[๔๘๔] กิเลสํ ธมฺมํ ปฏิจฺจ โนกิเลโส ธมฺโม อุปฺปชฺชติ
นกมฺมปจฺจยา: กิเลเส ปฏิจฺจ สมฺปยุตฺตกา เจตนา ฯ โนกิเลสํ
ธมฺมํ ปฏิจฺจ โนกิเลโส ธมฺโม อุปฺปชฺชติ นกมฺมปจฺจยา: โนกิเลเส
ขนฺเธ ปฏิจฺจ สมฺปยุตฺตกา เจตนา พาหิรํ … อาหารสมุฏฺฐานํ …
อุตุสมุฏฺฐานํ … ฯเปฯ กิเลสญฺจ โนกิเลสญฺจ ธมฺมํ ปฏิจฺจ โนกิเลโส
ธมฺโม อุปฺปชฺชติ นกมฺมปจฺจยา: กิเลเส จ สมฺปยุตฺตเก จ ขนฺเธ
ปฏิจฺจ สมฺปยุตฺตกา เจตนา ฯ เอวํ สพฺเพ ปจฺจยา กาตพฺพา ฯ

[๔๘๕] นเหตุยา จตฺตาริ นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ
นอุปนิสฺสเย ตีณิ นปุเรชาเต นว นปจฺฉาชาเต นว นอาเสวเน
นว นกมฺเม ตีณิ นวิปาเก นว นอาหาเร เอกํ นอินฺทฺริเย
เอกํ นฌาเน เอกํ นมคฺเค เอกํ นสมฺปยุตฺเต ตีณิ
นวิปฺปยุตฺเต นว โนนตฺถิยา ตีณิ โนวิคเต ตีณิ ฯ
เอวํ อิตเร เทฺว คณนาปิ สหชาตวาโรปิ กาตพฺพา ฯ
ปจฺจยวาโร

[๔๘๖] กิเลสํ ธมฺมํ ปจฺจยา กิเลโส ธมฺโม อุปฺปชฺชติ เหตุปจฺจยา:
ตีณิ ปฏิจฺจสทิสา ฯ โนกิเลสํ ธมฺมํ ปจฺจยา โนกิเลโส
ธมฺโม อุปฺปชฺชติ เหตุปจฺจยา: โนกิเลสํ เอกํ ขนฺธํ ปจฺจยา ตโย
ขนฺธา ยาว อชฺฌตฺติกา มหาภูตา วตฺถุํ ปจฺจยา โนกิเลสา
ขนฺธา ฯ โนกิเลสํ ธมฺมํ ปจฺจยา กิเลโส ธมฺโม อุปฺปชฺชติ
เหตุปจฺจยา: โนกิเลเส ขนฺเธ ปจฺจยา กิเลสา วตฺถุํ ปจฺจยา
กิเลสา ฯ โนกิเลสํ ธมฺมํ ปจฺจยา กิเลโส จ โนกิเลโส จ
ธมฺมา อุปฺปชฺชนฺติ เหตุปจฺจยา: โนกิเลสํ เอกํ ขนฺธํ ปจฺจยา
ตโย ขนฺธา กิเลสา จ จิตฺตสมุฏฺฐานญฺจ รูปํ เทฺว ขนฺเธ …
วตฺถุํ ปจฺจยา กิเลสา มหาภูเต ปจฺจยา จิตฺตสมุฏฺฐานํ รูปํ
วตฺถุํ ปจฺจยา กิเลสา จ สมฺปยุตฺตกา จ ขนฺธา ฯ กิเลสญฺจ
โนกิเลสญฺจ ธมฺมํ ปจฺจยา กิเลโส ธมฺโม อุปฺปชฺชติ เหตุปจฺจยา:
โลภญฺจ สมฺปยุตฺตเก จ ขนฺเธ ปจฺจยา โมโห ทิฏฺฐิ ถีนํ อุทฺธจฺจํ
อหิริกํ อโนตฺตปฺปํ ฯ จกฺกํ ฯ โลภญฺจ วตฺถุญฺจ ปจฺจยา กิเลสา ฯ
กิเลสญฺจ โนกิเลสญฺจ ธมฺมํ ปจฺจยา โนกิเลโส ธมฺโม อุปฺปชฺชติ
เหตุปจฺจยา: โนกิเลสํ เอกํ ขนฺธญฺจ กิเลสญฺจ ปจฺจยา ตโย
ขนฺธา จิตฺตสมุฏฺฐานญฺจ รูปํ เทฺว ขนฺเธ … กิเลเส จ มหาภูเต จ
ปจฺจยา จิตฺตสมุฏฺฐานํ รูปํ กิเลเส จ วตฺถุญฺจ ปจฺจยา โนกิเลสา
ขนฺธา ฯ กิเลสญฺจ โนกิเลสญฺจ ธมฺมํ ปจฺจยา กิเลโส จ โนกิเลโส จ
ธมฺมา อุปฺปชฺชนฺติ เหตุปจฺจยา: โนกิเลสํ เอกํ ขนฺธญฺจ โลภญฺจ
ปจฺจยา ตโย ขนฺธา โมโห ทิฏฺฐิ ถีนํ อุทฺธจฺจํ อหิริกํ อโนตฺตปฺปํ
จิตฺตสมุฏฺฐานญฺจ รูปํ เทฺว ขนฺเธ … ฯ จกฺกํ ฯ โลภญฺจ วตฺถุญฺจ
ปจฺจยา โมโห ทิฏฺฐิ ถีนํ อุทฺธจฺจํ อหิริกํ อโนตฺตปฺปํ
สมฺปยุตฺตกา จ ขนฺธา ฯ จกฺกํ ฯ
อารมฺมณปจฺจเย โนกิเลสมูเล ปญฺจ วิญฺญาณา กาตพฺพา ฯ

