสฺสาเทติ
อภินนฺทติ ตํ อารพฺภ ราโค … ทิฏฺฐิ … วิจิกิจฺฉา … อุทฺธจฺจํ ฯเปฯ
ฌาเน ปริหีเน วิปฺปฏิสาริสฺส โทมนสฺสํ อุปฺปชฺชติ จกฺขุํ … วตฺถุํ …
โนกิเลเส ขนฺเธ อสฺสาเทติ อภินนฺทติ ตํ อารพฺภ ราโค ฯเปฯ
โทมนสฺสํ … ฯ โนกิเลโส ธมฺโม กิเลสสฺส จ โนกิเลสสฺส จ
ธมฺมสฺส อารมฺมณปจฺจเยน ปจฺจโย: ทานํ ฯเปฯ ฌานา วุฏฺฐหิตฺวา
ฯเปฯ จกฺขุํ … วตฺถุํ … โนกิเลเส ขนฺเธ อสฺสาเทติ อภินนฺทติ
ตํ อารพฺภ กิเลสา จ สมฺปยุตฺตกา จ ขนฺธา อุปฺปชฺชนฺติ ฯ
กิเลโส จ โนกิเลโส จ ธมฺมา กิเลสสฺส ธมฺมสฺส อารมฺมณปจฺจเยน
ปจฺจโย: ตีณิ ฯ

[๔๙๖] กิเลโส ธมฺโม กิเลสสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ: กิเลเส ครุํ กตฺวา กิเลสา อุปฺปชฺชนฺติ ฯ
ตีณิ อารมฺมณาธิปติเยว ฯ โนกิเลโส ธมฺโม โนกิเลสสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ:
ทานํ … สีลํ … อุโปสถกมฺมํ กตฺวา ตํ ครุํ กตฺวา ปจฺจเวกฺขติ
อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ
อุปฺปชฺชติ ปุพฺเพ … ฌานา … อริยา มคฺคา วุฏฺฐหิตฺวา มคฺคํ ครุํ
กตฺวา ฯเปฯ ผลสฺส อธิปติปจฺจเยน ปจฺจโย จกฺขุํ … วตฺถุํ …
โนกิเลเส ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา
ราโค อุปฺปชฺชติ ทิฏฺฐิ … ฯ สหชาตาธิปติ: โนกิเลสา อธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ โนกิเลโส ธมฺโม กิเลสสฺส ธมฺมสฺส อธิปติปจฺจเยน
ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ: ทานํ
ฯเปฯ ฌานํ … จกฺขุํ … วตฺถุํ … โนกิเลเส ขนฺเธ ครุํ กตฺวา
อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ … ฯ
สหชาตาธิปติ: โนกิเลสา อธิปติ สมฺปยุตฺตกานํ กิเลสานํ อธิปติปจฺจเยน
ปจฺจโย ฯ โนกิเลโส ธมฺโม กิเลสสฺส จ โนกิเลสสฺส จ
ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทานํ ฯเปฯ ฌานํ … จกฺขุํ … วตฺถุํ … โนกิเลเส
ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา กิเลสา จ
สมฺปยุตฺตกา จ ขนฺธา อุปฺปชฺชนฺติ ฯ สหชาตาธิปติ: โนกิเลสา
อธิปติ สมฺปยุตฺตกานํ ขนฺธานํ กิเลสานญฺจ จิตฺตสมุฏฺฐานานญฺจ รูปานํ
อธิปติปจฺจเยน ปจฺจโย ฯ กิเลโส จ โนกิเลโส จ ธมฺมา กิเลสสฺส
ธมฺมสฺส อธิปติปจฺจเยน ปจฺจโย: ตีณิ อารมฺมณาธิปติเยว ฯ

