[๓๖๔] เหตุปจฺจยา นอารมฺมเณ จตฺตาริ … นอธิปติยา ปญฺจ
ฯเปฯ นปุเรชาเต จตฺตาริ นปจฺฉาชาเต ปญฺจ นอาเสวเน ปญฺจ
นกมฺเม ตีณิ นวิปาเก ตีณิ นสมฺปยุตฺเต จตฺตาริ นวิปฺปยุตฺเต
เทฺว โนนตฺถิยา จตฺตาริ โนวิคเต จตฺตาริ ฯ

[๓๖๕] นเหตุปจฺจยา อารมฺมเณ จตฺตาริ … อนนฺตเร จตฺตาริ
มคฺเค ตีณิ อวิคเต ปญฺจ ฯ
นิสฺสยวาโร ปจฺจยวารสทิโส ฯ
สํสฏฺฐวาโร

[๓๖๖] อุปาทินฺนํ ธมฺมํ สํสฏฺโฐ อุปาทินฺโน ธมฺโม อุปฺปชฺชติ
เหตุปจฺจยา: อุปาทินฺนํ เอกํ ขนฺธํ สํสฏฺฐา ตโย ขนฺธา เทฺว
ขนฺเธ … ปฏิสนฺธิกฺขเณ ฯเปฯ อนุปาทินฺนํ ธมฺมํ สํสฏฺโฐ
อนุปาทินฺโน ธมฺโม อุปฺปชฺชติ เหตุปจฺจยา: อนุปาทินฺนํ เอกํ
ขนฺธํ สํสฏฺฐา ตโย ขนฺธา เทฺว ขนฺเธ … ฯ

[๓๖๗] เหตุยา เทฺว อารมฺมเณ เทฺว อธิปติยา เอกํ
อนนฺตเร เทฺว สมนนฺตเร เทฺว สหชาเต เทฺว อญฺญมญฺเญ เทฺว
นิสฺสเย เทฺว อุปนิสฺสเย เทฺว ปุเรชาเต เทฺว อาเสวเน เอกํ
กมฺเม เทฺว วิปาเก เทฺว อวิคเต เทฺว ฯ

[๓๖๘] อุปาทินฺนํ ธมฺมํ สํสฏฺโฐ อุปาทินฺโน ธมฺโม อุปฺปชฺชติ
นเหตุปจฺจยา: อเหตุกํ อุปาทินฺนํ เอกํ ขนฺธํ สํสฏฺฐา ตโย ขนฺธา
เทฺว ขนฺเธ … อเหตุกปฏิสนฺธิกฺขเณ ฯเปฯ อนุปาทินฺนํ ธมฺมํ
สํสฏฺโฐ อนุปาทินฺโน ธมฺโม อุปฺปชฺชติ นเหตุปจฺจยา: อเหตุกํ
อนุปาทินฺนํ เอกํ ขนฺธํ สํสฏฺฐา ตโย ขนฺธา เทฺว ขนฺเธ …
วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต
อุทฺธจฺจสหคโต โมโห ฯ

[๓๖๙] นเหตุยา เทฺว นอธิปติยา เทฺว นปุเรชาเต เทฺว
นปจฺฉาชาเต เทฺว นอาเสวเน เทฺว นกมฺเม เอกํ นวิปาเก
เอกํ นฌาเน เอกํ นมคฺเค เทฺว นวิปฺปยุตฺเต เทฺว ฯ
เอวํ อิตเร เทฺว คณนาปิ สมฺปยุตฺตวาโรปิ กาตพฺพา ฯ
ปญฺหาวาโร

[๓๗๐] อุปาทินฺโน ธมฺโม อุปาทินฺนสฺส ธมฺมสฺส เหตุปจฺจเยน
ปจฺจโย: อุปาทินฺนา เหตู สมฺปยุตฺตกานํ ขนฺธานํ เหตุปจฺจเยน
ปจฺจโย ปฏิสนฺธิกฺขเณ อุปาทินฺนา เหตู สมฺปยุตฺตกานํ ขนฺธานํ
กฏตฺตา จ รูปานํ เหตุปจฺจเยน ปจฺจโย ฯ อุปาทินฺโน ธมฺโม
อนุปาทินฺนสฺส ธมฺมสฺส เหตุปจฺจเยน ปจฺจโย: อุปาทินฺนา เหตู
จิตฺตสมุฏฺฐานานํ รูปานํ เหตุปจฺจเยน ปจฺจโย ฯ อุปาทินฺโน ธมฺโม
อุปาทินฺนสฺส จ อนุปาทินฺนสฺส จ ธมฺมสฺส เหตุปจฺจเยน ปจฺจโย:/
อุปาทินฺนา เหตู สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ
เหตุปจฺจเยน ปจฺจโย ฯ อนุปาทินฺโน ธมฺโม อนุปาทินฺนสฺส ธมฺมสฺส
เหตุปจฺจเยน ปจฺจโย: อนุปาทินฺนา เหตู สมฺปยุตฺตกานํ ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ

