[๓๒๔] โนอุปาทา ธมฺโม โนอุปาทา ธมฺมสฺส อนนฺตรปจฺจเยน
ปจฺจโย: ปุริมา ปุริมา โนอุปาทา ขนฺธา ปจฺฉิมานํ ปจฺฉิมานํ
โนอุปาทา ขนฺธานํ อนนฺตรปจฺจเยน ปจฺจโย อนุโลมํ โคตฺรภุสฺส
ผลสมาปตฺติยา อนนฺตรปจฺจเยน ปจฺจโย ฯ … สมนนฺตรปจฺจเยน
ปจฺจโย: สหชาตปจฺจเยน ปจฺจโย: ปฏิจฺจสทิสํ ฯ … อญฺญมญฺญปจฺจเยน
ปจฺจโย: ปฏิจฺจสทิสํ ฯ … นิสฺสยปจฺจเยน ปจฺจโย:
ปจฺจยวาเร นิสฺสยสทิสํ ฯ

[๓๒๕] อุปาทา ธมฺโม โนอุปาทา ธมฺมสฺส อุปนิสฺสยปจฺจเยน
ปจฺจโย: อารมฺมณูปนิสฺสโย ปกตูปนิสฺสโย ฯเปฯ ปกตูปนิสฺสโย:
จกฺขุสมฺปทํ … กายสมฺปทํ วณฺณสมฺปทํ คนฺธสมฺปทํ รสสมฺปทํ …
โภชนํ อุปนิสฺสาย ทานํ เทติ ฯเปฯ สงฺฆํ ภินฺทติ จกฺขุสมฺปทา …
กายสมฺปทา วณฺณสมฺปทา คนฺธสมฺปทา รสสมฺปทา … โภชนํ
สทฺธาย ผลสมาปตฺติยา อุปนิสฺสยปจฺจเยน ปจฺจโย ฯ โนอุปาทา
ธมฺโม โนอุปาทา ธมฺมสฺส อุปนิสฺสยปจฺจเยน ปจฺจโย: อารมฺมณูปนิสฺสโย
อนนฺตรูปนิสฺสโย ปกตูปนิสฺสโย ฯเปฯ ปกตูปนิสฺสโย:
สทฺธํ อุปนิสฺสาย ทานํ เทติ ฯเปฯ สมาปตฺตึ อุปฺปาเทติ มานํ
ชปฺเปติ ทิฏฺฐึ คณฺหาติ สีลํ … สทฺธํ ฯเปฯ ปตฺถนํ กายิกํ
สุขํ กายิกํ ทุกฺขํ อุตุํ … เสนาสนํ อุปนิสฺสาย ทานํ เทติ ฯเปฯ
สงฺฆํ ภินฺทติ สทฺธา ฯเปฯ เสนาสนํ สทฺธาย ฯเปฯ
ผลสมาปตฺติยา อุปนิสฺสยปจฺจเยน ปจฺจโย ฯ

[๓๒๖] อุปาทา ธมฺโม โนอุปาทา ธมฺมสฺส ปุเรชาตปจฺจเยน
ปจฺจโย: อารมฺมณปุเรชาตํ วตฺถุปุเรชาตํ ฯ อารมฺมณปุเรชาตํ:
จกฺขุํ ฯเปฯ วตฺถุํ อนิจฺจโต ฯเปฯ โทมนสฺสํ อุปฺปชฺชติ ทิพฺเพน
จกฺขุนา รูปํ ปสฺสติ ทิพฺพาย โสตธาตุยา สทฺทํ สุณาติ รูปายตนํ
จกฺขุวิญฺญาณสฺส รสายตนํ ชิวฺหาวิญฺญาณสฺส ฯ วตฺถุปุเรชาตํ:
จกฺขายตนํ จกฺขุวิญฺญาณสฺส กายายตนํ … วตฺถุ โนอุปาทา ขนฺธานํ
ปุเรชาตปจฺจเยน ปจฺจโย ฯ โนอุปาทา ธมฺโม โนอุปาทา ธมฺมสฺส
ปุเรชาตปจฺจเยน ปจฺจโย: อารมฺมณปุเรชาตํ: โผฏฺฐพฺเพ อนิจฺจโต
ฯเปฯ โทมนสฺสํ อุปฺปชฺชติ โผฏฺฐพฺพายตนํ กายวิญฺญาณสฺส
ปุเรชาตปจฺจเยน ปจฺจโย ฯ อุปาทา จ โนอุปาทา จ ธมฺมา
โนอุปาทา ธมฺมสฺส ปุเรชาตปจฺจเยน ปจฺจโย: อารมฺมณปุเรชาตํ
วตฺถุปุเรชาตํ ฯ โผฏฺฐพฺพายตนญฺจ วตฺถุ จ โนอุปาทา ขนฺธานํ
ปุเรชาตปจฺจเยน ปจฺจโย โผฏฺฐพฺพายตนญฺจ กายายตนญฺจ
กายวิญฺญาณสฺส ปุเรชาตปจฺจเยน ปจฺจโย ฯ