[๔๙๗] กิเลโส ธมฺโม กิเลสสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา กิเลสา ปจฺฉิมานํ ปจฺฉิมานํ กิเลสานํ
อนนฺตรปจฺจเยน ปจฺจโย ฯ มูลํ ปุริมา ปุริมา กิเลสา ปจฺฉิมานํ
ปจฺฉิมานํ โนกิเลสานํ ขนฺธานํ อนนฺตรปจฺจเยน ปจฺจโย กิเลสา
วุฏฺฐานสฺส อนนฺตรปจฺจเยน ปจฺจโย ฯ มูลํ ปุริมา ปุริมา กิเลสา
ปจฺฉิมานํ ปจฺฉิมานํ กิเลสานํ สมฺปยุตฺตกานญฺจ ขนฺธานํ อนนฺตรปจฺจเยน
ปจฺจโย ฯ โนกิเลโส ธมฺโม โนกิเลสสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา โนกิเลสา ขนฺธา ปจฺฉิมานํ
ปจฺฉิมานํ โนกิเลสานํ อนนฺตรปจฺจเยน ปจฺจโย ฯเปฯ ผลสมาปตฺติยา
อนนฺตรปจฺจเยน ปจฺจโย ฯ มูลํ ปุริมา ปุริมา โนกิเลสา ขนฺธา
ปจฺฉิมานํ ปจฺฉิมานํ กิเลสานํ อนนฺตรปจฺจเยน ปจฺจโย อาวชฺชนา
กิเลสานํ อนนฺตรปจฺจเยน ปจฺจโย ฯ มูลํ ปุริมา ปุริมา โนกิเลสา
ขนฺธา ปจฺฉิมานํ ปจฺฉิมานํ กิเลสานํ สมฺปยุตฺตกานญฺจ ขนฺธานํ
อนนฺตรปจฺจเยน ปจฺจโย อาวชฺชนา กิเลสานํ สมฺปยุตฺตกานญฺจ
ขนฺธานํ อนนฺตรปจฺจเยน ปจฺจโย ฯ กิเลโส จ โนกิเลโส จ
ธมฺมา กิเลสสฺส ธมฺมสฺส อนนฺตรปจฺจเยน ปจฺจโย: ปุริมา ปุริมา
กิเลสา จ สมฺปยุตฺตกา จ ขนฺธา ปจฺฉิมานํ ปจฺฉิมานํ กิเลสานํ
อนนฺตรปจฺจเยน ปจฺจโย ฯ มูลํ ปุริมา ปุริมา กิเลสา จ
สมฺปยุตฺตกา จ ขนฺธา ปจฺฉิมานํ ปจฺฉิมานํ โนกิเลสานํ อนนฺตรปจฺจเยน
ปจฺจโย กิเลสา จ สมฺปยุตฺตกา จ ขนฺธา วุฏฺฐานสฺส
อนนฺตรปจฺจเยน ปจฺจโย ฯ มูลํ ปุริมา ปุริมา กิเลสา จ
สมฺปยุตฺตกา จ ขนฺธา ปจฺฉิมานํ ปจฺฉิมานํ กิเลสานํ สมฺปยุตฺตกานญฺจ
ขนฺธานํ อนนฺตรปจฺจเยน ปจฺจโย ฯ … สมนนฺตรปจฺจเยน
ปจฺจโย สหชาตปจฺจเยน ปจฺจโย: อญฺญมญฺญปจฺจเยน ปจฺจโย:
นิสฺสยปจฺจเยน ปจฺจโย: ฯ

