[๓๐๔] โนอุปาทา ธมฺมํ ปฏิจฺจ โนอุปาทา ธมฺโม อุปฺปชฺชติ
นฌานปจฺจยา: ปญฺจวิญฺญาณสหคตํ เอกํ ขนฺธํ ปฏิจฺจ ตโย ขนฺธา
เทฺว ขนฺเธ … พาหิรํ … อาหารสมุฏฺฐานํ … อุตุสมุฏฺฐานํ …
อสญฺญสตฺตานํ เทฺว มหาภูเต ปฏิจฺจ เทฺว มหาภูตา ฯ โนอุปาทา ธมฺมํ
ปฏิจฺจ อุปาทา ธมฺโม อุปฺปชฺชติ นฌานปจฺจยา: พาหิเร …
อาหารสมุฏฺฐาเน … อุตุสมุฏฺฐาเน … อสญฺญสตฺตานํ มหาภูเต
ปฏิจฺจ อุปาทา กฏตฺตารูปํ ฯ โนอุปาทา ธมฺมํ ปฏิจฺจ อุปาทา จ
โนอุปาทา จ ธมฺมา อุปฺปชฺชนฺติ นฌานปจฺจยา: พาหิรํ …
อาหารสมุฏฺฐานํ … อุตุสมุฏฺฐานํ … อสญฺญสตฺตานํ เอกํ มหาภูตํ ปฏิจฺจ
ตโย มหาภูตา มหาภูเต ปฏิจฺจ อุปาทา กฏตฺตารูปํ อุปาทารูปํ ฯ

[๓๐๕] อุปาทา ธมฺมํ ปฏิจฺจ โนอุปาทา ธมฺโม อุปฺปชฺชติ
นมคฺคปจฺจยา: ปญฺจ ฯ … นสมฺปยุตฺตปจฺจยา: ตีณิ ฯ

[๓๐๖] โนอุปาทา ธมฺมํ ปฏิจฺจ โนอุปาทา ธมฺโม อุปฺปชฺชติ
นวิปฺปยุตฺตปจฺจยา: อรูเป โนอุปาทา เอกํ ขนฺธํ ปฏิจฺจ ตโย
ขนฺธา เทฺว ขนฺเธ … พาหิรํ … อาหารสมุฏฺฐานํ … อุตุสมุฏฺฐานํ …
อสญฺญสตฺตานํ เอกํ มหาภูตํ … ฯ โนอุปาทา ธมฺมํ ปฏิจฺจ อุปาทา
ธมฺโม อุปฺปชฺชติ นวิปฺปยุตฺตปจฺจยา: พาหิเร … อาหารสมุฏฺฐาเน …
อุตุสมุฏฺฐาเน … อสญฺญสตฺตานํ มหาภูเต ปฏิจฺจ อุปาทา กฏตฺตารูปํ
อุปาทารูปํ ฯ โนอุปาทา ธมฺมํ ปฏิจฺจ อุปาทา จ โนอุปาทา จ
ธมฺมา อุปฺปชฺชนฺติ นวิปฺปยุตฺตปจฺจยา: พาหิรํ … อาหารสมุฏฺฐานํ …
อุตุสมุฏฺฐานํ เอกํ มหาภูตํ ปฏิจฺจ ตโย มหาภูตา อุปาทา จ
รูปํ เทฺว มหาภูเต ปฏิจฺจ เทฺว มหาภูตา อสญฺญสตฺตานํ เอกํ
มหาภูตํ ปฏิจฺจ ตโย มหาภูตา กฏตฺตา จ รูปํ อุปาทารูปํ เทฺว
มหาภูเต ปฏิจฺจ เทฺว มหาภูตา กฏตฺตา จ รูปํ อุปาทารูปํ ฯ
… โนนตฺถิปจฺจยา: โนวิคตปจฺจยา: ฯ

[๓๐๗] นเหตุยา ปญฺจ นอารมฺมเณ ตีณิ นอธิปติยา ปญฺจ
นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ
นอุปนิสฺสเย ตีณิ นปุเรชาเต ปญฺจ นปจฺฉาชาเต ปญฺจ นอาเสวเน
ปญฺจ นกมฺเม ตีณิ นวิปาเก ตีณิ นอาหาเร ตีณิ
นอินฺทฺริเย ตีณิ นฌาเน ตีณิ นมคฺเค ปญฺจ นสมฺปยุตฺเต ตีณิ
นวิปฺปยุตฺเต ตีณิ โนนตฺถิยา ตีณิ โนวิคเต ตีณิ ฯ

[๓๐๘] เหตุปจฺจยา นอารมฺมเณ ตีณิ … นอธิปติยา ปญฺจ
นกมฺเม เอกํ นวิปาเก ตีณิ นสมฺปยุตฺเต ตีณิ นวิปฺปยุตฺเต เอกํ
โนนตฺถิยา ตีณิ โนวิคเต ตีณิ ฯ

[๓๐๙] นเหตุปจฺจยา อารมฺมเณ ตีณิ … อนนฺตเร ตีณิ สมนนฺตเร
ตีณิ สหชาเต ปญฺจ อญฺญมญฺเญ ปญฺจ นิสฺสเย ปญฺจ อุปนิสฺสเย
ตีณิ ปุเรชาเต เอกํ อาเสวเน เอกํ มคฺเค เอกํ อวิคเต ปญฺจ ฯ
สหชาตวาโร ปฏิจฺจวารสทิโส ฯ
ปจฺจยวาโร

