[๑๘๙๗] จุตาปิ เหเก ขลิตา สกมฺมุนา
มิตฺตานุกมฺปาย ปติฏฺฐหนฺติ
ปุตฺตา มมฏฺฏา คติมาคโตสฺมิ
อตฺถํ จเรถ มม วาริจร ๕ ฯ

[๑๘๙๘] ธเนน ธญฺเญน จ อตฺตนา จ
มิตฺตํ สหายญฺจ กโรนฺติ ปณฺฑิตา
กโรมิ เต เสนก เอตมตฺถํ
อริโย หิ อริยสฺส กโรติ กิจฺจํ ฯ

[๑๘๙๙] อปฺโปสฺสุกฺโก ตาต ตุวํ นิสีท
#๑ ม. ตเวว ฯ ๒ ม. เหเก ฯ ๓ สี. ยุ. จชนฺติ ฯ ๔ ม. อณฺฑชายํ ฯ
ปุตฺโต ปิตุ จรติ อตฺถจริยํ
อหํ จริสฺสามิ ตเวว อตฺถํ ๑
เสนสฺส ปุตฺเต ปริตฺตายมาโน ฯพ

[๑๙๐๐] อทฺธา หิ ตาต สตเมส ธมฺโม
ปุตฺโต ปิตุ จเร ๒ อตฺถจริยํ๕
อปฺเปว มํ ทิสฺวาน ปวฑฺฒกายํ
เสนสฺส ปุตฺตานิ น เหฐเยยฺยุํ ฯ

[๑๙๐๑] ปสู มนุสฺสา มิควีรเสฏฺฐ
ภยฏฺฏิตา ๓ เสฏฺฐมุปพฺพชนฺติ
ปุตฺตา มมฏฺฏา คติมาคโตสฺมิ
ตฺวํ โนสิ ราชา ภว เม สุขาย ฯ

[๑๙๐๒] กโรมิ เต เสนก เอตมตฺถํ
อายามิ เต ตํ ทิสตํ วธาย
กถํ หิ วิญฺญู พหุสมฺปชาโน
น วายเม อตฺตชนสฺส คุตฺติยา ฯ

[๑๙๐๓] มิตฺตํ กยิราถ สุหทยญฺจ
อยิรญฺจ กยิราถ สุขาคมาย
นิวตฺถโกโชว สเรภิหนฺตฺวา
โมทาม ปุตฺเตหิ สมงฺคิภูตา ฯ

[๑๙๐๔] สกมิตฺตสฺส กมฺเมน สหายสฺสาปลายิโน
#๑ ม. ตเวตมตฺถํ ฯ ๒ ม. ปิตุยํ จเร ฯ สี. ยุ. ปิตุ ยญฺจเรถ ฯ ๓ สี. ยุ.
#ภยทฺทิตา ฯ
กุชนฺตมุปกุชนฺติ โลมหํสา หทยงฺคมํ ฯ

[๑๙๐๕] มิตฺตํ สหายํ อธิคมฺม ปณฺฑิโต
โส ภุญฺชติ ปุตฺตํ ปสุํ ธนํ วา
อหญฺจ ปุตฺตา จ ปตี จ มยฺหํ
มิตฺตานุกมฺปาย สมงฺคิภูตา ฯ
ราชวตา สุรวตา จ อตฺโถ
สมฺปนฺนสขิสฺส ภวนฺติ เหเต
โส มิตฺตวา ยสวา อุคฺคตตฺโต
อสฺมิญฺจ โลเก โมทติ กามกามิ ฯ

[๑๙๐๖] กรณียานิ มิตฺตานิ ทลิทฺเทนาปิ เสนก
ปสฺส มิตฺตานุกมฺปาย สมคฺคมฺหา สญาตเก ฯ
สูเรน พลวนฺเตน โย มิตฺตํ ๑ กุรุเต ทิโช
เอวํ โส สุขิโต โหติ ยถาหํ ตฺวญฺจ เสนกาติ ฯ
มหาอุกฺกุสชาตกํ ตติยํ ฯ
____________
๔ อุทฺทาลกชาตกํ