[๔๙๘] กิเลโส ธมฺโม กิเลสสฺส ธมฺมสฺส อุปนิสฺสยปจฺจเยน
ปจฺจโย: อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯเปฯ
ปกตูปนิสฺสโย: กิเลสา กิเลสานํ … ตีณิ ฯ โนกิเลโส ธมฺโม
โนกิเลสสฺส ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย: สทฺธํ
อุปนิสฺสาย ทานํ เทติ มานํ ชปฺเปติ ทิฏฺฐึ คณฺหาติ สีลํ ฯเปฯ
ปญฺญํ … ราคํ โทสํ โมหํ มานํ ทิฏฺฐึ ปตฺถนํ กายิกํ สุขํ … เสนาสนํ
อุปนิสฺสาย ทานํ เทติ ฯเปฯ สงฺฆํ ภินฺทติ สทฺธา ฯเปฯ
เสนาสนํ สทฺธาย ฯเปฯ ผลสมาปตฺติยา อุปนิสฺสยปจฺจเยน ปจฺจโย ฯ
โนกิเลโส ธมฺโม กิเลสสฺส ธมฺมสฺส อุปนิสฺสยปจฺจเยน ปจฺจโย:
อารมฺมณูปนิสฺสโย อนนฺตรูปนิสฺสโย ปกตูปนิสฺสโย ฯเปฯ
ปกตูปนิสฺสโย: สทฺธํ อุปนิสฺสาย มานํ ชปฺเปติ ทิฏฺฐึ คณฺหาติ สีลํ
ฯเปฯ เสนาสนํ อุปนิสฺสาย ปาณํ หนติ ฯเปฯ สงฺฆํ ภินฺทติ
สทฺธา ฯเปฯ เสนาสนํ กิเลสานํ อุปนิสฺสยปจฺจเยน ปจฺจโย ฯ
โนกิเลโส ธมฺโม กิเลสสฺส จ โนกิเลสสฺส จ ธมฺมสฺส อุปนิสฺสยปจฺจเยน
ปจฺจโย: อารมฺมณูปนิสฺสโย อนนฺตรูปนิสฺสโย ปกตูปนิสฺสโย
ฯเปฯ ปกตูปนิสฺสโย: สทฺธํ อุปนิสฺสาย มานํ ชปฺเปติ ทิฏฺฐึ
คณฺหาติ สีลํ ฯเปฯ เสนาสนํ อุปนิสฺสาย ปาณํ หนติ ฯเปฯ
สงฺฆํ ภินฺทติ สทฺธา ฯเปฯ เสนาสนํ กิเลสานํ สมฺปยุตฺตกานญฺจ
ขนฺธานํ อุปนิสฺสยปจฺจเยน ปจฺจโย ฯ กิเลโส จ โนกิเลโส จ
ธมฺมา กิเลสสฺส ธมฺมสฺส อุปนิสฺสยปจฺจเยน ปจฺจโย: ตีณิ ฯ

[๔๙๙] โนกิเลโส ธมฺโม โนกิเลสสฺส ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ … วตฺถุํ อนิจฺจโต ฯเปฯ โทมนสฺสํ อุปฺปชฺชติ ทิพฺเพน
จกฺขุนา รูปํ ปสฺสติ ทิพฺพาย โสตธาตุยา สทฺทํ สุณาติ รูปายตนํ
จกฺขุวิญฺญาณสฺส โผฏฺฐพฺพายตนํ … ฯ วตฺถุปุเรชาตํ: วตฺถุ
โนกิเลสานํ ขนฺธานํ ปุเรชาตปจฺจเยน ปจฺจโย ฯ โนกิเลโส ธมฺโม
กิเลสสฺส ธมฺมสฺส ปุเรชาตปจฺจเยน ปจฺจโย: อารมฺมณปุเรชาตํ
วตฺถุปุเรชาตํ ฯ อารมฺมณปุเรชาตํ: จกฺขุํ … วตฺถุํ อสฺสาเทติ
อภินนฺทติ ตํ อารพฺภ ราโค ฯเปฯ โทมนสฺสํ อุปฺปชฺชติ ฯ
วตฺถุปุเรชาตํ: วตฺถุ กิเลสานํ ปุเรชาตปจฺจเยน ปจฺจโย ฯ โนกิเลโส
ธมฺโม กิเลสสฺส จ โนกิเลสสฺส จ ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ
จกฺขุํ … วตฺถุํ อสฺสาเทติ อภินนฺทติ ตํ อารพฺภ กิเลสา จ
สมฺปยุตฺตกา จ ขนฺธา อุปฺปชฺชนฺติ ฯ วตฺถุปุเรชาตํ: วตฺถุ
กิเลสานํ สมฺปยุตฺตกานญฺจ ขนฺธานํ ปุเรชาตปจฺจเยน ปจฺจโย ฯ

