[๔๕๔] อุปาทานสมฺปยุตฺโต ธมฺโม อุปาทานสมฺปยุตฺตสฺส ธมฺมสฺส
อตฺถิปจฺจเยน ปจฺจโย: เอกํ ปฏิจฺจสทิสํ ฯ อุปาทานสมฺปยุตฺโต
ธมฺโม อุปาทานวิปฺปยุตฺตสฺส ธมฺมสฺส อตฺถิปจฺจเยน ปจฺจโย:
สหชาตํ ปจฺฉาชาตํ ฯ สงฺขิตฺตํ ฯ อุปาทานสมฺปยุตฺโต ธมฺโม
อุปาทานสมฺปยุตฺตสฺส จ อุปาทานวิปฺปยุตฺตสฺส จ ธมฺมสฺส
อตฺถิปจฺจเยน ปจฺจโย: ปฏิจฺจสทิสํ ฯ อุปาทานวิปฺปยุตฺโต ธมฺโม
อุปาทานวิปฺปยุตฺตสฺส ธมฺมสฺส อตฺถิปจฺจเยน ปจฺจโย: สหชาตํ
ปุเรชาตํ ปจฺฉาชาตํ อาหารํ อินฺทฺริยํ ฯ สงฺขิตฺตํ ฯ อุปาทานวิปฺปยุตฺโต
ธมฺโม อุปาทานสมฺปยุตฺตสฺส ธมฺมสฺส อตฺถิปจฺจเยน
ปจฺจโย: สหชาตํ ปุเรชาตํ ฯ สงฺขิตฺตํ ฯ อุปาทานวิปฺปยุตฺโต
ธมฺโม อุปาทานสมฺปยุตฺตสฺส จ อุปาทานวิปฺปยุตฺตสฺส จ ธมฺมสฺส
อตฺถิปจฺจเยน ปจฺจโย: สหชาตํ ปุเรชาตํ ฯ อิเมสุ สหชาตํ:
สหชาตสทิสํ ปุเรชาตํ: ปุเรชาตสทิสํ ฯ อุปาทานสมฺปยุตฺโต จ
อุปาทานวิปฺปยุตฺโต จ ธมฺมา อุปาทานสมฺปยุตฺตสฺส ธมฺมสฺส
อตฺถิปจฺจเยน ปจฺจโย: สหชาตํ ปุเรชาตํ ฯ สหชาโต:
อุปาทานสมฺปยุตฺโต เอโก ขนฺโธ จ วตฺถุ จ ติณฺณนฺนํ ขนฺธานํ
อตฺถิปจฺจเยน ปจฺจโย เทฺว ขนฺธา … ฯ สหชาโต:
ทิฏฺฐิคตวิปฺปยุตฺตโลภสหคโต เอโก ขนฺโธ จ โลโภ จ ติณฺณนฺนํ ขนฺธานํ
อตฺถิปจฺจเยน ปจฺจโย เทฺว ขนฺธา … ฯ อุปาทานสมฺปยุตฺโต จ
อุปาทานวิปฺปยุตฺโต จ ธมฺมา อุปาทานวิปฺปยุตฺตสฺส ธมฺมสฺส
อตฺถิปจฺจเยน ปจฺจโย: สหชาตํ ปุเรชาตํ ปจฺฉาชาตํ อาหารํ อินฺทฺริยํ ฯ
สหชาตา: อุปาทานสมฺปยุตฺตา ขนฺธา จ มหาภูตา จ จิตฺตสมุฏฺฐานานํ
รูปานํ อตฺถิปจฺจเยน ปจฺจโย ฯ สหชาตา: ทิฏฺฐิคตวิปฺปยุตฺตโลภสหคตา
ขนฺธา จ โลโภ จ จิตฺตสมุฏฺฐานานํ รูปานํ
อตฺถิปจฺจเยน ปจฺจโย ฯ สหชาตา: ทิฏฺฐิคตวิปฺปยุตฺตโลภสหคตา
ขนฺธา จ วตฺถุ จ โลภสฺส อตฺถิปจฺจเยน ปจฺจโย ฯ ปจฺฉาชาตา:
ทิฏฺฐิคตวิปฺปยุตฺตโลภสหคตา ขนฺธา จ โลโภ จ ปุเรชาตสฺส
อิมสฺส กายสฺส อตฺถิปจฺจเยน ปจฺจโย ฯ ปจฺฉาชาตา:
ทิฏฺฐิคตวิปฺปยุตฺตโลภสหคตา ขนฺธา จ โลโภ จ กพฬึกาโร อาหาโร จ
อิมสฺส กายสฺส อตฺถิปจฺจเยน ปจฺจโย ฯ ปจฺฉาชาตา:
ทิฏฺฐิคตวิปฺปยุตฺตโลภสหคตา ขนฺธา จ โลโภ จ รูปชีวิตินฺทฺริยญฺจ
กฏตฺตารูปานํ อตฺถิปจฺจเยน ปจฺจโย ฯ อุปาทานสมฺปยุตฺโต จ
อุปาทานวิปฺปยุตฺโต จ ธมฺมา อุปาทานสมฺปยุตฺตสฺส จ อุปาทานวิปฺปยุตฺตสฺส
จ ธมฺมสฺส อตฺถิปจฺจเยน ปจฺจโย: สหชาตํ ปุเรชาตํ ฯ
สหชาโต: ทิฏฺฐิคตวิปฺปยุตฺตโลภสหคโต เอโก ขนฺโธ จ โลโภ จ
ติณฺณนฺนํ ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย
เทฺว ขนฺธา … ฯ สหชาโต: ทิฏฺฐิคตวิปฺปยุตฺตโลภสหคโต เอโก
ขนฺโธ จ วตฺถุ จ ติณฺณนฺนํ ขนฺธานํ โลภสฺส จ อตฺถิปจฺจเยน
ปจฺจโย เทฺว ขนฺธา … ฯ … นตฺถิปจฺจเยน ปจฺจโย: วิคตปจฺจเยน
ปจฺจโย: อวิคตปจฺจเยน ปจฺจโย: ฯ