[๓๗๑] อุปาทินฺโน ธมฺโม อุปาทินฺนสฺส ธมฺมสฺส อารมฺมณปจฺจเยน
ปจฺจโย: จกฺขุํ … กายํ อุปาทินฺเน รูเป คนฺเธ รเส
โผฏฺฐพฺเพ วตฺถุํ … อุปาทินฺเน ขนฺเธ อนิจฺจโต ฯเปฯ โทมนสฺสํ
อุปฺปชฺชติ กุสลากุสเล นิรุทฺเธ วิปาโก ตทารมฺมณตา อุปฺปชฺชติ
อุปาทินฺนํ รูปายตนํ จกฺขุวิญฺญาณสฺส อุปาทินฺนํ คนฺธายตนํ
ฆานวิญฺญาณสฺส ฯเปฯ โผฏฺฐพฺพายตนํ กายวิญฺญาณสฺส อารมฺมณปจฺจเยน
ปจฺจโย ฯ อุปาทินฺโน ธมฺโม อนุปาทินฺนสฺส ธมฺมสฺส
อารมฺมณปจฺจเยน ปจฺจโย: จกฺขุํ … กายํ อุปาทินฺเน รูเป คนฺเธ
รเส โผฏฺฐพฺเพ วตฺถุํ … อุปาทินฺเน ขนฺเธ อนิจฺจโต ฯเปฯ โทมนสฺสํ
อุปฺปชฺชติ ทิพฺเพน จกฺขุนา อุปาทินฺนํ รูปํ ปสฺสติ เจโตปริยญาเณน
อุปาทินฺนจิตฺตสมงฺคิสฺส จิตฺตํ ชานาติ อุปาทินฺนา ขนฺธา
อิทฺธิวิธญาณสฺส เจโตปริยญาณสฺส ปุพฺเพนิวาสานุสฺสติญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ อนุปาทินฺโน
ธมฺโม อนุปาทินฺนสฺส ธมฺมสฺส อารมฺมณปจฺจเยน ปจฺจโย:
ทานํ … สีลํ … อุโปสถกมฺมํ กตฺวา ตํ ปจฺจเวกฺขติ อสฺสาเทติ
อภินนฺทติ ตํ อารพฺภ ราโค ฯเปฯ โทมนสฺสํ อุปฺปชฺชติ
ปุพฺเพ สุจิณฺณานิ … ฌานา … อริยา มคฺคา วุฏฺฐหิตฺวา มคฺคํ
ปจฺจเวกฺขนฺติ ผลํ … นิพฺพานํ … นิพฺพานํ โคตฺรภุสฺส โวทานสฺส
มคฺคสฺส ผลสฺส อาวชฺชนาย อารมฺมณปจฺจเยน ปจฺจโย อริยา
ปหีเน กิเลเส … วิกฺขมฺภิเต กิเลเส … ปุพฺเพ สมุทาจิณฺเณ …
อนุปาทินฺเน รูเป … สทฺเท … โผฏฺฐพฺเพ … อนุปาทินฺเน ขนฺเธ
อนิจฺจโต ฯเปฯ โทมนสฺสํ อุปฺปชฺชติ ทิพฺเพน จกฺขุนา อนุปาทินฺนํ
รูปํ ปสฺสติ ทิพฺพาย โสตธาตุยา สทฺทํ สุณาติ เจโตปริยญาเณน
อนุปาทินฺนจิตฺตสมงฺคิสฺส จิตฺตํ ชานาติ อากาสานญฺจายตนํ
วิญฺญาณญฺจายตนสฺส อากิญฺจญฺญายตนํ เนวสญฺญานาสญฺญายตนสฺส
อนุปาทินฺนา ขนฺธา อิทฺธิวิธญาณสฺส เจโตปริยญาณสฺส
ปุพฺเพนิวาสานุสฺสติญาณสฺส ยถากมฺมุปคญาณสฺส อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ อนุปาทินฺโน ธมฺโม
อุปาทินฺนสฺส ธมฺมสฺส อารมฺมณปจฺจเยน ปจฺจโย: อนุปาทินฺเน รูเป …
สทฺเท … โผฏฺฐพฺเพ … อนุปาทินฺเน ขนฺเธ อนิจฺจโต ฯเปฯ โทมนสฺสํ
อุปฺปชฺชติ กุสลากุสเล นิรุทฺเธ วิปาโก ตทารมฺมณตา อุปฺปชฺชติ
อากาสานญฺจายตนํ วิญฺญาณญฺจายตนสฺส อากิญฺจญฺญายตนํ
เนวสญฺญานาสญฺญายตนสฺส อนุปาทินฺนํ รูปายตนํ จกฺขุวิญฺญาณสฺส
สทฺทายตนํ … โผฏฺฐพฺพายตนํ กายวิญฺญาณสฺส อารมฺมณปจฺจเยน
ปจฺจโย ฯ

