[๒๕๑๗] อทฺธา หเว เสวิตพฺพา สปญฺญาอ
พหุสฺสุตา เย พหุฐานจินฺติโน
นาคญฺจ สุตฺวาน ตุวญฺจฬารฎ
กาหามิ ปุญฺญานิ อนปฺปกานิ ฯ

[๒๕๑๘] อทฺธา หเว เสวิตพฺพา สปญฺญา
พหุสฺสุตา เย พหุฐานจินฺติโน
นาคญฺจ สุตฺวาน มมญฺจ ราช
กโรหิ ปุญฺญานิ อนปฺปกานีติ ฯ
สงฺขปาลชาตกํ จตุตฺถํ ฯ
____________
๕ จุลฺลสุตโสมชาตกํ

[๒๕๑๙] อามนฺตยามิ นิคมํ มิตฺตามจฺเจ ปาริสชฺเช ๑ จ
สิรสฺมึ ปลิตํ ชาตํ ปพฺพชฺชํทานิ โรจหํ ฯ

[๒๕๒๐] อภุํ เม กถํ นุ ภณสิ
สลฺลํ เม เทว อุรสิ กปฺเปสิ
สตฺตสตา เต ภริยา
#๑ ม. ปริสฺสเช ฯ
กถํ นุ เต ตา ภวิสฺสนฺติ ฯ

[๒๕๒๑] ปญฺญายิหินฺติ เอตา ทหรา
อญฺญํปิ ตา คมิสฺสนฺติ
สคฺคญฺจ ๑ ปตฺถยาโน
เตนาหํ ปพฺพชิสฺสามิ ฯ

[๒๕๒๒] ทุลฺลทฺธํ เม อาสิ สุตโสม
ยสฺส เต โหมหํ มาตา
ยํ เม วิลปนฺติยา
อนเปกฺโข ปพฺพชสิ เทว ฯ
ทุลฺลทฺธํ เม อาสิ สุตโสม
ยํ ตํ อหํ วิชายิสฺสํ
ยํ เม วิลปนฺติยา
อนเปกฺโข ปพฺพชสิ เทว ฯ

[๒๕๒๓] โก นาเมโส ธมฺโม สุตโสม
กา จ นาม ปพฺพชฺชา
ยํ โน อเมฺห ชิณฺเณ ปหาย
อนเปกฺโข ปพฺพชสิ เทว ฯ

[๒๕๒๔] ปุตฺตาปิ ตุยฺหํ พหโว
ทหรา อปฺปตฺตโยพฺพนา
มญฺชู เตปิ ตํ อปสฺสนฺตา
#๑ ม. สคฺคํ จสฺส ฯ
มญฺเญ ทุกฺขํ นิคจฺฉนฺติ ฯ

[๒๕๒๕] ปุตฺเตหิ จ เม เอเตหิ
ทหเรหิ อปฺปตฺตโยพฺพเนหิ
มญฺชูหิ สพฺเพหิปิ ตุเมฺหหิ
จิรํปิ ฐตฺวา วินาภาโว ๑ ฯ

[๒๕๒๖] ฉินฺนํ นุ ตุยฺหํ หทยํ
อาทู ๒ กรุณา จ นตฺถิ อเมฺหสุ
ยํ โน วิกนฺทนฺติโย
อนเปกฺโข ปพฺพชสิ เทว ฯ