[๔๕๕] เหตุยา นว อารมฺมเณ นว อธิปติยา นว อนนฺตเร
นว สมนนฺตเร นว สหชาเต นว อญฺญมญฺเญ ฉ นิสฺสเย
นว อุปนิสฺสเย นว ปุเรชาเต ตีณิ ปจฺฉาชาเต ตีณิ อาเสวเน
นว กมฺเม จตฺตาริ วิปาเก เอกํ อาหาเร จตฺตาริ อินฺทฺริเย
จตฺตาริ ฌาเน จตฺตาริ มคฺเค จตฺตาริ สมฺปยุตฺเต ฉ
วิปฺปยุตฺเต ปญฺจ อตฺถิยา นว นตฺถิยา นว วิคเต นว
อวิคเต นว ฯ

[๔๕๖] อุปาทานสมฺปยุตฺโต ธมฺโม อุปาทานสมฺปยุตฺตสฺส ธมฺมสฺส
อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ฯ อุปาทานสมฺปยุตฺโต ธมฺโม อุปาทานวิปฺปยุตฺตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน
ปจฺจโย: อุปนิสฺสยปจฺจเยน ปจฺจโย: ปจฺฉาชาตปจฺจเยน ปจฺจโย:
กมฺมปจฺจเยน ปจฺจโย: ฯ อุปาทานสมฺปยุตฺโต ธมฺโม อุปาทานสมฺปยุตฺตสฺส
จ อุปาทานวิปฺปยุตฺตสฺส จ ธมฺมสฺส อารมฺมณปจฺจเยน
ปจฺจโย: สหชาตปจฺจเยน ปจฺจโย: อุปนิสฺสยปจฺจเยน
ปจฺจโย: ฯ อุปาทานวิปฺปยุตฺโต ธมฺโม อุปาทานวิปฺปยุตฺตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ปุเรชาตปจฺจเยน ปจฺจโย: ปจฺฉาชาตปจฺจเยน
ปจฺจโย: กมฺมปจฺจเยน ปจฺจโย: อาหารปจฺจเยน
ปจฺจโย: อินฺทฺริยปจฺจเยน ปจฺจโย: ฯ อุปาทานวิปฺปยุตฺโต ธมฺโม
อุปาทานสมฺปยุตฺตสฺส ธมฺมสฺส อารมฺมณปจฺจเยน ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน
ปจฺจโย: ฯ อุปาทานวิปฺปยุตฺโต ธมฺโม อุปาทานสมฺปยุตฺตสฺส จ
อุปาทานวิปฺปยุตฺตสฺส จ ธมฺมสฺส อารมฺมณปจฺจเยน ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน
ปจฺจโย: ฯ อุปาทานสมฺปยุตฺโต จ อุปาทานวิปฺปยุตฺโต จ
ธมฺมา อุปาทานสมฺปยุตฺตสฺส ธมฺมสฺส อารมฺมณปจฺจเยน ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ
อุปาทานสมฺปยุตฺโต จ อุปาทานวิปฺปยุตฺโต จ ธมฺมา อุปาทานวิปฺปยุตฺตสฺส
ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย:
อุปนิสฺสยปจฺจเยน ปจฺจโย: ปจฺฉาชาตปจฺจเยน ปจฺจโย:
อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ อุปาทานสมฺปยุตฺโต
จ อุปาทานวิปฺปยุตฺโต จ ธมฺมา อุปาทานสมฺปยุตฺตสฺส จ
อุปาทานวิปฺปยุตฺตสฺส จ ธมฺมสฺส อารมฺมณปจฺจเยน ปจฺจโย:
สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ

[๔๕๗] นเหตุยา นว นอารมฺมเณ นว นอธิปติยา นว
สพฺพตฺถ นว โนอวิคเต นว ฯ

[๔๕๘] เหตุปจฺจยา นอารมฺมเณ นว … นอธิปติยา นว นอนนฺตเร
นว นสมนนฺตเร นว นอญฺญมญฺเญ ตีณิ นอุปนิสฺสเย นว สพฺพตฺถ
นว นสมฺปยุตฺเต ตีณิ นวิปฺปยุตฺเต ฉ โนนตฺถิยา นว โนวิคเต นว ฯ

[๔๕๙] นเหตุปจฺจยา อารมฺมเณ นว … อธิปติยา นว ฯ
อนุโลมมาติกา ฯ … อวิคเต นว ฯ
อุปาทานสมฺปยุตฺตทุกํ นิฏฺฐิตํ ฯ
_______________
อุปาทาน อุปาทานิยทุกํ
ปฏิจฺจวาโร

[๔๖๐] อุปาทานญฺเจวอุปาทานิยญฺจ ธมฺมํ ปฏิจฺจ อุปาทาโนเจว-
*อุปาทานิโยจ ธมฺโม อุปฺปชฺชติ เหตุปจฺจยา: ทิฏฺฐุปาทานํ
ปฏิจฺจ กามุปาทานํ กามุปาทานํ ปฏิจฺจ ทิฏฺฐุปาทานํ ฯ จกฺกํ ฯ
อุปาทานญฺเจวอุปาทานิยญฺจ ธมฺมํ ปฏิจฺจ อุปาทานิโยเจวโนจอุปาทาโน
ธมฺโม อุปฺปชฺชติ เหตุปจฺจยา: อุปาทาเน ปฏิจฺจ
สมฺปยุตฺตกา ขนฺธา จิตฺตสมุฏฺฐานญฺจ รูปํ ฯ อุปาทานญฺเจวอุปาทานิยญฺจ
ธมฺมํ ปฏิจฺจ อุปาทาโนเจวอุปาทานิโยจ อุปาทานิโยเจวโนจอุปาทาโน
จ ธมฺมา อุปฺปชฺชนฺติ เหตุปจฺจยา:
ทิฏฺฐุปาทานํ ปฏิจฺจ กามุปาทานํ สมฺปยุตฺตกา จ ขนฺธา จิตฺตสมุฏฺฐานญฺจ
รูปํ ฯ จกฺกํ ฯ อุปาทานิยญฺเจวโนจอุปาทานํ ธมฺมํ ปฏิจฺจ
อุปาทานิโยเจวโนจอุปาทาโน ธมฺโม อุปฺปชฺชติ เหตุปจฺจยา:
อุปาทานิยญฺเจวโนจอุปาทานํ เอกํ ขนฺธํ ปฏิจฺจ ตโย ขนฺธา
จิตฺตสมุฏฺฐานญฺจ รูปํ ปฏิสนฺธิ ยาว อชฺฌตฺติกา มหาภูตา ฯ
อุปาทานิยญฺเจวโนจอุปาทานํ ธมฺมํ ปฏิจฺจ อุปาทาโนเจวอุปาทานิโยจ
ธมฺโม อุปฺปชฺชติ เหตุปจฺจยา: อุปาทานิเยเจวโนจอุปาทาเน
ขนฺเธ ปฏิจฺจ อุปาทานา ฯ อุปาทานิยญฺเจวโนจอุปาทานํ ธมฺมํ
ปฏิจฺจ อุปาทาโนเจวอุปาทานิโยจ อุปาทานิโยเจวโนจอุปาทาโน จ
ธมฺมา อุปฺปชฺชนฺติ เหตุปจฺจยา: อุปาทานิยญฺเจวโนจอุปาทานํ เอกํ