[๓๗๒] อุปาทินฺโน ธมฺโม อนุปาทินฺนสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ: จกฺขุํ … กายํ อุปาทินฺเน
รูเป คนฺเธ รเส โผฏฺฐพฺเพ วตฺถุํ … อนุปาทินฺเน ขนฺเธ ครุํ
กตฺวา อสฺสาเทติ อภินนฺทติ ตํ ครุํ กตฺวา ราโค อุปฺปชฺชติ ทิฏฺฐิ
อุปฺปชฺชติ ฯ อนุปาทินฺโน ธมฺโม อนุปาทินฺนสฺส ธมฺมสฺส
อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ
อารมฺมณาธิปติ: ทานํ … สีลํ … อุโปสถกมฺมํ กตฺวา ตํ ครุํ กตฺวา
ปจฺจเวกฺขติ อสฺสาเทติ อภินนฺทติ ตํ ครุํ กตฺวา ราโค ฯเปฯ
ทิฏฺฐิ … ปุพฺเพ … ฌานา … อริยา มคฺคา วุฏฺฐหิตฺวา มคฺคํ ครุํ
กตฺวา ปจฺจเวกฺขนฺติ ผลํ … นิพฺพานํ … นิพฺพานํ โคตฺรภุสฺส
โวทานสฺส มคฺคสฺส ผลสฺส อธิปติปจฺจเยน ปจฺจโย อนุปาทินฺเน
รูเป … สทฺเท … โผฏฺฐพฺเพ … อนุปาทินฺเน ขนฺเธ ครุํ กตฺวา ราโค
อุปฺปชฺชติ ทิฏฺฐิ อุปฺปชฺชติ ฯ สหชาตาธิปติ: อนุปาทินฺนา อธิปติ
สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน
ปจฺจโย ฯ

[๓๗๓] อุปาทินฺโน ธมฺโม อุปาทินฺนสฺส ธมฺมสฺส อนนฺตรปจฺจเยน
ปจฺจโย: ปุริมา ปุริมา อุปาทินฺนา ขนฺธา ปจฺฉิมานํ
ปจฺฉิมานํ อุปาทินฺนานํ ขนฺธานํ อนนฺตรปจฺจเยน ปจฺจโย
ปญฺจวิญฺญาณํ วิปากมโนธาตุยา อนนฺตรปจฺจเยน ปจฺจโย
วิปากมโนธาตุ วิปากมโนวิญฺญาณธาตุยา อนนฺตรปจฺจเยน ปจฺจโย ฯ
อุปาทินฺโน ธมฺโม อนุปาทินฺนสฺส ธมฺมสฺส อนนฺตรปจฺจเยน ปจฺจโย:
ภวงฺคํ อาวชฺชนาย วิปากมโนวิญฺญาณธาตุ กิริยมโนวิญฺญาณธาตุยา
อนนฺตรปจฺจเยน ปจฺจโย ฯ อนุปาทินฺโน ธมฺโม อนุปาทินฺนสฺส
ธมฺมสฺส อนนฺตรปจฺจเยน ปจฺจโย: ปุริมา ปุริมา อนุปาทินฺนา
ขนฺธา ปจฺฉิมานํ ปจฺฉิมานํ อนุปาทินฺนานํ ขนฺธานํ อนนฺตรปจฺจเยน
ปจฺจโย อนุปาทินฺนา ขนฺธา วุฏฺฐานสฺส อนนฺตรปจฺจเยน
ปจฺจโย อนุโลมํ โคตฺรภุสฺส ผลสมาปตฺติยา อนนฺตรปจฺจเยน
ปจฺจโย ฯ อนุปาทินฺโน ธมฺโม อุปาทินฺนสฺส ธมฺมสฺส อนนฺตรปจฺจเยน
ปจฺจโย: อาวชฺชนา ปญฺจนฺนํ วิญฺญาณานํ อนุปาทินฺนา ขนฺธา
วุฏฺฐานสฺส อนนฺตรปจฺจเยน ปจฺจโย ฯ … สมนนฺตรปจฺจเยน ปจฺจโย:
สหชาตปจฺจเยน ปจฺจโย: ปญฺจ ปฏิจฺจสทิสา ฯ … อญฺญมญฺญปจฺจเยน
ปจฺจโย: เทฺว ปฏิจฺจสทิสา ฯ … นิสฺสยปจฺจเยน ปจฺจโย:
ปจฺจยวาเร นิสฺสยสทิสา ปญฺจ ฯ