[๓๒๗] โนอุปาทา ธมฺโม โนอุปาทา ธมฺมสฺส ปจฺฉาชาตปจฺจเยน
ปจฺจโย: ปจฺฉาชาตา: โนอุปาทา ขนฺธา ปุเรชาตสฺส
อิมสฺส โนอุปาทา กายสฺส ปจฺฉาชาตปจฺจเยน ปจฺจโย ฯ มูลํ
ปุจฺฉิตพฺพํ ปจฺฉาชาตา: โนอุปาทา ขนฺธา ปุเรชาตสฺส อิมสฺส
อุปาทา กายสฺส ปจฺฉาชาตปจฺจเยน ปจฺจโย ฯ มูลํ ปุจฺฉิตพฺพํ
ปจฺฉาชาตา: โนอุปาทา ขนฺธา ปุเรชาตสฺส อิมสฺส อุปาทา
กายสฺส จ โนอุปาทา กายสฺส จ ปจฺฉาชาตปจฺจเยน ปจฺจโย ฯ
… อาเสวนปจฺจเยน ปจฺจโย: ฯ

[๓๒๘] โนอุปาทา ธมฺโม โนอุปาทา ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สหชาตา: โนอุปาทา เจตนา
สมฺปยุตฺตกานํ ขนฺธานํ โนอุปาทา จ จิตฺตสมุฏฺฐานานํ รูปานํ
กมฺมปจฺจเยน ปจฺจโย ปฏิสนฺธิกฺขเณ … ฯ นานาขณิกา: โนอุปาทา
เจตนา วิปากานํ ขนฺธานํ โนอุปาทา จ กฏตฺตารูปานํ กมฺมปจฺจเยน
ปจฺจโย ฯ โนอุปาทา ธมฺโม อุปาทา ธมฺมสฺส กมฺมปจฺจเยน
ปจฺจโย: สหชาตา นานาขณิกา ฯ สหชาตา: โนอุปาทา เจตนา
อุปาทา จิตฺตสมุฏฺฐานานํ รูปานํ กมฺมปจฺจเยน ปจฺจโย
ปฏิสนฺธิกฺขเณ … ฯ นานาขณิกา: โนอุปาทา เจตนา อุปาทา
กฏตฺตารูปานํ กมฺมปจฺจเยน ปจฺจโย ฯ โนอุปาทา ธมฺโม อุปาทา
จ โนอุปาทา จ ธมฺมสฺส กมฺมปจฺจเยน ปจฺจโย: สหชาตา
นานาขณิกา ฯ สหชาตา: โนอุปาทา เจตนา สมฺปยุตฺตกานํ ขนฺธานํ
อุปาทา จ โนอุปาทา จ จิตฺตสมุฏฺฐานานํ รูปานํ กมฺมปจฺจเยน
ปจฺจโย ปฏิสนฺธิกฺขเณ … ฯ นานาขณิกา: โนอุปาทา เจตนา
วิปากานํ ขนฺธานํ อุปาทา จ โนอุปาทา จ กฏตฺตารูปานํ
กมฺมปจฺจเยน ปจฺจโย ฯ

[๓๒๙] โนอุปาทา ธมฺโม โนอุปาทา ธมฺมสฺส วิปากปจฺจเยน
ปจฺจโย: วิปาโก โนอุปาทา เอโก ขนฺโธ ติณฺณนฺนํ ขนฺธานํ …
ปฏิสนฺธิ ตีณิ ฯ

[๓๓๐] อุปาทา ธมฺโม อุปาทา ธมฺมสฺส อาหารปจฺจเยน
ปจฺจโย: กพฬึกาโร อาหาโร อิมสฺส อุปาทา กายสฺส อาหารปจฺจเยน
ปจฺจโย ฯ มูลํ ปุจฺฉิตพฺพํ กพฬึกาโร อาหาโร อิมสฺส
โนอุปาทา กายสฺส อาหารปจฺจเยน ปจฺจโย ฯ มูลํ ปุจฺฉิตพฺพํ
กพฬึกาโร อาหาโร อิมสฺส อุปาทา กายสฺส จ โนอุปาทา
กายสฺส จ อาหารปจฺจเยน ปจฺจโย ฯ โนอุปาทา ธมฺโม โนอุปาทา
ธมฺมสฺส อาหารปจฺจเยน ปจฺจโย: โนอุปาทา อาหารา
สมฺปยุตฺตกานํ ขนฺธานํ โนอุปาทา จ จิตฺตสมุฏฺฐานานํ รูปานํ
อาหารปจฺจเยน ปจฺจโย ปฏิสนฺธิกฺขเณ ฯเปฯ โนอุปาทามูลเก
ตีณิ ปฏิสนฺธิ ฯ