[๓๑๐] อุปาทา ธมฺมํ ปจฺจยา โนอุปาทา ธมฺโม อุปฺปชฺชติ
เหตุปจฺจยา: วตฺถุํ ปจฺจยา โนอุปาทา ขนฺธา ปฏิสนฺธิกฺขเณ
ฯเปฯ โนอุปาทา ธมฺมํ ปจฺจยา โนอุปาทา ธมฺโม อุปฺปชฺชติ
เหตุปจฺจยา: ตีณิ ฯ โนอุปาทามูลเก ตีณิปิ ปฏิจฺจสทิสา
นินฺนานากรณา ฯ อุปาทา จ โนอุปาทา จ ธมฺมํ ปจฺจยา โนอุปาทา
ธมฺโม อุปฺปชฺชติ เหตุปจฺจยา: โนอุปาทา เอกํ ขนฺธญฺจ วตฺถุญฺจ
ปจฺจยา ตโย ขนฺธา เทฺว ขนฺเธ … ปฏิสนฺธิ ฯ

[๓๑๑] อุปาทา ธมฺมํ ปจฺจยา โนอุปาทา ธมฺโม อุปฺปชฺชติ
อารมฺมณปจฺจยา: จกฺขายตนํ ปจฺจยา จกฺขุวิญฺญาณํ กายายตนํ
ปจฺจยา กายวิญฺญาณํ วตฺถุํ ปจฺจยา โนอุปาทา ขนฺธา
ปฏิสนฺธิ ฯ โนอุปาทา ธมฺมํ ปจฺจยา โนอุปาทา ธมฺโม อุปฺปชฺชติ
อารมฺมณปจฺจยา: เอกํ ปฏิจฺจสทิสํ ฯ อุปาทา จ โนอุปาทา จ
ธมฺมํ ปจฺจยา โนอุปาทา ธมฺโม อุปฺปชฺชติ อารมฺมณปจฺจยา:
จกฺขุวิญฺญาณสหคตํ เอกํ ขนฺธญฺจ จกฺขายตนญฺจ ปจฺจยา ตโย
ขนฺธา เทฺว ขนฺเธ … กายวิญฺญาณสหคตํ … โนอุปาทา เอกํ
ขนฺธญฺจ วตฺถุญฺจ ปจฺจยา ตโย ขนฺธา เทฺว ขนฺเธ … ปฏิสนฺธิ ฯ
สงฺขิตฺตํ ฯ

[๓๑๒] เหตุยา ปญฺจ อารมฺมเณ ตีณิ อธิปติยา ปญฺจ
อนนฺตเร ตีณิ สมนนฺตเร ตีณิ สหชาเต ปญฺจ อญฺญมญฺเญ
ปญฺจ นิสฺสเย ปญฺจ อุปนิสฺสเย ตีณิ ปุเรชาเต ตีณิ
อาเสวเน ตีณิ กมฺเม ปญฺจ ฯ เอวํ คเณตพฺพํ ฯ อวิคเต ปญฺจ ฯ

[๓๑๓] อุปาทา ธมฺมํ ปจฺจยา โนอุปาทา ธมฺโม อุปฺปชฺชติ
นเหตุปจฺจยา: จกฺขายตนํ ปจฺจยา จกฺขุวิญฺญาณํ กายายตนํ
ปจฺจยา กายวิญฺญาณํ วตฺถุํ ปจฺจยา อเหตุกา โนอุปาทา ขนฺธา
อเหตุกปฏิสนฺธิกฺขเณ วตฺถุํ ปจฺจยา วิจิกิจฺฉาสหคโต อุทฺธจฺจสหคโต
โมโห ฯ โนอุปาทา ธมฺมํ ปจฺจยา โนอุปาทา ธมฺโม อุปฺปชฺชติ
นเหตุปจฺจยา: อเหตุกํ โนอุปาทา เอกํ ขนฺธํ ปจฺจยา ตโย ขนฺธา
โนอุปาทา จ จิตฺตสมุฏฺฐานํ รูปํ เทฺว ขนฺเธ … อเหตุกปฏิสนฺธิกฺขเณ
เอกํ มหาภูตํ ยาว อสญฺญสตฺตา วิจิกิจฺฉาสหคเต อุทฺธจฺจสหคเต
ขนฺเธ ปจฺจยา วิจิกิจฺฉาสหคโต อุทฺธจฺจสหคโต โมโห ฯ
ตีณิปิ ปฏิจฺจสทิสา นินฺนานากรณํ ฯ อุปาทา จ โนอุปาทา จ
ธมฺมํ ปจฺจยา โนอุปาทา ธมฺโม อุปฺปชฺชติ นเหตุปจฺจยา: จกฺขุวิญฺญาณสหคตํ
เอกํ ขนฺธญฺจ จกฺขายตนญฺจ ปจฺจยา ตโย ขนฺธา
เทฺว ขนฺเธ … กายวิญฺญาณสหคตํ … โนอุปาทา เอกํ ขนฺธญฺจ
วตฺถุญฺจ ปจฺจยา ตโย ขนฺธา เทฺว ขนฺเธ … ปฏิสนฺธิกฺขเณ
วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา
วิจิกิจฺฉาสหคโต อุทฺธจฺจสหคโต โมโห ฯ … นอารมฺมณปจฺจยา:
ตีณิ นอาเสวนปจฺจยา: ปญฺจ ฯ