[๕๐๐] กิเลโส ธมฺโม โนกิเลสสฺส ธมฺมสฺส ปจฺฉาชาตปจฺจเยน
ปจฺจโย: ฯ สงฺขิตฺตํ ฯ โนกิเลโส ธมฺโม โนกิเลสสฺส ธมฺมสฺส
ปจฺฉาชาตปจฺจเยน ปจฺจโย: ฯ สงฺขิตฺตํ ฯ กิเลโส จ โนกิเลโส จ
ธมฺมา โนกิเลสสฺส ธมฺมสฺส ปจฺฉาชาตปจฺจเยน ปจฺจโย: ฯ
สงฺขิตฺตํ ฯ … อาเสวนปจฺจเยน ปจฺจโย: นว ฯ

[๕๐๑] โนกิเลโส ธมฺโม โนกิเลสสฺส ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สหชาตา: โนกิเลสา เจตนา
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ กมฺมปจฺจเยน
ปจฺจโย ฯ นานาขณิกา: โนกิเลสา เจตนา วิปากานํ ขนฺธานํ
กฏตฺตา จ รูปานํ กมฺมปจฺจเยน ปจฺจโย ฯ โนกิเลโส ธมฺโม
กิเลสสฺส ธมฺมสฺส กมฺมปจฺจเยน ปจฺจโย: โนกิเลสา เจตนา
กิเลสานํ กมฺมปจฺจเยน ปจฺจโย ฯ โนกิเลโส ธมฺโม กิเลสสฺส จ
โนกิเลสสฺส จ ธมฺมสฺส กมฺมปจฺจเยน ปจฺจโย: โนกิเลสา เจตนา
สมฺปยุตฺตกานํ ขนฺธานํ กิเลสานํ จิตฺตสมุฏฺฐานานญฺจ รูปานํ
กมฺมปจฺจเยน ปจฺจโย ฯ

[๕๐๒] โนกิเลโส ธมฺโม โนกิเลสสฺส ธมฺมสฺส วิปากปจฺจเยน
ปจฺจโย: เอกํ ฯ … อาหารปจฺจเยน ปจฺจโย: ตีณิ อินฺทฺริยปจฺจเยน
ปจฺจโย: ตีณิ ฌานปจฺจเยน ปจฺจโย: ตีณิ มคฺคปจฺจเยน
ปจฺจโย: นว สมฺปยุตฺตปจฺจเยน ปจฺจโย: นว ฯ

[๕๐๓] กิเลโส ธมฺโม โนกิเลสสฺส ธมฺมสฺส วิปฺปยุตฺตปจฺจเยน
ปจฺจโย: สหชาตํ ปจฺฉาชาตํ ฯ สงฺขิตฺตํ ฯ โนกิเลโส ธมฺโม
โนกิเลสสฺส ธมฺมสฺส วิปฺปยุตฺตปจฺจเยน ปจฺจโย: สหชาตํ ปุเรชาตํ
ปจฺฉาชาตํ ฯ สงฺขิตฺตํ ฯ โนกิเลโส ธมฺโม กิเลสสฺส ธมฺมสฺส
วิปฺปยุตฺตปจฺจเยน ปจฺจโย: ปุเรชาตํ: วตฺถุ กิเลสานํ วิปฺปยุตฺตปจฺจเยน
ปจฺจโย ฯ โนกิเลโส ธมฺโม กิเลสสฺส จ โนกิเลสสฺส จ
ธมฺมสฺส วิปฺปยุตฺตปจฺจเยน ปจฺจโย: ปุเรชาตํ: วตฺถุ กิเลสานํ
สมฺปยุตฺตกานญฺจ ขนฺธานํ วิปฺปยุตฺตปจฺจเยน ปจฺจโย ฯ กิเลโส จ
โนกิเลโส จ ธมฺมา โนกิเลสสฺส ธมฺมสฺส วิปฺปยุตฺตปจฺจเยน ปจฺจโย:
สหชาตํ ปจฺฉาชาตํ ฯ สงฺขิตฺตํ วิตฺถาเรตพฺพํ ฯ