[๑๘๔๗] โสหํ จตุปฺปตฺตมิมํ วิหงฺคมํ
ตนุจฺฉิทํ หทเย โอสชฺชามิ
#๑ สี. ยุ. สนฺธายุปาคมิ ฯ ๒ ม. โส ยํ ฯ ๓ สี. วิปลาวิตํ ฯ ม. นิปฺลวิตํ ฯ
#๔ ม. มานุสี ฯ
หนามิ ตํ มิตฺตทุพฺภึ อกิจฺจการึ
โย ตาทิสํ กมฺมกตํ น ชาเน ฯ

[๑๘๔๘] ธีรสฺส พาลสฺส หเว ชนินฺท
สนฺโต วธํ นปฺปสํสนฺติ ชาตุ
กามํ ฆรํ คจฺฉตุ ปาปธมฺโม
ยญฺจสฺส ภตฺตํ ตเทตสฺส เทหิ
อหญฺจ เต กามกโร ภวามิ ฯ

[๑๘๔๙] อทฺธา รุรุ อญฺญตโร สตํ โส
โย ทุพฺภิโน ๑ มานุสสฺส น ทุพฺภี
กามํ ฆรํ คจฺฉตุ ปาปธมฺโม
ยญฺจสฺส ภตฺตํ ตเทตสฺส ทมฺมิ
อหญฺจ เต คามวรํ ททามิ ฯ

[๑๘๕๐] สุวิชานํ สิคาลานํ สกุนฺตานญฺจ วสฺสิตํ
มนุสฺสวสฺสิตํ ราช ทุพฺพิชานตรํ ตโต
อปิ เจ มญฺญตี โปโส ญาติ มิตฺโต สขาติ วา
โย ปุพฺเพ สุมโน หุตฺวา ปจฺฉา สมฺปชฺชเต ทิโส ฯ

[๑๘๕๑] สมาคตา ชานปทา เนคมา จ สมาคตา
มิคา ธญฺญานิ ๒ ขาทนฺติ ตํ เทโว ปฏิเสธตุ ฯ

[๑๘๕๒] กามํ ชนปโท มาสิ รฏฺฐญฺจาปิ วินสฺสตุ
น เตฺววาหํ รุรุํ ทุพฺเภ ทตฺวา อภย ปกฺขินํ ฯ
#๑ ม. ทุพฺภโต ฯ ยุ. ทูภโต ฯ ๒ ม. สสฺสานิ ฯ

[๑๘๕๓] มา เม ชนปโท อาสิ มา มํ ชนปโท อหุ ๑
น เตฺววาหํ มิคราชสฺส วรํ ทตฺวา มุสา ภเณติ ฯ
รุรุมิคชาตกํ นวมํ ฯ
___________
๑๐ สรภชาตกํ ๒

[๑๘๕๔] อาสึเสเถว ๓ ปุริโส น นิพฺพินฺเทยฺย ปณฺฑิโต
ปสฺสามิ โวหํ อตฺตานํ ยถา อิจฺฉึ ตถา อหุ ฯ

[๑๘๕๕] อาสึเสเถว ๓ ปุริโส น นิพฺพินฺเทยฺย ปณฺฑิโต
ปสฺสามิ โวหํ อตฺตานํ อุทกา ถลมุพฺภตํ ฯ

[๑๘๕๖] วายเมเถว ปุริโส น นิพฺพินฺเทยฺย ปณฺฑิโต
ปสฺสามิ โวหํ อตฺตานํ ยถา อิจฺฉึ ตถา อหุ ฯ