[๓๙๔] อุปาทานํ ธมฺมํ ปฏิจฺจ โนอุปาทาโน ธมฺโม อุปฺปชฺชติ
นอารมฺมณปจฺจยา: อุปาทาเน ปฏิจฺจ จิตฺตสมุฏฺฐานํ รูปํ ฯ
โนอุปาทานํ ธมฺมํ ปฏิจฺจ โนอุปาทาโน ธมฺโม อุปฺปชฺชติ
นอารมฺมณปจฺจยา: โนอุปาทาเน ขนฺเธ ปฏิจฺจ จิตฺตสมุฏฺฐานํ รูปํ
ปฏิสนฺธิกฺขเณ โนอุปาทาเน ขนฺเธ ปฏิจฺจ กฏตฺตารูปํ ขนฺเธ ปฏิจฺจ
วตฺถุ วตฺถุํ ปฏิจฺจ ขนฺธา เอกํ มหาภูตํ ยาว อสญฺญสตฺตา ฯ
อุปาทานญฺจ โนอุปาทานญฺจ ธมฺมํ ปฏิจฺจ โนอุปาทาโน ธมฺโม
อุปฺปชฺชติ นอารมฺมณปจฺจยา: อุปาทาเน จ สมฺปยุตฺตเก จ
ขนฺเธ ปฏิจฺจ จิตฺตสมุฏฺฐานํ รูปํ อุปาทาเน จ มหาภูเต จ
ปฏิจฺจ จิตฺตสมุฏฺฐานํ รูปํ ฯ … นอธิปติปจฺจยา: นอนนฺตรปจฺจยา:
ฯเปฯ นอุปนิสฺสยปจฺจยา: ฯ

[๓๙๕] อุปาทานํ ธมฺมํ ปฏิจฺจ อุปาทาโน ธมฺโม อุปฺปชฺชติ
นปุเรชาตปจฺจยา: อรูเป อตฺตวาทุปาทานํ ปฏิจฺจ กามุปาทานํ
กามุปาทานํ ปฏิจฺจ อตฺตวาทุปาทานํ ฯ อุปาทานํ ธมฺมํ ปฏิจฺจ
โนอุปาทาโน ธมฺโม อุปฺปชฺชติ นปุเรชาตปจฺจยา: อรูเป อุปาทาเน
ปฏิจฺจ สมฺปยุตฺตกา ขนฺธา อุปาทาเน ปฏิจฺจ จิตฺตสมุฏฺฐานํ
รูปํ ฯ สงฺขิตฺตํ ฯ นวปิ ปญฺหา อรูเป เทฺว อุปาทานา ฯ สงฺขิตฺตํ ฯ

[๓๙๖] นเหตุยา เอกํ นอารมฺมเณ ตีณิ นอธิปติยา นว
นอนนฺตเร ตีณิ ฯเปฯ นอุปนิสฺสเย ตีณิ นปุเรชาเต นว
นปจฺฉาชาเต นว นอาเสวเน นว นกมฺเม ตีณิ นวิปาเก
นว นอาหาเร เอกํ นอินฺทฺริเย เอกํ นฌาเน เอกํ นมคฺเค
เอกํ นสมฺปยุตฺเต ตีณิ นวิปฺปยุตฺเต นว โนนตฺถิยา ตีณิ
โนวิคเต ตีณิ ฯ

[๓๙๗] เหตุปจฺจยา นอารมฺมเณ ตีณิ … นอธิปติยา นว
นอุปนิสฺสเย ตีณิ นปุเรชาเต นว นปจฺฉาชาเต นว นอาเสวเน
นว นกมฺเม ตีณิ นวิปาเก นว นสมฺปยุตฺเต ตีณิ นวิปฺปยุตฺเต
นว โนนตฺถิยา ตีณิ โนวิคเต ตีณิ ฯ

[๓๙๘] นเหตุปจฺจยา อารมฺมเณ เอกํ สพฺพตฺถ เอกํ …
มคฺเค เอกํ อวิคเต เอกํ ฯ
สหชาตวาโรปิ ปฏิจฺจวารสทิโส
วิภชนฺเตน ทิฏฺฐุปาทานํ สหชาตํ กามุปาทานนฺติ กาตพฺพํ ฯ
ปจฺจยวาโร