ขนฺธํ ปฏิจฺจ ตโย ขนฺธา อุปาทานา จ จิตฺตสมุฏฺฐานญฺจ รูปํ
เทฺว ขนฺเธ … ฯ อุปาทานญฺเจวอุปาทานิยญฺจ อุปาทานิยญฺเจว-
*โนจอุปาทานญฺจ ธมฺมํ ปฏิจฺจ อุปาทาโนเจวอุปาทานิโยจ ธมฺโม
อุปฺปชฺชติ เหตุปจฺจยา: ทิฏฺฐุปาทานญฺจ สมฺปยุตฺตเก จ ขนฺเธ
ปฏิจฺจ กามุปาทานํ ฯ จกฺกํ ฯ อุปาทานญฺเจวอุปาทานิยญฺจ
อุปาทานิยญฺเจวโนจอุปาทานญฺจ ธมฺมํ ปฏิจฺจ อุปาทานิโยเจวโนจอุปาทาโน
ธมฺโม อุปฺปชฺชติ เหตุปจฺจยา: อุปาทานิยญฺเจวโนจอุปาทานํ
เอกํ ขนฺธญฺจ อุปาทาเน จ ปฏิจฺจ ตโย ขนฺธา
จิตฺตสมุฏฺฐานญฺจ รูปํ เทฺว ขนฺเธ … อุปาทาเน จ มหาภูเต จ
ปฏิจฺจ จิตฺตสมุฏฺฐานํ รูปํ ฯ อุปาทานญฺเจวอุปาทานิยญฺจ
อุปาทานิยญฺเจวโนจอุปาทานญฺจ ธมฺมํ ปฏิจฺจ อุปาทาโนเจวอุปาทานิโยจ
อุปาทานิโยเจวโนจอุปาทาโน จ ธมฺมา อุปฺปชฺชนฺติ
เหตุปจฺจยา: อุปาทานิยญฺเจวโนจอุปาทานํ เอกํ ขนฺธญฺจ
ทิฏฺฐุปาทานญฺจ ปฏิจฺจ ตโย ขนฺธา กามุปาทานญฺจ จิตฺตสมุฏฺฐานญฺจ
รูปํ เทฺว ขนฺเธ … ฯ จกฺกํ ฯ
เอวํ ยถา อุปาทานทุกํ เอวํ ปฏิจฺจวาโรปิ
สหชาตวาโรปิ ปจฺจยวาโรปิ นิสฺสยวาโรปิ
สํสฏฺฐวาโรปิ สมฺปยุตฺตวาโรปิ กาตพฺโพ
นินฺนานากรณา ฯ อามสนํ นานากรณํ ฯ
ปญฺหาวาโร

[๔๖๑] อุปาทาโนเจวอุปาทานิโยจ ธมฺโม อุปาทานสฺสเจว-
*อุปาทานิยสฺสจ ธมฺมสฺส เหตุปจฺจเยน ปจฺจโย: อุปาทานาเจวอุปาทานิยาจ
เหตู สมฺปยุตฺตกานํ อุปาทานานํ เหตุปจฺจเยน ปจฺจโย ฯ
อุปาทาโนเจวอุปาทานิโยจ ธมฺโม อุปาทานิยสฺสเจวโนจอุปาทานสฺส
ธมฺมสฺส เหตุปจฺจเยน ปจฺจโย: อุปาทานาเจวอุปาทานิยาจ เหตู
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ เหตุปจฺจเยน
ปจฺจโย ฯ อุปาทานทุกสทิสา นินฺนานา นว ปญฺหา ฯ