[๔๘๗] เหตุยา นว อารมฺมเณ นว อธิปติยา นว สพฺพตฺถ
นว วิปาเก เอกํ อวิคเต นว ฯ

[๔๘๘] กิเลสํ ธมฺมํ ปจฺจยา กิเลโส ธมฺโม อุปฺปชฺชติ
นเหตุปจฺจยา: วิจิกิจฺฉํ ปจฺจยา วิจิกิจฺฉาสหคโต โมโห อุทฺธจฺจํ
ปจฺจยา อุทฺธจฺจสหคโต โมโห ฯ โนกิเลสํ ธมฺมํ ปจฺจยา โนกิเลโส
ธมฺโม อุปฺปชฺชติ นเหตุปจฺจยา: ยาว อสญฺญสตฺตา จกฺขายตนํ
ปจฺจยา จกฺขุวิญฺญาณํ กายายตนํ … วตฺถุํ ปจฺจยา อเหตุกา
โนกิเลสา ขนฺธา ฯ โนกิเลสํ ธมฺมํ ปจฺจยา กิเลโส ธมฺโม
อุปฺปชฺชติ นเหตุปจฺจยา: วิจิกิจฺฉาสหคเต อุทฺธจฺจสหคเต ขนฺเธ จ
วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห ฯ กิเลสญฺจ
โนกิเลสญฺจ ธมฺมํ ปจฺจยา กิเลโส ธมฺโม อุปฺปชฺชติ นเหตุปจฺจยา:
วิจิกิจฺฉญฺจ สมฺปยุตฺตเก จ ขนฺเธ วตฺถุญฺจ ปจฺจยา วิจิกิจฺฉาสหคโต
โมโห อุทฺธจฺจญฺจ สมฺปยุตฺตเก จ ขนฺเธ วตฺถุญฺจ
ปจฺจยา อุทฺธจฺจสหคโต โมโห ฯ สงฺขิตฺตํ ฯ

[๔๘๙] นเหตุยา จตฺตาริ นอารมฺมเณ ตีณิ นอธิปติยา
นว ฯเปฯ นกมฺเม ตีณิ นวิปาเก นว นอาหาเร เอกํ
โนวิคเต ตีณิ ฯ
เอวํ อิตเร เทฺว คณนาปิ นิสฺสยวาโรปิ กาตพฺพา ฯ
สํสฏฺฐวาโร

[๔๙๐] กิเลสํ ธมฺมํ สํสฏฺโฐ กิเลโส ธมฺโม อุปฺปชฺชติ
เหตุปจฺจยา: โลภํ สํสฏฺโฐ โมโห ทิฏฺฐิ ถีนํ อุทฺธจฺจํ อหิริกํ
อโนตฺตปฺปํ ฯ จกฺกํ ฯ เอวํ นว ปญฺหา กาตพฺพา ฯ

[๔๙๑] เหตุยา นว อารมฺมเณ นว สพฺพตฺถ นว วิปาเก
เอกํ อวิคเต นว ฯ

[๔๙๒] กิเลสํ ธมฺมํ สํสฏฺโฐ กิเลโส ธมฺโม อุปฺปชฺชติ
นเหตุปจฺจยา: เอวํ นเหตุปญฺหา จตฺตาริ กาตพฺพา ฯ

[๔๙๓] นเหตุยา จตฺตาริ นอธิปติยา นว นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก นว
นฌาเน เอกํ นมคฺเค เอกํ นวิปฺปยุตฺเต นว ฯ
เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
ปญฺหาวาโร