[๓๓๑] อุปาทา ธมฺโม อุปาทา ธมฺมสฺส อินฺทฺริยปจฺจเยน
ปจฺจโย: รูปชีวิตินฺทฺริยํ อุปาทา กฏตฺตารูปานํ อินฺทฺริยปจฺจเยน
ปจฺจโย ฯ มูลํ ปุจฺฉิตพฺพํ จกฺขุนฺทฺริยํ จกฺขุวิญฺญาณสฺส กายินฺทฺริยํ …
รูปชีวิตินฺทฺริยํ โนอุปาทา กฏตฺตารูปานํ อินฺทฺริยปจฺจเยน
ปจฺจโย ฯ มูลํ ปุจฺฉิตพฺพํ รูปชีวิตินฺทฺริยํ อุปาทา จ โนอุปาทา จ
กฏตฺตารูปานํ อินฺทฺริยปจฺจเยน ปจฺจโย ฯ โนอุปาทา ธมฺโม
โนอุปาทา ธมฺมสฺส อินฺทฺริยปจฺจเยน ปจฺจโย: ตีณิ ปฏิสนฺธิ ฯ
อุปาทา จ โนอุปาทา จ ธมฺมา โนอุปาทา ธมฺมสฺส อินฺทฺริยปจฺจเยน
ปจฺจโย: จกฺขุนฺทฺริยญฺจ จกฺขุวิญฺญาณญฺจ จกฺขุวิญฺญาณสหคตานํ
ขนฺธานํ อินฺทฺริยปจฺจเยน ปจฺจโย กายินฺทฺริยํ … ฯ

[๓๓๒] โนอุปาทา ธมฺโม โนอุปาทา ธมฺมสฺส ฌานปจฺจเยน
ปจฺจโย: ตีณิ ฯ … มคฺคปจฺจเยน ปจฺจโย: ตีณิ ปฏิสนฺธิ
กาตพฺพา ฯ … สมฺปยุตฺตปจฺจเยน ปจฺจโย: เอกํ ฯ

[๓๓๓] อุปาทา ธมฺโม โนอุปาทา ธมฺมสฺส วิปฺปยุตฺตปจฺจเยน
ปจฺจโย: สหชาตํ ปุเรชาตํ ฯ สหชาตํ: ปฏิสนฺธิกฺขเณ วตฺถุ
โนอุปาทา ขนฺธานํ วิปฺปยุตฺตปจฺจเยน ปจฺจโย ฯ ปุเรชาตํ: จกฺขายตนํ
จกฺขุวิญฺญาณสฺส กายายตนํ … วตฺถุ โนอุปาทา ขนฺธานํ
วิปฺปยุตฺตปจฺจเยน ปจฺจโย ฯ โนอุปาทา ธมฺโม โนอุปาทา ธมฺมสฺส
วิปฺปยุตฺตปจฺจเยน ปจฺจโย: สหชาตํ ปจฺฉาชาตํ ฯ สหชาตา:
โนอุปาทา ขนฺธา โนอุปาทา จิตฺตสมุฏฺฐานานํ รูปานํ วิปฺปยุตฺตปจฺจเยน
ปจฺจโย ปฏิสนฺธิกฺขเณ โนอุปาทา ขนฺธา โนอุปาทา
กฏตฺตารูปานํ วิปฺปยุตฺตปจฺจเยน ปจฺจโย ฯ ปจฺฉาชาตา: โนอุปาทา
ขนฺธา ปุเรชาตสฺส อิมสฺส โนอุปาทา กายสฺส วิปฺปยุตฺตปจฺจเยน
ปจฺจโย ฯ โนอุปาทา ธมฺโม อุปาทา ธมฺมสฺส วิปฺปยุตฺตปจฺจเยน
ปจฺจโย: สหชาตํ ปจฺฉาชาตํ ฯ สหชาตา: โนอุปาทา ขนฺธา อุปาทา
จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย ปฏิสนฺธิกฺขเณ … ฯ
ปจฺฉาชาตา: โนอุปาทา ขนฺธา ปุเรชาตสฺส อิมสฺส
อุปาทา กายสฺส วิปฺปยุตฺตปจฺจเยน ปจฺจโย ฯ โนอุปาทา ธมฺโม
อุปาทา จ โนอุปาทา จ ธมฺมสฺส วิปฺปยุตฺตปจฺจเยน ปจฺจโย:
สหชาตํ ปจฺฉาชาตํ ฯ สหชาตา: โนอุปาทา ขนฺธา อุปาทา จ
โนอุปาทา จ จิตฺตสมุฏฺฐานานํ รูปานํ วิปฺปยุตฺตปจฺจเยน ปจฺจโย
ปฏิสนฺธิกฺขเณ … ฯ ปจฺฉาชาตา: โนอุปาทา ขนฺธา ปุเรชาตสฺส
อิมสฺส อุปาทา กายสฺส จ โนอุปาทา กายสฺส จ วิปฺปยุตฺตปจฺจเยน
ปจฺจโย ฯ