[๓๙๙] อุปาทานํ ธมฺมํ ปจฺจยา อุปาทาโน ธมฺโม อุปฺปชฺชติ
เหตุปจฺจยา: ทิฏฺฐุปาทานํ ปจฺจยา กามุปาทานํ ฯ ตีณิ ปฏิจฺจสทิสา ฯ
โนอุปาทานํ ธมฺมํ ปจฺจยา โนอุปาทาโน ธมฺโม อุปฺปชฺชติ
เหตุปจฺจยา: โนอุปาทานํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ … ปฏิสนฺธิกฺขเณ ขนฺเธ ปจฺจยา
ยาว อชฺฌตฺติกา มหาภูตา วตฺถุํ ปจฺจยา โนอุปาทานา
ขนฺธา ฯ โนอุปาทานํ ธมฺมํ ปจฺจยา อุปาทาโน ธมฺโม อุปฺปชฺชติ
เหตุปจฺจยา: โนอุปาทาเน ขนฺเธ ปจฺจยา อุปาทานา วตฺถุํ ปจฺจยา
อุปาทานา ฯ โนอุปาทานํ ธมฺมํ ปจฺจยา อุปาทาโน จ โนอุปาทาโน
จ ธมฺมา อุปฺปชฺชนฺติ เหตุปจฺจยา: โนอุปาทานํ เอกํ ขนฺธํ
ปจฺจยา ตโย ขนฺธา อุปาทานา จ จิตฺตสมุฏฺฐานํ รูปํ เทฺว ขนฺเธ …
วตฺถุํ ปจฺจยา อุปาทานา มหาภูเต ปจฺจยา จิตฺตสมุฏฺฐานํ รูปํ
วตฺถุํ ปจฺจยา อุปาทานา สมฺปยุตฺตกา จ ขนฺธา ฯ อุปาทานญฺจ
โนอุปาทานญฺจ ธมฺมํ ปจฺจยา อุปาทาโน ธมฺโม อุปฺปชฺชติ
เหตุปจฺจยา: ทิฏฺฐุปาทานญฺจ สมฺปยุตฺตเก จ ขนฺเธ ปจฺจยา
กามุปาทานํ กามุปาทานญฺจ สมฺปยุตฺตเก จ ขนฺเธ ปจฺจยา
ทิฏฺฐุปาทานํ ฯ จกฺกํ กาตพฺพํ ฯ ทิฏฺฐุปาทานญฺจ วตฺถุญฺจ ปจฺจยา
กามุปาทานํ ฯ จกฺกํ กาตพฺพํ ฯ อุปาทานญฺจ โนอุปาทานญฺจ ธมฺมํ
ปจฺจยา โนอุปาทาโน ธมฺโม อุปฺปชฺชติ เหตุปจฺจยา: โนอุปาทานํ
เอกํ ขนฺธญฺจ อุปาทานญฺจ ปจฺจยา ตโย ขนฺธา จิตฺตสมุฏฺฐานญฺจ
รูปํ เทฺว ขนฺเธ … ฯ จกฺกํ กาตพฺพํ ฯ อุปาทาเน จ มหาภูเต จ
ปจฺจยา จิตฺตสมุฏฺฐานํ รูปํ อุปาทานญฺจ วตฺถุญฺจ ปจฺจยา
โนอุปาทานา ขนฺธา ฯ อุปาทานญฺจ โนอุปาทานญฺจ ธมฺมํ ปจฺจยา
อุปาทาโน จ โนอุปาทาโน จ ธมฺมา อุปฺปชฺชนฺติ เหตุปจฺจยา:
โนอุปาทานํ เอกํ ขนฺธญฺจ ทิฏฺฐุปาทานญฺจ ปจฺจยา ตโย ขนฺธา
กามุปาทานญฺจ จิตฺตสมุฏฺฐานํ รูปํ ฯ จกฺกํ ฯ ทิฏฺฐุปาทานญฺจ
วตฺถุญฺจ ปจฺจยา กามุปาทานํ สมฺปยุตฺตกา จ ขนฺธา ฯ จกฺกํ ฯ
… อารมฺมณปจฺจยา: อารมฺมเณ โนอุปาทานมูลเก ปญฺจายตนญฺจ
วตฺถุ จ กาตพฺพา ฯ

[๔๐๐] เหตุยา นว อารมฺมเณ นว อธิปติยา นว สพฺพตฺถ
นว วิปาเก เอกํ อวิคเต นว ฯ

[๔๐๑] โนอุปาทานํ ธมฺมํ ปจฺจยา โนอุปาทาโน ธมฺโม
อุปฺปชฺชติ นเหตุปจฺจยา: อเหตุกํ โนอุปาทานํ เอกํ ขนฺธํ ปจฺจยา …
อเหตุกปฏิสนฺธิกฺขเณ ยาว อสญฺญสตฺตา จกฺขายตนํ ปจฺจยา
จกฺขุวิญฺญาณํ กายายตนํ ปจฺจยา กายวิญฺญาณํ วตฺถุํ ปจฺจยา
อเหตุกา โนอุปาทานา ขนฺธา วิจิกิจฺฉาสหคเต อุทฺธจฺจสหคเต
ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห ฯ

[๔๐๒] นเหตุยา เอกํ นอารมฺมเณ ตีณิ นอธิปติยา นว
นอนนฺตเร ตีณิ นสมนนฺตเร ตีณิ นปุเรชาเต นว ฯ สงฺขิตฺตํ ฯ
นกมฺเม ตีณิ นวิปาเก นว ปฏิจฺจสทิสํ ฯ โนวิคเต ตีณิ ฯ
เอวํ อิตเร เทฺว คณนาปิ นิสฺสยวาโรปิ กาตพฺพา ฯ
สํสฏฺฐวาโร

[๔๐๓] อุปาทานํ ธมฺมํ สํสฏฺโฐ อุปาทาโน ธมฺโม อุปฺปชฺชติ
เหตุปจฺจยา: ทิฏฺฐุปาทานํ สํสฏฺฐํ กามุปาทานํ กามุปาทานํ
สํสฏฺฐํ ทิฏฺฐุปาทานํ ฯ จกฺกํ ฯ เอวํ นวปิ ปญฺหา กาตพฺพา ฯ