[๔๖๒] อุปาทาโนเจวอุปาทานิโยจ ธมฺโม อุปาทานสฺสเจว-
*อุปาทานิยสฺสจ ธมฺมสฺส อารมฺมณปจฺจเยน ปจฺจโย: อุปาทาเน
อารพฺภ อุปาทานา อุปฺปชฺชนฺติ ฯ ตีณิ ฯ อุปาทานิโยเจวโนจอุปาทาโน
ธมฺโม อุปาทานิยสฺสเจวโนจอุปาทานสฺส ธมฺมสฺส
อารมฺมณปจฺจเยน ปจฺจโย: ทานํ ฯเปฯ ฌานา วุฏฺฐหิตฺวา ฌานํ
ปจฺจเวกฺขติ อสฺสาเทติ อภินนฺทติ ตํ อารพฺภ ราโค … ทิฏฺฐิ วิจิกิจฺฉา
อุทฺธจฺจํ … โทมนสฺสํ อุปฺปชฺชติ อริยา โคตฺรภุํ ปจฺจเวกฺขนฺติ
โวทานํ ปจฺจเวกฺขนฺติ ปหีเน กิเลเส … วิกฺขมฺภิเต กิเลเส … ปุพฺเพ
สมุทาจิณฺเณ … จกฺขุํ … วตฺถุํ … ฯ สงฺขิตฺตํ ฯ อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ อุปาทานิโยเจวโนจอุปาทาโน
ธมฺโม อุปาทานสฺสเจวอุปาทานิยสฺสจ ธมฺมสฺส อารมฺมณปจฺจเยน
ปจฺจโย: ฯ สงฺขิตฺตํ ฯ อิตเร เทฺว อุปาทานทุกสทิสา ฯ
อุปาทาโนเจวอุปาทานิโยจ อุปาทานิโยเจวโนจอุปาทาโน จ ธมฺมา
อุปาทานสฺสเจวอุปาทานิยสฺส จ ธมฺมสฺส อารมฺมณปจฺจเยน ปจฺจโย:
ตีณิ ฯ เหฏฺฐา อธิปติ ตีณิ อุปาทานทุกสทิสา ฯ

[๔๖๓] อุปาทานิโยเจวโนจอุปาทาโน ธมฺโม อุปาทานิยสฺสเจว-
*โนจอุปาทานสฺส ธมฺมสฺส อธิปติปจฺจเยน ปจฺจโย: อารมฺมณาธิปติ
สหชาตาธิปติ ฯ อารมฺมณาธิปติ: ทานํ ฯเปฯ ฌานา วุฏฺฐหิตฺวา
ฌานํ ครุํ กตฺวา ปจฺจเวกฺขติ อสฺสาเทติ อภินนฺทติ ตํ
ครุํ กตฺวา ราโค … ทิฏฺฐิ อุปฺปชฺชติ ฯเปฯ เสกฺขา โคตฺรภุํ
ครุํ กตฺวา … โวทานํ … จกฺขุํ … วตฺถุํ … อุปาทานิเยเจว-
*โนจอุปาทาเน ขนฺเธ ครุํ กตฺวา อสฺสาเทติ อภินนฺทติ ตํ ครุํ กตฺวา
ราโค อุปฺปชฺชติ ทิฏฺฐิ ฯเปฯ อุปาทานิยาเจวโนจอุปาทานา ขนฺธา
อุปฺปชฺชนฺติ ฯ สหชาตาธิปติ: อุปาทานิยาเจวโนจอุปาทานา อธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ อวเสสา เทฺวปิ อารมฺมณาธิปติปิ สหชาตาธิปติปิ
อุปาทานทุกสทิสา ฯ ฆฏนา อธิปติปิ ตีณิ อุปาทานทุกสทิสา
สพฺเพ ปจฺจยา อุปาทานทุกสทิสา อุปาทานิเย โลกุตฺตรํ นตฺถิ
ปจฺจนียมฺปิ อิตเร เทฺว คณนาปิ อุปาทานทุกสทิสา ฯ
อุปาทานอุปาทานิยทุกํ นิฏฺฐิตํ ฯ
______________
อุปาทานอุปาทานสมฺปยุตฺตทุกํ
ปฏิจฺจวาโร